2013年12月4日 星期三

保暖內衣比較 (SuperWarm 天蠶衣/ Uniqlo Heattech / 雞仔嘜心膚吸)

早幾日同大家介紹過國王之家既 <<至潮親子裝>>

                                   詳情: 今期親子王有國皇之家 : 介紹至潮親子裝


講完面衫..今次要講保暖內衣(底衫)


首先多謝 雞仔嘜PR送俾我同永勝既雞仔嘜心膚吸內衣

等我地又可以寫下我地對保暖內衣既比較

[睇完自己鍾意就番自己情況買邊咩牌子啦]

買呢d保暖內衣時,唔好以為越貴越好...要理性選擇,比較一下產品

好似有d賣點係"北極"都著得..妳買黎係香港著 ?


其實我同永勝都好怕凍,所以每年冬天都會要著保暖內衣

又或者有d旅行朋友,,,準備去日本/首爾滑雪, 最凍係零下幾度都要留意一下

(周六(七日)是廿四節氣之中的大雪)


下面呢幾件就係不嬲著開


最底數上黎呢件雞仔嘜心膚吸已經係五年前買,





記得啱啱結婚第一年要跟我爸爸媽咪去廣州飲

諗住睇定天氣報告廣州天氣,

點知一睇係得六度,


臨急臨忙出到旺角, 睇下有咩保暖內衣可以頂到咁凍既地方啦!


其實上網打"保暖內衣"都好多人講買雞仔嘜,放工拿拿聲出去雞仔嘜間Shop 睇下,

一去到成間shop超多人,仲多人過去行花市,我本來諗住求其買件雞仔嘜羊毛底衫



點知俾我見到"當時"新出既心膚吸,我即刻捉住個staff喪問呢件雞仔嘜心膚吸有咩好啦!

因為永勝係一個好麻煩既人,件底衫局d又唔著,個款唔靚人唔得,

但係佢又成日就佢身型咁標準着咩截咁型,但又會介意件底衫,真係令人費解。


我本身買開有雞仔嘜心膚吸,講款都唔錯,仲有好多顏色選擇。


都唔明既明明件底衫只有我睇到,點解要揀雞仔嘜呢款呢?

不如等我介紹一下啦 ..........


::::::::::::::::::::::::::保暖內衣比較 ::::::::::::::::::::




1.Superwarm 天蠶保暖內衣
呢件Superwarm 天蠶衣 係永勝媽咪買俾永勝架!都好歷史架喇!

無十年都八年,個時都好hit架!因為文迪媽咪都有買俾我,我諗個時每個C9級都會買俾d 囝囡,所以我同永勝衣櫃都有。
賣點:POLY-TEXAPORE
絨毛內裡/彈性特強:柔軟而彈力強,提供更佳的貼身舒適度
高保溫度之外,帶汗效果也較佳        
仲有「加厚段」設計
一些專為嚴寒天氣而設之天蠶衣設有加厚段,以加強頸、手腕、後腰、臂部及膝蓋等部位之保暖效能。

永勝著後comment: 保暖最強! 件衫比較厚...同埋個「加厚段」設計..好"Mount" 成個人..
好似成個機械人

番到office [溫度去番室內]會覺得好焗

真係得幾度/出全日街果時要會著

[不過唔知而家最新既superwarm 有咩呢個問題]


2. Uniqlo 既 Heattech
呢件係Uniqlo 既 Heattech係我兩年前買俾永勝架!

賣點:UNIQLO不斷改良HEATTECH系列,纖薄輕巧而且能吸收人體濕氣後轉化成熱能,並將熱力鎖住。以輕盈富彈力質料,猶如第二層肌膚的舒適。

文迪comment :個時見到個個都買,就抱住人有我有唔執輸都入手,
唔算焗身...同埋真係輕巧...讚 !
點知保暖其實都一般 or 少少無咁好啦。


3. Very Warm [英國 ] Underwear England
大家係咪未聽過呢個牌子呢?

呢個咪就係Superwarm 既支線- very warm 囉 [講笑咋]
衫如其名....Very warm~

不過呢件只會係屋企著..當長袖底衫

文迪comment :因為呢個不知名既品牌
永勝好似記得兩年前.唔知咩事..出左街唔知去左邊度..
總知就著少左衫....好似突然急跌幾度..係條街..凍到震  

之後又要去BBQ or 出街...臨急臨忙係街買既 ~

永勝comment :一睇就知Cutting 好差啦~洗幾次就變唔暖



4. 雞仔嘜既心膚吸

永勝第一次聽既時候"深呼吸", 咁搞笑 ??


