2013年6月19日 星期三

兩公婆拍拖睇鄒凱光Talk Show-齊呵唔閙

話說文迪我不嬲都要聽住收音機先可以瞓得到


以前係舊屋..未有小朋友既時候.....一路我都係開住收音機聽電台節目....

成日我臨訓都會聽 新香蕉俱樂部

迫住永勝都要同我一聽,點不知當陀住Mancent個時,永勝就唔俾我聽喇!


因為佢話d女人成日打電話去喊苦喊忽

話我聽得多會有抑鬱唔準我聽

2012年新香蕉俱樂部(英文:New Banana Club)
為新城知訊台 的一個phone-in節目,
內容以嬉笑手法解決聽眾的感情問題為主。


e.g. 
我老公日日都花天走地...
我老公有左第二個女人...我點算好呀?
我男朋友有左第二個...個果仲係男人...我又點算好呀?
我暗戀左個女仔好耐..不過佢好似又識左個新男朋友....我好唔開心呀?


不過同好多電台節目一樣..時間一耐.....有時又因為節目調動關係,
而家既新香蕉的舊有主持人只係剩低阿Ben,連阿Bob 都走埋lu...


就係咁我迫住/轉聽聽咗叱咤903既"一八七二遊花園"喇!

不過原來仲攪笑...

一八七二遊花園英語Talk of the town)是香港商業電台叱咤903的一個聽眾來電節目[1]。主持人是余迪偉鄒凱光,(阿Bu於2013年05月13日離職)。監製為光仔[3],控制員通常為阿豪,而jacky則為後備。節目首播日期為2009年4月30日5月1日凌晨)。現時於星期一至五晚上11時至2時於商業二台播出。


聽下聽下真係越聽越好聽,尤其我特別鐘意灘叔成日串人...串得黎又有Point ...又超級攪笑....

(不過名Bu 走左之後又無咁好笑了)


就係咁又過左2年,灘叔最近開咗個talk show"鄒凱光灘住吹之齊呵唔閙



我梗係第一時間買費支持灘叔啦!所以就兩公婆拍住拖去睇啦!
[不過個talk show 香港已經完晒架啦....都係純粹分享一下其中攪笑既]

地點係理工大學賽馬會綜藝館
註: 不過7月13日將「鄒凱光灘住吹之齋呵唔鬧」會呵到過去澳門綜藝一館,而家開始賣飛




入面係收唔到電話架..想Facebook check in 都唔得~


準備開始啦~



我地當日坐頭四行...仲見到"林海峰"坐係我地後面






其他有明星撐場既相
鄒凱光@大個仔勒@齋呵唔鬧 2013@PolyU HK
鄒凱光

記得既金句..有D都幾攪笑...同大家分享一下啦~

1.唔放棄實捱得過,捱得過就大個仔,大個仔咪唔jackpot囉
   (咩係唔Jackport ?? 咪77777)

2. 女人/老婆 要做男人心目中四個字...唔係 L O V E ..係的LEGO

    點解??想砌,好砌,come砌。

    e.g 保持新鮮感/多樣化/唔好呢樣唔好/果樣又唔好

    最後他們會由女朋友.....情人....老婆...仔仔媽媽...一路"砌" 個家比你。

    都難做到。不是個個男人都是高山峰。


3.不要怕迷失,有得必有失。  找一千萬個藉口拒絕,不如找一個藉口接受


4.試過和黎明拍戲,黎明和導演說只拍3個Take,問黎明何解?當時黎明話:「因為唔想拍第4 Take,同埋我拍3次你先會學識珍惜。」

5. 灘叔媽媽寫給灘叔既
”但我若有事你要孤獨做人就重頭再學 學習到天邊海角 一人拼摶你這主角 沒有配角”
  父母就係我生命當中既主角
 
6.  ”懂”妳老母...”懂”佢地係好重要!

7. 排唔排,上天仲有安排
8. 要做得好,始終會做得好,有乜咁大不了
大不了?做人其實可以開心D..

生活得唔開心/做野
唔開心
大不了咪唔做..
唔做大不了咪比無$無$大不了咪比乞食乞食但係開心wor...



灘叔專訪,大談另類角度「歌頌」港女





由於好難記得晒....夜晚有時無野做..等D仔/女訓晒....大家都可以去聽下架~

不過灘叔唱歌就真係.................

https://www.youtube.com/watch?v=LIfdZzZKBxc

bu:http://www.facebook.com/#!/karhoiu
迪偉:http://www.facebook.com/#!/dikwai
灘叔:http://www.facebook.com/#!/profile.php?id=532890149
         https://www.facebook.com/unklebeach?fref=ts

