國皇的婚禮: 幼稚園小學分析 - "理想 vs 妳想" 憑什麼叫我相信教育制度?!

上次講過幼稚園與小學斷層無限Loop 問題

今次又想再講多少少幼稚園升小學

同教育局制度既問題 !!

前教育局局長同家長講對BCA 有信心 !!

註: 小三既BCA (前身TSA)仲未停架

若果大家覺得而家香港教育制度好美好
咁大家睇到呢篇Blog 呢個位可以Skip啦~

笑完大家可以出去 BBQ 啦~

圖片來源: now 新聞

-------------------------------------------------------------

[前言]

我地只係一個親子博客，寫呢一篇個人網誌，大家可以當呢篇垃圾Blog，

長文慎入，有緣大家先會見到，亦不會Post 去其他地方，只係想講下現實既情況，

妳心目中所想，同理想既教育制度

是否兩者脗合？

無病呻呤完個問題是一定不會解決的。
同小朋友行一齊行既路亦有好多條.....最底亦有D 建議

當然唔好信我地國皇之家講既野!!

亦都唔好盡信其他KOL/明星家長/

包括唔好盡信教育局專家同局長講既野 !!

我地同D媽媽/朋友講笑咁講

[信(教育局)佢地一成,雙目失明]😎

呢篇blog 大約分幾個入學必經階段講，

無論支持快學習/自認係怪獸家長/半人半怪獸虎媽

大部分家長都要面對

階段1.報名揀幼稚園

階段2.幼稚園升小學
階段3.升小學之後
階段4.家長/當權者/校長們/教育局現在既取態
最後寫下個人建議同感想..

[選擇去讀IB /外國升學避開呢個教育局制度有另一方法

不過最好有準備錢行一條不歸路/有返幾百萬教育基金先]

傳統學校 VS 國際學校點揀好? IB vs DSE (學費比較數據加考慮原因分析)

================================================

[入正題]

<憑什麼叫我相信教育局制度?>

讀幼稚園既家長應該都有收過下面既課程指引
根據香港教育局，僅在本年初的《學前教育課程指引》2017

http://www.edb.gov.hk/major-level-of-edu/preprimary
"遊戲學習好開始..均衡發展樂成長"

及小學《基礎教育課程指引》

http://www.edb.gov.hk/tc/primary/

"各盡所能．發揮所長

建立健康生活方式"

＊＊＊我呢度戴返頭盔＊＊＊

國民身份認同呢點已經已經唔支持
不過我地係完全贊同贊成幼稚園及小學是唔應該催谷，

支持快樂童年及健康生活方式!!

催谷既幼稚園及小學，一間都嫌多 !!

"讓孩子快樂做自己...讓孩子選擇自己最適合的幼稚園...

大家可以就返小朋友既特性/性格/能力，

揀返一條啱自己小朋友既路~

呢D本身就係應該既事情....

外國及好多國家都係咁"正常地"發展

相信個個家長都係愛錫小朋友🤛

，小朋友理應係幼稚園既生活係開心又愉快既 !!

不過好可惜...呢度係香港..唔係外國

香港教育局制度好"奇怪"或者講"變態"😱

不論父母想同小朋友揀咩幼稚園／小學
，由幼稚園開始到升小以及升中，一直都唔輕易，
關關都要大作戰 !
"理想" 同 "妳想" 現實一直都有好大既距離~

而家教育制度"現況"係點樣?

報名揀幼稚園?妳以為真係任妳揀?