香港本地品牌雞仔嘜...都算陪著我地長大

賣點: 最啱怕凍嘅你;心膚吸保暖內衣,保暖、透氣又輕巧,讓你輕鬆穿搭;



* 100% Polypropylene
* 採用歐洲高科技人造纖維製成,透氣、保暖、乾爽
* Infra遠紅外線保暖內衣
快速排汗又保溫,係戶外活動嘅首選~


自己就會四隻 (SuperWarm 天蠶衣/ Uniqlo Heattech / Verywarm/雞仔嘜心膚吸) 會揀呢一隻 

因為暖/方便/輕巧/唔焗

睇下永勝著咗都ok,其實做面衫都OK,係外面加件外套就可以落下街。

同埋唔會洗幾次個Cutting 就走樣加變唔暖

[3 號果件very warm ...愈洗愈縮/愈細件]


使唔使挺胸收腹仲插晒袋呀?

[永勝:本人平時係屋企都係咁既]


下星期我地有少少"遠"行

Mancent哥哥同細佬仔Marcus都要做足過冬/帶家D保暖衫既準備。

Mancent :  雞仔嘜心膚吸有無我地Size 架 ????

媽咪: 梗係有啦~有Kids 架


Mancent 著左幾型仔~ 





上年Marcus 仲細...之前無同細佬marcus 買過...

早排係屋企國皇之家試衫

細佬仔Marcus都戴定冷帽..準備同步過冬




Marcus : 媽咪唔知會唔會買埋比我呢??


媽咪 : 梗係會啦....不過麻煩你企定D著好唔好?

依家保暖內衣及內衣有買3送1優惠Promotion,

一家四口都有保暖內衣啦~






大家趁呢個機會

[細佬仔好可愛呀!]




買定一件最適合自己同屋企人嘅保暖內衣!






更多資料
Website: http://www.chicks.com.hk/
Facebook: https://www.facebook.com/hkchicks

[好老實.....雞仔嘜真係算本港品牌既表表者..由細過著到大]

其他參考


Reference: http://hk.apple.nextmedia.com/news/art/20130331/18212625

【本報訊】租金飆升,不少數十年歷史的老舖捱不住貴租陸續結業,今年60歲的本港品牌雞仔嘜,遇上吃人租金,59歲的第三代掌舵人以攻為守,決意大革新,千方百計要將小雞承傳下去。
記者:蔡朗清




現年59歲的震歐線衫廠執行董事譚建東,為譚家第三代掌舵人,提起震歐,港人未必認識,但說起雞仔嘜,相信無人不曉。譚建東說,震歐線衫廠有70多年歷史,由爺爺譚躍雲及父親譚良右創辦,工廠當年主要替其他公司生產衣服,1953年,創立雞仔嘜內衣系列,「三隻小雞有『豐衣足食』咁嘅意思,樣子可愛,一出就好受歡迎。」
雞仔嘜於50、60年代以生產夏季線衫為主,當時的三粒鈕白色線衫配唐裝褲式樣,成為那年代的「潮服」。譚說,那年代社會窮困,只求溫飽穿得暖。70年代,港人要求高了,雞仔嘜推出機洗的羊毛內衣,耐用兼防縮。

趁沙士租平殺入銅鑼灣

譚面對第一個危機是97年,遇上金融風暴,零售業慘淡,又面對售價廉宜的人造纖維內衣殺入巿場競爭,苦不堪言。當時40多歲的雞仔嘜要變了,適逢科網熱潮,譚建東將店舖的裝潢以「Cyber look」包裝,結果舊客、新客兩面不討好,銷量不升反跌,令譚建東明白改革不能離棄傳統,部署2003年進行大革新卻遇上沙士風暴。他說:「有危有機,決定照計劃進行,嗰陣沙士舖租平,首次殺入銅鑼灣中心區開舖。」雞仔嘜亦因應時代,推出更多內衣款式,研發功能性的人造纖維保暖內衣,搶回巿場。
沙士10年後,雞仔嘜分店由5間增至24間,又面對吃人的租金。譚表示,去年租金飆升六、七成,當機立斷簽了三年租約。
譚建東本着活到老、學到老,雞仔嘜60年,不進則退,趁60周年再次革新,全線專門店翻新,店內設木條排列成小雞為商標主題牆,代表雞仔嘜傳統紗線的形象。肥嘟嘟的小雞商標也瘦身,雙腳設計如線圈預備起彈的樣子,「小雞彈彈吓,好有活力,再度起飛」,配合年輕化產品,除保留素色內衣服,更增加花俏性感吊帶內衣、休閒服,今年更首次推出幼兒內衣。
問及譚建東有否對雞仔嘜自豪,他謙說自誇沒有用,最重要是員工及港人認同;更重要是「唔想60年的雞仔嘜毀喺我隻手」,他已部署三名女兒接手,讓港人集體回憶承傳下去。 


Mancent and Marcus 換季編 - 親子裝




敗家記 - 親子裝減價呀( Izzue / b+ab / ete )  

其他親子裝推介


靚靚的親子裝 - Fashion Show 大晒冷



沒有留言:

張貼留言