2014年9月19日 星期五

澳門有咩適合小朋友玩@金沙城大道度假區(PlayHouse/玩具王國/體驗夢工場)

我地為左慶祝<<國皇的婚禮>>週年紀念!



我地係Mancent / Marcus 未開學之前既暑假"最後"一星期,

去左澳門玩左三日兩夜 !! 真係玩到盡呀~



其實我地已經有好幾年無去過澳門~

係我地印像之中, 去澳門除左飲飲食食同埋賭之外...都係無咩玩~

賭場區又唔可以比小朋友入, 唔通澳門係"不"適合親子旅遊既...???


不過今次去完之後先發覺..
係呢短短幾年間..已經起左好多吃喝玩樂既設施 !!

每間酒店都各有特色~仲有好多親子既活動比大家....

睇呢篇blog 就可以知道澳門有咩其他o岩小朋友玩架 !

就好似我地一去到酒店仲有成班荒失失奇兵歡迎我地

大人小朋友都即刻好開心~



去到澳門,第一樣比我地既感覺係....

嘩....D 商場大到行極都行唔完..
全部係室內,基本上出面打風落雨都唔駛怕



註:下面既相只係玩左我地金沙城大道度假區
同附近既酒店設施

我地今次未出發去澳門之前,先食左蘭芳園早餐

當然係黎飲奶茶同脆豬仔包啦


之後我地坐左金光飛航頭等去"乙水"仔碼頭~


大家都知, 去澳門邊駛坐公共交通架!!

坐Free shuttle Bus直去酒店/四圍去是常識啦~


我地今次既酒店係由PR 公關安排


住係 Holiday Inn 澳門金沙城中心假日酒店



今次多謝金沙集團..除左安排我地住一間房之外


仲book 埋另一邊既雙連房比工人姐姐~

因為工人姐姐好快就做左兩年...續左約,要出一出境~

梗係跟埋我地黎澳門玩就o岩晒啦~

雙人床一家四口訓晒落去都有仲位淨呀

Holiday Inn 酒店好體貼,連枕頭都有細分"硬"同"軟"架~

"軟"既枕頭o岩晒兩位郭家大少同二少

另一邊有兩張雙人床
M & M 就成日係下面啡色既雙連房門走來走去.....

一個走左/一個走右


其實我地好想book下面呢間 喜來登既呢間家庭套房架..

不過由於暑假太Full, 安排唔到Family Suite ~



家庭套房有D咩設備?? 
 套房內設有兩房, 包括一間父母主人房及一間為孩童特設的房間。兒童房間也配有喜來登獨特甜夢之床R和繽紛多彩的小型傢俱,及備有Wii遊戲機、DVD影音設備等娛樂設施。柔軟舒適的布偶及坐墊,兒童浴袍及拖鞋, 印證澳門喜來登酒店對小朋友們的重視。
家庭套房充足的兒童設備,會讓家長們感到于旅遊時照顧孩子也能非常的輕鬆。幼童坐廁讓小孩能繼續如在家般方便自理;還有兒童沐浴配備,牙刷及牙膏,兒童床、手推車及睡眠防圍等可供使用, 讓父母無需攜帶大量裝備與孩子同游,好讓行李可裝下更多購物收穫。?

大家要Book 就早D book 啦~


係酒店安頓好之好.我地當然唔係咁"Dry"係酒店Hea...

Mancent and Marcus 當然要巡視下呢邊既玩具業務


原來而家係金沙廣場三期呢邊有有間好大間既玩具店 !!

(kid's cavern 佔地約三萬五千平方呎
係澳門最大型既兒童玩具王國)

同埋有Shopping Car 玩

除左大人有野o岩玩之外,小朋友都可以Enjoy 埋一份~

兩兄弟唔買野都覺得好好玩~

永勝仲扮埋Iron Man

當然仲有Tommy 車仔任小朋友揀,不過當然無日本咁平啦~

仲有Chuggington 火車寶寶玩具, Lego , BB 用品


另外, 而家至10月31日黎呢度金沙廣場

仲可以同小朋友玩一個<<親子尋寶遊戲>>

[係 Holiday Inn + 四季酒店 + 威尼斯人既購物中心,
Chop 三個印就有禮物換寶盒一個~]

呢個月光寶盒入面有D咩? 自己有機會換黎睇下啦~..



我地順便行埋呢個中國傳統展覽......仲可以比Mancent 學埋成語加中國傳統故事~

[一邊教育一邊玩]

Mancent : 細佬,Frog呀!

