2017年3月16日 星期四

海洋公園推出全新教育活動-「星學動物探索隊」預覽

唔知大家想唔想帶小朋友去海洋公園參加不同嘅探索活動?

海洋公園推出左全新教育活動「歷險探索系列」

鼓勵兒童透過唔同既實踐/用親身既經驗學習唔同既海洋知識


最特別係仲可以見到好多平時見唔到嘅幕後情況架 !!!

有D秘密景點係平時一定入唔到~

就等我地國皇之家同大家預覽一下海洋公園「星學動物探索隊」既課程同埋有咩秘密啦~

大家快D去睇左下面片先~




<<活動內容>>為幼童設計的「星學動物探索隊」透過配合不同情境的趣味小挑戰,訓練他們的身體協調,創意、溝通技巧及解難能力。學員將預備特製啫喱餵飼海洋奇觀的魚類,近距離觀察雪鴞及海象,並在探索隊基地進行相關的課堂活動,以及運用學到的知識解決有關動物保育的難題。學員可透過實踐經驗,從中鍛鍊不同技巧,並學習如何與隊員合作  

  



整個真實課程其實分開三日既
下邊呢篇blog 就係呢個叫濃縮版既'星學動物探索隊'預覽
我哋今次都係第一次搭地鐵去海洋公園站,
有地鐵之後去其實大家去海洋公園真係方便左超級多,
我哋有屋企都係坐半個鐘頭就到。

就睇下兩兄弟點樣鼓起勇氣接受挑戰啦!

探索隊隊員需要帶什麼?

基本上準備一D個人必需品就可以啦~

  • 背囊/水樽/防曬用品/防蚊用品/帽/雨衣(不建議帶雨傘)
  • 食物盒(適用於星學動物探索隊 - 帶走剩餘的食物)
  • 餐具(適用於童遊動物探索隊 - 叉, 匙)
  • 呢度有幾個老師一齊照顧小朋友佢哋出入大大小小嘅課室
  • 穿越唔同海洋公園嘅場所
  • (老師比例係 1: 6 )
  • 小朋友仲會行啲職員通道入課室平時係見唔到架 
  • Mancent  Marcus 去左上堂
  • 家長可以輕輕鬆鬆"鄧梓峰"係Park 入面Hea 下 / 玩下
  • 籃色衫既就係負責我哋今日活動嘅係老師「米粉姨姨」
  • (仲有一個老師係跟Marcus 果組叫咩咩老師」)
  • 呢度星學動物探索隊課程已經準備左有唔同嘅挑戰

譬如話會教授一啲海洋知識之後就做一啲小組活動一齊玩遊戲

從中會訓練到小朋友嘅自信心人際關係溝通能力同埋克服困難啦

導師「米粉姨姨」好犀利呀一次過可以令到小朋友乖乖聽話~

之後仲會有專人帶住去唔同嘅水族館講解不同海洋生物嘅特性
(呢個時候其實成個海洋公園都未開架)

好似下圖既探索對象就係<海象>啦
小朋友個個都睇得好入神架~
仲見到潛水員同佢地清潔池底...

探完海象, 一班探險隊隊員又去另一個地方險啦~

今次我哋仲係第一次入
<<雪狐居 Arctic Fox Den>>

好多家長包括我地都係第一次見到白色既雪狐 !!
而且只見到工作人員點樣訓練雪狐佢哋坐定定
原來佢哋一齊聽指令嘅時候都好得意架
不過大家都要睇片先知佢有幾「萌」

之後鏡頭一轉....出場嘅動物就係
<<雪鴞>>
呢隻就係大家係電影哈利波特中成日見既白色貓頭鷹「雪鴞」
各位小朋友聽左老師即場介紹之後
之後再有工作人員帶佢出嚟講解比大家聽佢嘅飲食特性

==>原來佢哋去食小老鼠嫁..仲要係切件上,老鼠尾都食 !!

個個小朋友(加埋大人)都 E 嘩鬼叫....真係食老鼠架一_ 一!!

工作人員仲係大家面前示範點食


仲可以近距離同佢合照添

大家估下呢隻係男仔定女?? 原來佢係女仔黎架~

其實大家知唔知"貓頭鷹"同"鴞" 有咩分別??
唔講大家真係唔知道..以為係同一樣都係貓頭鷹姐
不用分那麼細..不過其實係小朋友心目中
唔好睇佢地"玩"完一大輪吸收唔到~
原來佢地都有記住老師教既知識~
係實踐同觀察入面已經記住左~

(真實故事)
因為星期六去完海洋公園之後..星期日佢地即時對佢地見過動物好有興趣~
要求我地去借D圖書睇~我地返教會附近又有圖書館..
難得佢地主動要求梗係即時去啦~

下面呢幅相就係由兩兄弟去完「星學動物探索隊」
之後再係圖書館搵返黎既答案 !!

