2015年2月11日 星期三

發哥最常出沒地點係邊度?(捕獲野生發哥既規則)

呢期全城都玩緊捕獲野生發哥!!

我都唔執輸都搵番同到發哥自拍既相出黎,


大家有我地facebook 都知道我地最近兩個都換左


Facebook profile pictures..



今次幅相仲上埋今期既U-Magazine




發哥出沒注意!

U  Life+Weekend 封面有講

回憶番當日同永勝帶細佬仔Marcus去九龍塘interview, 

in 完係學校門口出黎行唔夠十步就捕獲到發哥,

個一刻永勝抱住細佬仔Marcus, 我就行前面諗住截的士,

宊然間發哥就係我前面出現,我同永勝講咗一聲"發哥"

永勝仲問我邊度呀!當我同永勝講發哥個時發哥就聽到,

示意叫我地行理一面,根手發哥就拎咗永勝部電話

,點知開唔到lock住咗,要用指紋去開,

發哥仲講笑話部電話咁先進既??

大家知唔知點解咁鍾意拎人地部電話自拍??

原來下面紅字highlight 既原因:::


【on.cc東網專訊】 發哥自拍多過我哋食飯,而且每次都會主動揸機,由發哥親解自拍必靚招數絕對是信心保證!而發哥嘅獨門秘訣就係:手定、高炒、企中間!肥面人就更加要注意,發哥話:「肥肥哋嘅,就擠喺中間,唔好擠喺側邊,否則就肥上加肥,哈哈哈!」
發哥更解開堅持自己揸機之謎:「死喺自己手上好過死喺人哋手上丫嘛!我自己知道咩角度好睇啲!其實影親都係我自己蝕底嘅,啲wide angle呢,企喺邊位一定肥嘅!同我影親相,喺我身邊小鳥依人嗰啲妹妹仔一定靚,尤其企中間嗰啲一定好靚,我永遠係前面最遠嗰個,最肥嗰個,所以同我影親相嘅,最好睇嘅唔係周潤發,最好睇係佢哋,最靚係佢哋。」


細佬仔Marcus:呢位哥哥邊位呀?

自拍既時候..發哥仲係咁叫呀dee望鏡頭


呢次轉 Profile picture...我梗係cut去老公同個仔啦!


細佬仔終於望前面喇!


[同佢合照....自己真係呢一世都記得]


由於有個人話我尋日張profile相我cut咗佢,

所以永勝琴晚整咗一晚,一早同我講要用呢張相做profile相喎!

真係一早比佢笑死 !!

Cut 走我個靚樣~


比 少少Tip / 捕獲野生發哥注意事項比大家!!!

發哥最常出沒地點

Photo Reference: 
野生哥群組https://www.facebook.com/catchchowyunfat

1.地點:九龍塘雅息士道/窩打老道交界

時間:10:00~11:00

好似係佢一早行完山會去九龍城街市買野


2. 九龍城 永富水果
(九龍城侯王道47號地舖)





3.  黃泥涌(跑馬地)街市熟食中心 (捕獲日期: 2014年12月)




4.  旺角花園街街市既妹記食生滾粥!


5.西貢松記車仔麵



6.荃灣川龍街食店
地址: 荃灣川龍街6號地下

7.永騰潮州鹵水鵝


其實發哥咁受歡迎..真係有原因架..

親身經驗

真人Super nice ,又型又高

影左幾張唔滿意都無話趕時間~

臨走仲問睇下影得好唔好..

好好禮貌/好客氣..又識同妳講笑

仲有同我地講再見~




發哥受歡迎原因1:

努力不懈精神。發哥起初都係喺無綫拍劇,之後先去拍電影。同好多香港人一樣都係由低做起。但係佢憑著佢嘅才華同努力,曾經3次獲得香港電影金像獎最佳男主角、同埋兩次臺灣金馬獎最佳男主角獎。1995年仲去埋荷李活拍戲,而家已經係國際知名嘅演員。
發哥受歡迎原因2:
親民發哥雖然身價過億,但係佢仍然跟普通香港人一樣會迫地鐵、行山、去九龍城買餸煮飯、去九龍塘買腸粉食。每次有市民想同佢影相,佢都來者不拒,甚至有人稱佢為『香港之子』
<--我直頭想佢做特首。無論你年薪幾多錢都好,佢都一視同仁。

發哥受歡迎原因3:
體貼民情。2004年,佢曾經喺香港中學會考放榜講座上面批評香港母語教學失敗,學生應該到前任教育統籌委員會主席梁錦松的辦公室示威,要求他為失敗教育負責,證明佢對下一代幾咁關心。
發哥受歡迎原因4:
為市民著想。曾經有記者問發哥點解可以咁親民,佢話:『唔少人同我素未謀面,但係就默默支持咗我30年。而家佢哋只係想見我3分鐘,唔通都唔答應?』
發哥受歡迎原因5:
思想正面。發哥雖然係娛樂圈打滾多年,但係仍然思想正面,佢認為:「每人快樂的定義不同。別人或許是賺很多錢、吃名貴鮑魚、開名貴房車、打高爾夫球……我的快樂來自於平淡和簡單,沒病沒痛就已是上天最大的恩賜。」




不過近排個個都話要捕捉野生發哥,

其實若果專登等佢又唔好啦~



唔知大家又同唔同意以下7項捕獲野生發哥既規則呢?

希望大家都尊重發哥既私人生活啦~



#1【Timing matters】
若果強求偶像將他重要的工作放下而應付你任性的要求,是種絕對討厭的粉絲表現。
#2【No makeup means privacy】
試問又有誰願意自己的素顏照被全世界看見呢?
#3【Courtesy is a must】
他跟你拍照是人情,不拍也可以是道理。對你來說他是偶像,對他來說你只是陌生人。
#4【Show your identity】
你想想,有誰願意像當蠟像一樣,不停被不認識的人合照?
#5【Be a responsible fan】
記著,不是粉絲就不要訛稱,又沒有人說必定要是粉絲才可以合照,這樣弄出笑話就只會令大家尷尬,何必呢?
#6【Prepare your camera】
利用連拍功能,一按快門便拍下十張照片,總有一幅是佳作,亦能免卻拍了「鬆郁矇」的飲恨。
#7【Make it fun】
就像 the pancakes 在《給發哥的歌》中提的,可以讓偶像跟你一起跳起yeah,或是做一些可愛的手勢等,將這幾十秒時間變成偶像一天中最快樂的回憶。
reference CRYSTAL C (HOKK fabrica)




想知道我地最新既消息

沒有留言:

張貼留言