挑選化妝師- Ray Lo

上星期日陸運會之後,約左一個化妝師試妝,佢都幾難約..

約左好耐先有時間真係見一見面. 我成日叫文迪快D confirm,橫掂都Confirm 左阿Ray.快d比$,費時比人Book 左.

=======================================================

呢個就係去之前要知既事項:

挑選化妝師

現時大多化妝師都兼顧髮型師的工作，但如何才能找到價錢實惠，質素高的化妝師呢？以下是一些意見：

• 新娘可向朋友查詢意見，了解化妝師的口碑，選擇信譽良好及經驗豐富的化妝師。
  
• 向化妝師提供一些妳個人喜好的化妝或髮型的照片，同時聽取他們的意見。因為專業的化妝師能輕易看出妳皮膚或面型的問題，並能即時分析適合妳的化妝。
  
• 選擇化妝師前最好先試妝，認清他們的水準。而且不能單靠相板來決定，因為相板的模特兒化妝難度較低，根本不能確定是否適合自己。
  
• 試妝時，化妝師應提醒新娘婚前的護膚方法及宜忌，這樣才能避免新娘的皮膚或妝容出現問題。
  
• 試妝時要留意化妝師的手勢，妝容以舒服自然為佳，若手勢不佳，化妝過程會令妳感到不舒服。
  
• 試妝後細看粉底是否貼伏及自然，因為塗粉底做得不好，會影響整個妝容的效果。

收費細則

挑選合適的化妝師後，便要開始商討價錢。專業和業餘造型師的收費，差距可以很大，由$1500 至 $6000 不等，視乎化妝師提供的化妝品品牌和所需時間而定，一般分為以下四類收費：

服務套餐

特點

價錢

一妝一頭	新娘只出席註冊儀式。化妝師只需在早上提供一次化妝及髮型服務。	約$1,500
兩妝兩頭	註冊及婚宴同日舉行，較經濟。化妝師於註冊前提供一次服務，再於新娘到達婚宴場地後，替新娘重新換上另一款造型。	約$2,500
三妝三頭	化妝師於早上提供一次服務，再於下午替新娘換上另一款造型，然後會整晚留守會場，每次換衫都替新娘更換造型。	約$3,000 至 $4,000
全日服務	化妝師會由新娘出門開始，整天跟隨新娘，隨時補妝及更換造型。	約$4,000 至 $6,000

 

 

其他注意事項

• 新娘可於半年前預約，在婚前三個月試妝便可。若時間相隔太久，皮膚或髮型可能會與試妝時不同。而且三個月時間足夠讓新娘留長頭髮，或做一些皮膚及頭髮護理。
  
• 新娘可先參考婚紗雜誌，剪下自己喜歡的造型及帶同自己的婚紗相讓化妝師過目，讓他們更能掌握到新娘的氣質及風格。
  
• 新娘應先選定婚紗和晚裝才試妝，方便化妝師替新娘配襯出整體的感覺。
  
• 若新娘於家中出門，最好相約化妝師在家中試妝，讓化妝師熟習環境。
  
• 如試妝後有任何問題，或在婚期前皮膚或頭髮有任何異樣，應主動與化妝師聯絡，讓他們給予專業的意見。
  
• 婚前一星期與化妝師覆核當天的行程、時間及地點，確定化妝師已準備好試妝時所選的飾物。

=======================================================

阿Ray 既賣點有幾個:
1.  六年之前佢d朋友結婚,文迪第一次見面,就對阿Ray有好深刻既印象,

因為個個有一致既好評,之後同行既姊姊都係搵佢做化妝師. 而之後都有好評,所以都對佢有信心.

2. 化妝師當日用所有化妝品係唔會用平貨,全部用晒歐洲牌子.而佢最鍾意就係Chanel 同埋MAC. 當日所見,真係好利害,有95% 都係呢個牌子. 雖然我地唔駛一定要名牌,不過用D大牌子, 最少可以唔會敏感先,果日化妝化成日架.

連其他化妝用品都係架..

佢話有D Series係日本買番黎架,香港無架wor

 

3. 佢去過日本學過化妝,係一個專業既化妝師,又係專業Hair Consultants ,可以即時轉妝+ Set 頭, 仲可以剪埋髮,所而做型可以多花款D,連d姊妹都可以Set 頭.

4. 佢會包埋當日用既所有頭花或者頭飾,當我地決定左用咩色晚妝之後就可以再同佢夾,去佢公司都抽揀用咩頭飾好,呢d就佢自己手整既Sample.

 

化完妝之後感覺唔錯,佢畫到文迪對眼好大,好有神,佢重話文迪d頭髮唔算少,唔駛駁假髮啦,重有佢話預結婚當日個妝會比而家濃d,我用相機去影左幾張相(不過無Post 出黎),出黎效果真係OK既 ,一齊去既伴娘Mandy 同朋友Mavis人都話ok.... (唔該晒佢地先)

[-->文迪話佢本身天生麗質,化咩都靚架]

 

講多野先,由於我坐左係度三個鐘無野做,經我O甘細心既觀察,我初步懷疑阿 Ray 呢個化妝師好似有少少碧咸果d強迫對稱症,樣樣都要擺都好正先得架...有d野擺得唔好,係都要擺番好先開心架. 不過整齊d仲好,岩我心水.

 

由於今次試妝要比$580架,.價錢都唔平架,不過即時Confirm 又平$1000, 咁就Confrim 左啦,又完成多一樣結婚野.

 

不過我仲煩緊一樣野,由於當日係阿Ray 一個人黎,又無助手 . 佢話只包新娘任換化妝Set頭 , 加伴娘Set頭化妝. 再加 一個媽媽妝. 若果另一個媽咪同埋姊姊都要化妝, 就要Call 多個Partner ,而個價錢要再傾, 可能要$500 一個妝wor...不過呢樣可以好後先傾都得.