繼上月過左大禮之後, 現在可以開始派帖, 轟炸行動正式開始,同事朋友們接住呀, 紅色炸彈來了.
為左呢張結婚帖,文迪同我都攪盡腦汁, 唸下點樣張帖整到最靚....
由開始選帖的款式, 字型,到帖入面既內容,入餅咭,餅咭既信封,Print 信封
還要做個印封口等等.....我地都花左好多心思架 !
攪左呢樣Task都有成個星期,仲要係日日Full day 個隻, 真係有D辛苦架...期間就要多謝兩位表妹 Emily 同埋Cat ,仲有佢地D男朋友Eric ,Kenneth.仲耍多謝細佬+吳欣.有佢地先可攪得O甘快架.
相信收到我地張帖既親朋好友應該會有一D既驚喜
(所以而家暫時唔 Post 張帖比大家睇).
記得係8 月31日黎到我地國皇的婚禮 (詳情可參考 http://hk.myblog.yahoo.com/mandy-vincent/article?mid=55)既時候,要帶番張帖黎wor...
因為可以用來參加大抽獎架,果份禮物就犀利了.... 不過想知就私人問文迪.
重要提示 : 由於物價高漲, 根據2008年既最新的"新婚通訊"調查, Default既人情價既已經由去年 $500 上漲到 $9999, 雖然係好貴, 為左我同文迪既友情,妳點可以唔出席呢.
見我地o甘有緣份係呢個Blog相遇, 人情方面可以比番個友情價你...只係$8888全包..
我話晒都係IT 人,人情方面係可以接受e-banking 或者EPS ( Account number 係441-1-XXXXXX ) 人唔到唔緊要...最緊要禮到 !!
不過如有任何安排不妥請多多包涵。
以前曾收到一d有錢人家請飲, 張帖一打開已經知係貴野, 但係帖雖貴, 但只感覺用錢裝出來的誠意.
回覆刪除你地張帖真係我收過之中最有心思的. 我一定會好好保存!
至於人情, 我明白到你地兩夫妻講心唔講金, 我會識做啦, 哈哈!!
[版主回覆07/08/2008 14:46:00]米高同Sandy ,多謝晒 !!
你要明白,雖然我同你身為同事都係講心唔講金,但係若果你想下星期去日本去得開心D, 番黎張枱無薯片碎/可樂濆,你都好快d儲定 $ 做人情了
收到你地張帖啦，好靚呀，細節都諗哂，囍字剪紙好靚，好有心思! 真係好sweet，祝你地以後都咁甜甜蜜蜜!
回覆刪除既然Vincent係 IT 人，放心啦，人情我會email比你架啦
[版主回覆07/08/2008 14:33:00]黃小姐, Thanks !!! 既然妳e-mail d 人情比我...身為IT 人既我當然接受的. 妳當日照黎la...不過妳臨開席之前記得番屋企check e-mail...當日食既野我都會e-mail 番張相比妳既.
441-X-XXXXXX
回覆刪除哈哈。洗唔洗夾番張入數紙俾你？
你地都係eaton擺... 恭喜!恭喜!恭喜!
回覆刪除我晌jade room呀~
(你係咪esd既hihivincent呀?)
[版主回覆08/24/2008 22:56:00]係呀...我就係hihivincent la......妳都有睇開 Eaton D post...
我都恭喜妳先
回覆刪除你們張帖我special!!
唔通你們其中一個係機組人員?
請問張帖係唔係你自己整,定出去搵人整?
回覆刪除