兩位老師可以老懷安慰啦~佢地真係有學到野帶到返屋企架~


雪鴞同貓頭鷹其實最大既分別係有無耳朵 !!
[下圖有解釋]

下一個出場動物就係可以將佢哋幫肥肥既海象檢查牙齒
跟住就行過山車後邊嘅特別通道返課室探索基地挑戰一陣
跟住個課程已經包埋晏晝我哋去咗<<冰極餐廳>>
食晏晝..好多嘢食 ~



白汁帶子天使麵

蜜汁雞翼
茄汁豬扒飯
好搞笑嘅就係企鵝Pizza
Marcus 最先就係食左佢隻眼~
芝士薯條
香煎銀雪魚配薑黃汁
好多野食我地同傻夫婦一家食到捧住個肚走

飲品方面反而想講下
Mancent同Marcus就叫咗冰極,就係薄荷、椰果同雪碧做既,
我就飲企鵝舞曲,係用菠蘿汁、檸檬汁同雪碧,飲落好清新我覺得好啱夏天飲
永勝就飲北極之旅,係用青瓜、檸檬同梳打水~

而好飲推介排名
1. 企鵝舞曲
2. 冰極
3. 北極之旅(<--青瓜味好怪)

食飽飯就梗係一家四口影返張合照先啦!

**傻夫婦一家四口生活日誌既小丸子亂入中 **


課程下半部我哋就會搭"海洋列車"落返山去海洋館有重要嘅任務。


去到珊瑚課室
近距離可以見到海星

Marcus好專心咁研究緊啲海星既結構
又去到另外一個秘密嘅課室

今次要好認真去洗手

因為到左今日平時好神秘既幕後景點 !!!

我哋要準備自製啫喱比海洋奇觀既魚

老師仲會加埋大家呢啲啫喱係點樣嚟嘅
入面有咩營養
e.g. 海藻/魚碎


小朋友可以親身體驗點樣整啫喱
Marcus都仲得有紋有路㗎
整咗三個熊仔餅俾啲魚魚食
永勝聞左果"Pet" 啫喱(有少少腥)


相信大家一定未試過係一個係海洋館/海洋奇觀入面扔啫喱出去~

而家小朋友就親身近距離有呢個機會啦 ~
仲可以加深對認識海洋世界嘅不同嘅生態
e.g. 咩魚係面果層/咩魚係底


一扔落果下真係有好多魚沖埋黎搶食架~

[未試過係呢個咁近既距離睇珊瑚魚]


Yeah...好有成功咁呀~

鏡頭一轉又返回課室又要學習挑戰最後難關

今次又要模擬有海洋唔同嘅障礙物垃圾
Marcus 要避過佢呀~
完成任務後,每一個探索隊隊員更可獲取專屬探索隊徽章 !!



「星學動物探索隊」任務完成 !!
每個星學動物探索隊隊員最後都會根據你當日嘅表現
兩星三星或者四星星有唔同嘅奬章同埋奬勵 ~



兩兄弟唔同性格最後賺左咩奬章 ???

Marcus 最後獲老師加許同埋比左個勇敢嘅徽章 !!

因為呢成日都係第一個搶著去答問題~


哥哥 Mancent 呢就加許咗個Supportive 支援徽章
因為佢成日照顧細佬同其他小朋友~
兩兄弟之後都好自豪講返俾我哋聽架
佢地好勇敢同好架Supportive ~



<<玩後感>>
喺呢度大人都認識到好多野....有D都係第一次先知道
同埋以第三身睇住老師教導咁多咁"活潑"既小朋友
原來真係有方法架wor.
父母都學到要欣賞小朋友"好"嘅一面  !!鼓勵好緊要 !!


老師最後都有講返, 佢哋每個都各位小朋友/探索隊隊員都各有特色/Background
就好似唔同嘅海洋生物一樣都要"共融"

**大家互相了解完之後就要繼續堅持發揮自己嘅優點
去幫助其他有需要既人**





<Supporting>
大家若果想知道多啲課程嘅資料可以喺下面睇到
復活節係一個好機會比佢哋親身接觸亦都比佢知道多啲海洋嘅知識啦~
(特別一提一個參加課程既父母係"唔"需要參與嘅
當然影唔到咁多相啦..不過有工作人員幫小朋友影嘅)

復活節假期開課,全新教育活動「歷險探索系列」隆重登場!
適合4-8歲嘅小朋友,首個課程「春日歷險」現已接受報名,3月15日前報名仲有早鳥優惠添!活動透過體驗式學習活動、與動物近距離接觸嘅機會,促進小朋友個人全能發展,增強自信心、溝通能力、人際關係等等!活動期間,導師仲會因應小朋友嘅表現,頒發各類嘉許徽章以作獎勵!家長們立即幫仔女報名啦!

First  begins on Easter Holiday, the All-New Education Initiative “Adventure Camp”! 
Suitable for 4 to 8-year-old children, the very first programme “Spring Adventure” is available for enrolment now, enjoy the early bird promotion before 15 March! The Adventure Camp aims to encourage children to learn through experiential activities and animal encounters, which helps children to build up different skills such as self-confidence, collaboration and communication. Throughout the programme, the educators will award various badges to children in order to encourage them to reach the next level of their development! Enroll now for your kids!

沒有留言:

張貼留言