======================================

================
Reference:
http://www.am730.com.hk/article.php?article=151877


凡事唔好鬧咗先
「聽慣了我們節目的聽眾都知,我們每晚都有一個環節叫『齋呵唔鬧』,鼓勵聽眾明知自己『瀨嘢』,又不知怎樣做,打電話上來談談,我們講明只會對他們呵護有加,不會責難。」灘叔解釋何謂「齋呵唔鬧」,忠心粉絲聽眾都明白,這只是口號,當一眾苦主的看法和做法有點難耐,他們仍會禁不住教訓一番,「齋呵唔鬧或者可理解為呵完先鬧。」灘叔補充,這是他們累積而來的相處經驗,「你跟他們說前面有個洞,要小心,他們偏偏就要跳入去,但你跟他們說前面有個洞,不如一齊跳入去玩下,他們反而會願意跟你溝通。」灘叔自言曾年輕過,很明白聽眾的思路,跟他們溝通的第一步,是要把身段放下,大家平起平坐,放下一些大人judgement。「鬧咗先」是目前整個城市的傾向,由大至小都全方位受教,深諳此道,這是一套自我保護的有效機制或爭取利益的手段,「鬧咗先」可謂百利而無一害,既可透過鬧你不對而穩站道德高地,獲取高高在上的良好感受,又可令相關建制為免麻煩,以發放少許利益交換和諧,達息事寧人之效;如此處境,真心話只會被邊緣化,因少講少錯,避免予人入位開火機會,習慣「起桿」,但內心仍想與人交心,機會只留給那些真心想溝通的人。
 
想對話,唔該讀讀人家的說明書
「開話題,我不會是問問題那位,我先講了自己的事情,如昨晚泡妞如何不濟等……」灘叔表示,這就是真誠溝通的一種姿態,「被人套料」是年輕人對跟成人傾談的普遍感覺,還以「關心你」等美好字眼來包裝成人的不坦誠,「最大問題是擺錯先後次序,我到了差不多最後才贈他們一、兩句,收不收到看他們的造化。」灘叔以過來人經驗分享,年輕一輩會認為,對方花了心思兜了一個大圈表達小道理,就是一份可貴誠意。筆者身邊不乏一些成年人,以「年輕人不會明白」作為藉口,逃避分享心事,但一代不同一代,他們自小被教育制度湊大,習慣競爭,習慣拿來與人比較,習慣學習一些不配合他們年齡發展的知識,自小就被培育必須逆來順受,他們抗衡壓力能耐,比早幾代同年紀優勝,故更早出現成年人的情緒反應,早熟(不只是身體)是他們一代的標誌,他們怎會不明白悲慘世界的殘酷,或許他們比上一輩看得更清楚,去得更盡,更能洞悉成年人背後動機,不用談至第三句,便能分辨對方的真誠度,「我早兩天做腳底按摩,按摩師問我能否受力?我回答能夠受力,豈料她竟答我『我不夠力』,我可怎樣呢?」灘叔以此攻防對答為例,新一代清晰了解自己能力底蘊,又有勇氣坦誠表達,跟自己一代明知不行,硬著頭皮繼續努力衝衝衝不同;或許就是這些差異,成人遂把行為結論為缺乏突破耐力,不肯捱等評語,有自知之明,不作無謂犧牲,有何不好?這是他們對生活的說明書,問題該是:「誰參與撰寫這本說明書?」,這是成人當家後的選擇,總不能輸打贏要,有得必有失。
 
沒有公主病
灘叔本著「Saving Private Ryan 精神」,在大氣電波中又呵又鬧,救得一個得一個,「現在男仔溝女不像我們,當我們在巴士每天碰見心儀對象,可以自我製造浪漫,追女可以追4年,但他們上網打機、講攻略、用慣左腦,網上傾完約出來,搞嘢就是浪漫,俾房錢已是紳士行為。」在他眼中,所謂公主病,只是一眾宅男加諸女孩的標籤,以掩飾自己的弱項,「由始至終,女性成長就有成為公主的傾向,不是新鮮事,只是現在男孩自己不濟。」他們的關係發展特色就是「急」,女孩遇上「筍盤」也會迫得很緊,急於向同輩們宣示主權,急的背後,就是想盡快擁有對方,搞嘢、幫女士拎手袋等就是男女落實關係的一套儀式,擁有一段實在關係,是他們根底的渴望,或許,這是長期接觸電腦或手機這些沒血肉的虛擬世界的結果,這也可引申解釋近年真人騷愈受歡迎的原因,可以跟偶像或藝人面對面甚至握手。有市場自然多人參與,book期做騷相當困難,灘叔也不例外。
 
自己開騷,有編劇底
不見得大吉大利
「好早已經想做(Talk騷),見時機成熟,便落實上場。」觀乎眾多男男女女搞的真人Talk騷,能夠讓投資者放心,自然具一定客路,林海峰、森美、少爺占和卓韻芝流著電台血,他們每年一騷,灘叔如何在市場插上自己一枝旗?「你既然對新生代那麼熟悉,會否以他們的價值觀為題?」筆者問,「我想有部分內容吧……但我不想太早定一個題目,定位就會想不到東西,會用上很多死力。」因為有了定位,就要為此死命發掘,製造只是負能量,灘叔認為,做騷重點就是要觀眾笑,預備的方法是拿著錄音機,一想到甚麼好笑的內容便紀錄下來,籌夠期就整理、分Part,「做騷一定要scripted,但上到台就要按情況,始終食住feel講先好睇。」入行在電視台當編劇,接著加入馬偉豪班底做電影,寫稿理應是piece of cake,只是到自己做騷,發覺原來是另一回事,「以前我寫稿主要是送嘢俾人,出街前要過好多關,若被棄用,心裡就會發牢騷,為自己創作抱不平,到現在,發覺自己censor仲高,恍如兩個自己在對話,樂趣與痛苦同步發生。」灘叔道。
 