Marcus : 哥哥,唔係呀!係Crab呀!

Mancent : 細佬,你根本就同呢隻Forg一樣,呢個唔係英文呀~

係講成語[井底之蛙]呀!


Marcus: 我2 歲邊識咁多喎!


仲有其他中國傳統故事書-好似孔融讓梨

原文:融四歲,能讓梨。弟於長,宜先知。
譯語:孔融四歲時,就知道把大的梨讓給兄長們吃,自己吃小的。敬愛兄長,是做人弟弟妹妹的從小就應該要懂得的道理。


呢度仲有全澳門第一間ZARA HOME  "KIDS"
同馬莎百貨
Zara Home 呢幾款頭飾好靚呀~可惜我地無生女




有媽咪係facebook 問係?仔呢邊仲有咩其他o岩小朋友玩??

除左玩具店,我地推介呢個Playhouse..叫

歷險Q立方2

$100 任玩兩小時

[下圖] 睇相都知多野玩,連Marcus 都有野o岩玩。

賣點::小朋友可以任玩放電之餘,其中一個家長可以趁住
呢兩小時空檔休息一下/享受酒店其他設施.


真實對白:
國內孝順仔:(有個媽咪帶住小朋友,爸爸準備去賭場)
爸爸,我會係度玩架啦,你贏多d呀

原來係威尼斯人酒店果邊~
 
佢仲有一個叫QUBE(1) 歷險Q立方 既..

不過我地今次無專登走過去玩呀~好似仲大過Qube 2


提一提大家....每一日既15:00-15:20 , 假日酒店仲安排左

夢工場巨星大巡遊

有成 32 位表演者合力演出,包括來自人氣動畫《史力加》、《荒失失奇兵》、《功夫熊貓》及《馴龍記》既 12 位動畫人物、舞蹈員、木偶同埋高蹺表演藝人。巡遊隊伍將由金沙廣場地面層出發,並以桃園餐廳作為起點及終點。表演者將在沿路上盡情跳舞與大家互動交流。

費用全免架 !!



巡遊隊伍D舞蹈員好熱情架~

Marcus 仲第一次見到夢工場"真人"貓劍俠

Marcus 佢係咁"Met" 人地D

夢工場大家仲會唸到邊個??

當然有史力加

不過兩兄弟都有D怕呢隻綠色monster 


15:00夢工場巡遊

18:00 呢度又有Movie night ~

仲可以係Holiday Inn 泳池播架...

Enjoy a Dreamworks movie for FREE


[不過我地無睇電影..出左去大三巴/新馬路搵好野食!! 另一篇blog 寫緊]

食完兩兄弟就準備訓覺~


而爸爸就趁呢個時候......

永勝話自己變左「賭......聖」

(請拉長黎講)

永勝:各位觀眾,五條煙!
多謝金沙城呀 !
話咁快又第二朝起身啦~

係澳門第一個早上既節目就係
「體驗夢工場 Shrekfast 動畫明星早餐」

若果琴日Miss 左同夢工場明星影相點算???


唔怕 !! 動畫明星食食下"Shrekfast "早餐

仲會自己走理黎同妳小朋友合照架。

我地坐既位置o岩o岩好就係中間舞台位,可以近距離欣賞早餐Show同影相。


一開始已經有史力加唱歌跳舞


呢度既早餐好豐富,中西葡式都有


 呢個體驗夢工場動畫明星早餐, 真係有得食又有得玩 !! 

最攪笑係有D特別為夢工場明星整既食品

e,g, 薑餅人
熊貓麵包

最特別就係<<功夫熊貓>>
<<功夫熊貓>>既阿寶豆沙包 !

仲有其他荒失失奇兵既食物~
呢度既夢工場早餐好快Full...要訂要一早訂埋


兩兄弟一路睇show/影相/一路食早餐

之後出場既仲有馴龍記


食到咁上下...
工作人員仲會主動邀請每一位既客人輪流上舞台,
同夢工場明星影相。

我地又可以同"馴龍記"既無牙影相啦~



當然仲有<<功夫熊貓>>既阿寶
仲有貓劍俠


[今次又到Mancent 攪D]


===========================================

想知道其他澳門酒店詳情:

住咩酒店好?金沙城大道度假區


「體驗夢工場」夢工場系列活動


去左澳門三人兩夜,一篇blog 打唔晒,

睇下呢篇睇下我地國皇之家去澳門食左D咩?



沒有留言:

張貼留言