2011年8月31日 星期三

海洋公園 探秘篇(4) –海洋奇觀幕後之旅


點樣先可以近距離睇海洋奇觀同埋 魔鬼魚??? 快d睇下呢個海洋奇觀幕後之旅先....

(4-5條 魔鬼魚.伸手就點到鳥)



去探秘之前, 我地既海洋公園導遊先比左一件勁野我地.用黎係入面方便溝通同埋介紹入面既海洋生態.






由於呢次係幕後之旅,我地唔駛排隊,skip 左排隊呢Part,




就直接去左夢幻水都中間 (好彩唔駛排,因為要排起碼排成個鐘先入到去正門)



海洋奇觀真係好正
呢度唔怪得係全世界十大最佳水族館之一




Mancent B 又係度攪個廣播器
Mancent : 喂.....係咪叫外賣呀..兩條蘇眉清蒸唔該..其他炒球上





快d去相.....我地成班blogger直接去左夢幻水都既禁區,直係經過D九曲十三灣秘道架…





過左秘道之後, 去到夢幻水都既中間..做個testing 先..

 




Mancent : 喂…Roger Roger….媽咪..係唔係度呀???

媽咪: 你個耳筒都未開bor..BB

Mancent : 嗄..係咩?




萬寧妹妹好得意..表情多多~ 仲同mancent 好friend .




文迪一去度…就係咁揭開左D人地D 紗布…

開始鯆魚及鯊魚全接觸既第一Part


  


先睇下水族館內既魚餌處理室..都好機械化




有晒個List 一日內, 比D咩魚同埋邊種魚食,又一早洗好晒同埋準備好晒係雪櫃度.

一份份放好晒


仲有一個好大既過濾泳池

 



文迪: 嘩….真係有好多魚係腳底下遊來遊去…

 




D魚見到文迪, 因為佢地以為有野食…仲清楚睇到D 大魚係咁開始遊過黎.

 



影影下一家三口合照..突然之間係後面殺左條大鯊魚出黎..





就係下方掠過..我唸若果mancent 跌左落去…都好快變魚糧鳥…..(嗚…嗚…)



Mancent 唔知係咪第一次見到咁多海洋動物同埋珊瑚…都係咁嘩.. 嘩…嘩.. 嘩.. 嘩..呢度..呢度..呢度..呢度




另一方面,我地仲可以好近距離睇到一D睇見都驚既魚既真身,


佢地就係魔鬼魚啦





真係伸隻手就點到佢地架啦…..不過呢次魔鬼魚全接觸真係要小心D


導遊Eric 話,千奇唔好用手觸摸佢地,因為比魔鬼魚尾部有毒, 比佢刺中, 有機會死的…

 




最後,海洋公園既工作人員仲一人送左一隻馬騮公仔比我地全部Blogger




亦都完成左今次海洋公園幕後探秘之旅

 






Nuffnang x 海洋公園 感想


多謝晒Nuffnang 今次既安排同埋邀請,個個都玩得好開心,尤其是小朋友.

亦都比我地一家人有幸參與這次遊覽海洋公園活動!  另外,也感謝海洋公園所有工作人員 e.g. Eric 的悉心安排





 e.g 安排尖隊---大熱天時,唔駛排隊,直接玩機動, 直接去海洋天地, 唔駛同祖國d人用國語問好..果種感覺都幾良好架.



亦都好開心識到好多不同機構既blogger..好似 萬寧妹妹,Yahoo blog 既maggie,石先生, Photoblog 既 Alex ,仲有幾位靚女

 


最緊要係D小朋友,等佢地可以參加呢D教育活動.大人及朋友認識多D大自然同埋海洋既生態, 順手又可以宣揚一下環境同保育既訊息.

沒有留言:

張貼留言