做兩三瓣是不夠的,
要做到人家都覺得你超多
由編劇、導演、演員到電台主持,現在更做talk騷,多重身份作跨範疇發展,灘叔認為,「以往前輩總說學一門手藝終老,現在不可能,我朋友起初學做菲林特效,以為可做一世,電腦出現,結果他也要轉型。」灘叔朋友相信只是冰山一角,在數位化當道年代,職場生態以幾何速度改變,做一瓣可以撐多久?灘叔認為做兩、三瓣是不夠的,因予人廣而不精的傳統觀感,「要做到人家都覺得超多,這才讓人覺得你瓣瓣得……人生要多幾個層次發展,才夠立體。」職業界線漸趨模糊,發達國家的工人生活不再流行富士康模式,造就了勞工階層可透過混合工種編織段段職場新故事,只是這種長期呈開工狀態,跟健康工時概念反其道而行,往往沒有社福保障,但工作過程卻可發現、實踐更多的自己,然而離開社會主流mode,現在未必人人可接受,亦鮮有像灘叔具備條件,可輕身冒險闖新路,「這多少屬天意安排,返朝九晚五,我必死,我30歲時,銀行戶口試過不足100元,但不會怨,這是自己的選擇。」昔日他的同班同學早已成家立室,聚會時不時呻養妻活兒辛苦,羨慕灘叔還是單身,可繼續自己精彩生活,但他聽在耳裡愈覺不是味兒,最讓他氣結的,是那種愛人家飯香的情懷,很多人生選擇其實已呈package狀態,有所得必然有所失,只是港人只愛拿著數,不願付代價。
有因必有果,灘叔形容今日的自信,建基於相信自己的一套價值觀,並以身體力行不斷實踐,「自信未必靠工作,它是種入晒血的狀態,像四哥(謝賢)唔扮靚就會好辛苦,這是他最舒服的mode。」似乎最苦者就是不懂自己相信甚麼,或者知道了,沒有勇氣按鈕著mode。
 
後記
別看灘叔今天瓣瓣精是得天獨厚,以文字為例,原來他在求學時期,曾經作文得分長期只有49分,「我還記得那位老師姓郭,她要我記住,我欠一分才合格……其實我最不喜歡跟人談電話,現在卻做了烽煙節目主持……」他形容今天的工種是上天注定,大多都是自己未曾想過,或許這樣的人生才堪玩味。
http://hk.apple.nextmedia.com/entertainment/art/20130614/18296300
馮仁昭四圍超:
鄒凱光開騷 抽四大天王水
任編劇、導演、主持嘅鄒凱光一連三場「灘住吹齋呵唔鬧」talk show前晚喺理工賽馬綜藝館開鑼,陳志雲、俞琤同彭浩翔等捧場,鄒凱光除咗喺台上爆粗外,講起阿媽又眼濕濕,不過最抵 ##### 係拎四大天王開玩笑:「我唔可以做劉華,佢咁專一,係女性恩物,但男性就覺得笨實。」之後又話見過一個學生妹巧遇劉華一刻癲到急屎。
講到郭富城,鄒凱光話佢鍾意睇波、賭馬、打牌同媾女,將麻甩佬呢個名upgrade晒,又話:
「我係矮過我條女,你抵得我啫,好似城城話喜歡你唔代表要白頭到老,嘩,幾有詩意呀。」
玩埋過澳門
之後鄒凱光又揶揄黎明,扮黎明喺台上唱歌只係郁兩吓,佢話:「呢啲咪本小利大囉,仲有黎生嘅金句,我見過佢同一個驚排唔切舞嘅dancer講『排唔排,上天仲有安排』,之後又話『要做得好,始終會做得好,有乜咁大不了』。」至於張學友3年炒70幾個菲傭,要好有記性先記到名。其間鄒凱光又叫觀眾一齊跳「南韓辣媽」鄭多燕舞,但反應麻麻,事後佢受訪時話唔驚四大天王嬲,仲預告之後澳門站,余文樂可能會喺台上出征㖭。
撰文:馮仁昭 
■唔知四大天王會唔會俾鄒凱光激親?

2 則留言:

  1. 我家兩豆丁 - audreyMAmi2013年6月19日 下午12:52

    無咗ar BU俾灘叔同迪偉串, 的確係爭D...
    [版主回覆06/19/2013 13:33:26]e...妳又係佢地FANS....d 新主持都係差d

    回覆刪除
  2. 我都係睇E場, 好正,好搞笑

    回覆刪除