2017年10月18日 星期三

「田原香滴雞精」好唔好?(補氣血/抗氧化) 孕婦大人小朋友都啱飲

唔知大家心中的「滴雞精」係咩味道呢?

一開始聽到「雞精」兩個字,總會唸起細個讀書既時侯,

我媽咪俾我飲既白xx雞精,好似一d沖到好淡既豉油溝水既味道,

到而家都係超級難飲,所以一路都無諗住試,

但之前有朋友同我講而家既雞精/滴雞精同以前已經好唔同,

好飲左好多,所以先決定試下。


睇相大家都知道由細到大Mancent哥哥比較瘦,無細佬咁肥


而且開學一個月,功課壓力愈來愈大,今次重點比哥哥補下身
其實哥哥Mancent返左小學之後,哥哥佢食野已經俾細佬仔Marcus食多左加快,
 但唔知點解都係食埋同一樣食物,食極都唔肥??
(如果我係佢就好喇!)
 **可能真係似爸爸,永勝爸爸細個既時候都係食極唔肥**

滴雞精/雞精的好處
傳統細細個都知道雞精有唔少好處. 
 根據《國際營養報告》研究指出,
雞精的確可以提升新陳代謝;
而且仲快速補充營養,增強體力,養顏美容,調解身體機能。
飲用後能可以係短時間內為人體有效吸收轉成氨基酸...
適用對象:孕婦產前產後,病後調養,容易疲勞、精神不佳者,發育中的青少年



點解揀田原香滴雞精?
因為田原滴雞精係有自已既牧場飼養土雞,
飼養過程中無打針、無餵藥 ,會將壯年土雞(唔係老既母雞)拎去燉滴雞精。

有晒認證,仲有就係好方便買到,而家喺香港有三間門市,
分別喺油麻地、灣仔同荃灣,真係香港九龍新界都有分店。

仲有就係田原滴雞精有好多口味,屋企每位家庭成員梗有一款啱。


今次國皇之家試呢一盒20包,入面有兩種味。
我俾小朋友飲之前就梗係試下好唔好味先啦!

因為Mancent比較揀飲擇食,平時煲湯都唔係飲好多,
食生果又淨係鍾意食蘋果,又唔鍾意試新野,佢未食過嘅食物有唔會想嘗試去試。
所以對於呢個仔嘅飲食都幾頭痕。

<<試飲報告>>
國皇之家試左九尾草和四神兩個口味,
四神主要成份為蓮子、芡實、淮山、茯苓,

 主要係比調理脾胃吸收之用,而九尾草可以促進食慾,
比小朋友身體營養吸收好D ~

(真係無花無假,以為佢地"有機會"會唔肯飲,點知成碗湯飲晒,
起碼證明大人小朋友都啱飲)
味道好易入口,好似雞湯味 !!!
(一D豉油溝水既味道都無)
細佬仔Marcus比較為食,見到哥哥有得飲又要爭黎飲,
雖然兒童滴雞精係用咗好多藥材黎做,但飲落一d藥材味都無架。


<<飲用方法>>
飲法好簡單,先放入雪櫃冰格,第一日飲第一隻味"四神",
第二日第二隻味"九尾草",第三日飲返"四神",
咁樣輪流給比小朋友飲。

建議一早起身空肚飲,我就一早起身隔水加熱
(或微波加熱去到100°C後再飲)

 哥哥試飮咗一個星期
依家上咗小學喺學校食lunch,
每日返到嚟佢都話俾我知食晒個飯盒,
就"未"見到食野多咗 ~
但食飯食快咗就真既,
可能真係有促進食慾功能~

而家飲多左滴雞精,咁樣就可以令佢身體吸收多啲營養,上堂時都專心D~


其實我地相入面飲緊兒童滴雞精唔係淨係啱小朋友飲架,大人都可以飲,
因為呢款兒童滴雞精性質比較溫和,所以好多人都啱飲。

最後,大家都可因應返大家唔同階段
準備生小朋友/孕婦坐月/經期/兒童成長或者老人保養
揀返適合自己既 !!
佢地仲搵咗中醫師針對香港人體質,
仲做咗一隻杜仲滴雞精。
杜仲功能係可以強腰健膝,
最好就係可以幫助改善女人月經前後,或者
生產完後既腰酸、氣血不足既問題......

飲完仲仲可以甩少D頭髮,從體內做都保養到 !

如果我早d認識滴雞精就好,當時就係怕麻煩無補到,
怕肥晒係媽媽到。
而家坐月嘅時候唔使濕手都可以補身,因為滴雞精一包包,
拆左個包裝再加就得,非常方便架。


溫馨提示
每個人體質不同,要安全飲用,最好先詢問中醫師。而且要知道好既補品
,但都唔好過度食用,分分鐘不但身體無法吸收,反而造成身體更多負擔
千奇唔好比小朋友當水喝,消化唔切架~


大家若果想知道多D

可以去佢地Facebook 或者網頁睇多D資料,仲有其他口味架




沒有留言:

張貼留言