2007年11月17日 星期六

羅浮宮拎相記



今日我同永勝同約左我個好朋友Michelle去左羅浮宮揀相,我地揀相既時候都好好順利,只係揀左2個鍾到就揀好左52張相,個Sales Helen都好好人送左好多野俾我地.


今日揀完相喇. d相影得好好, 幾靚, 尤其婚紗果part. 晚裝果part, 個sales 不斷話我個妝靚, 但我覺得無論妝同條裙都係婚紗著得靚d.


佢地分5批相俾我揀 (仲以為我得3批)
1. 雙人園景 (一般喇)
2. 雙人室內 (好靚, 鋪係?面, 好多張都好得)
3. 女仔單人 (都有一定數量ok)


4. 對相及男仔單人 (d 對相都ok啦, 因為之前影不太自然, 大sam 今次捉到佢好多笑容)
5. effect 相 (最靚, 但不可計package)


我都好忍手, 每round 揀4-5張, 其實 effect 相同雙人園景最唔捨得cut. 因effect 相不可當package 之相, 所以頭一round 連package 之32相都揀唔夠. 根住我地就諗應該加多張相先夠呢?因為加一張杷要加$380都好貴架.個Sales就發功叫我地加呢樣加個樣喇!最後幾輪討價還價, 亦一個 lump-sum 計, 當然加多d又抵d......


我地本身唸住借相板之後力去Scan完,等大家可以先睹為快,不過要比$3000($500*6)按金,一星期之內親自還番.
不過真係拎相既日子又會推遲左一星期. 但係個Sale 好好人,佢話全個羅浮宮都裝左閉路電視,同埋列明唔比客人影相架wor.
不過.....唯獨廁所無閉路電視,佢可以當唔知比我地拎d相入廁所影.
(因為果Sale 話通常新人d相唔可以離開負責人既視線範圍)
o甘我地先可以比大家見下我地d相,唔駛等到二月先睇到


大家睇住呢幾張先啦!都影得我地好靚仔靚女架....



 






6 則留言:

  1. 第5張effect相d effect真係好勁.....由其係vicent條褲....好似修埋d攻擊性武器....除時冇錢找數就開拖咁

    回覆刪除
  2. 嘩~~終於都睇到一部份相喇喎 , 好期待睇晒係地d相...
    都影得幾生鬼丫 , 因為我都唔係太like人地好似公式地擺post , 硬晒呔咁 , good good...

    回覆刪除
  3. 你地真係拎D相入廁所影架?? 好攪笑呀!!
    多謝你地咁冒險就係為左比我地先睹為快...
    一對新人都幾上鏡喎...

    回覆刪除
  4. 唔知係咪你兩個個樣都細個. d 相好似細路扮大人咁 . 好cute好好笑.

    回覆刪除
  5. D相影得真係好靚喎~ 特別係第一幅, 好鍾意!!  不過...我想問, 點解大俊既笑容同平時咁唔同既?  平時 ==> 唔識笑+生硬唔自然... Wakaka~~
     
     
     
     

    回覆刪除
  6. 專業製作油畫 / 婚紗相簿 / 簽名布等等...有興趣可以進來看看哦!!!
    http://hk.myblog.yahoo.com/honhon-b

    回覆刪除