而家仔大女大既教育專家/唔知情既家長會同大家講

"以前呀，我地咪又係讀屋村幼稚園小學大，
邊有妳地咁麻煩架~而家咪又係讀到大學
只要肯努力肯做，大學畢業都可以出人頭地
妳地Ｄ死人怪獸家長。。
仲咩咁駛迫D佢地返學前教育Ｎ班/返Playgroup..
大大下佢地接觸得多就識架啦。報幼稚園駛咩報10間..報一間就得啦 "

以個人意見不嬲都＂唔係＂妳想讀咩幼稚園/小學就讀咩

唔好理本身自己行咩路線先，

(選擇Happy School又好,怪獸路線又好,大家都各有各好,互相補足啦)

我地見到/遇到既現行制度係...而家K1 既幼稚園Offer 係要"搶"先有架 !!
有D好既N班/幼稚園, 好多都係過千人(甚至係幾千)人報名, 成功率少於10%.
龍B同完雙非/大陸人搶完..又要同一人拎幾個學位既媽咪爭?

由於幼稚園係可以完全不受任何地區限制報名，

平靚正開心既幼稚園/半龍/ 一條龍果D

唔谷得黎升小學成績又好既幼稚園..係香港一早又比上面人揀晒啦 !!
去到N班升幼稚園，
有D Group Interview ,係咁多個小朋友入面只會比最高分/最叻個位有offer
短短30 分鐘一個Interview Timeslot/ 一個Timeslot 大約有12 個小朋友
(同一時間十幾個班房/一日二十個timelost)
係短短20-30 分鐘..妳覺得老師會睇到小朋友特性??

去面試五間, 去到有面試結果階段,
唔係後備信就係reject信妳以為真係有得揀???

有Ｄ人講可能係妳小朋友能力問題? 對自己及小朋友好失望?

收Reject /後備生既小朋友能力真係差?? 差到比人次次Reject ??

[文迪媽媽既個人意見]

其實大家知道個制度係咁玩之後...唔駛自責同失望架~
可能小朋友發展得比較慢

我地覺得"絕對"唔係因為小朋友能力差 !!

只不過小朋友係跟返正常步伐行

而其他人家長已經一早開始起跑...早幾年(某部分)既家長係咁

之後幾年(某部分)既家長又係咁跟住行.....

咁就簡單地形成左將學前教育條"起跑線"
愈推愈前既現況 !!
不過個個都唔跟教育局指引偷步行啱唔啱? 唔啱架。。
唔通校長/教育局局長要捉晒佢地出黎訓話？點捉? 拉去坐監?
呢批偷步家長唔駛多架，個人估計大約15%人就可以夠霸晒D 學位先。
實際，我估計最少有過半50%-70%已經係咁！
睇數據2012 出生率年年有成9 萬個BB

政府統計處，《香港統計年刊 ( 2016年版 )》

K1幼稚園面試要係九萬個兩三歲人仔考N班要穎脫而出。可以點?

又係過來人/親身經驗話妳聽..真係唔係妳想點就點!!

同埋唔好只係同自己果年比，睇數據要睇闊D
年年都有細B以超大B身份同下一年既適齡學童入學面試
細Ｂ一拍埋去。。。差一年。。又係輸足一條街
大家可能又話。。噢...超大B佢地蝦細路。。
不過幼稚園校長又比佢地報名。。

有Ｄ幼稚園亦出名鍾意收超大Ｂ
同細Ｂ本身既能力無關[.無奈]

我地嘗試過架. 不過最後又係攪到自己??
又求位又補飛先好彩有個位~
或者大家公平d 講，大家都係唔係想贏(做最Top 既尖子)，

只係唔想輸得太難睇😖

日日唔係Waiting 就Reject ...我個仔無事無幹仲咩要去求位?

[口講無憑，有數據有例子先有真相]

[三個實例/數據]
//////////////////////////////////////////////////////////////////////////////////////////////////

貼地少少又同大家計一計數,用返熱門幼稚園為例

例一:用今年2017名幼培x "正常"數據都有~5000-6000人考...
收240 位，即係只有4%成功率~

(唔好計龍B 8000人報名)

點樣先做到成功果4% ?? 唔好問我地，要問一個人考到7-8間offer 果D媽媽
佢地先標籤"成功"參考，因為我地都係被Reject 果一群。。

//////////////////////////////////////////////////////////////////////////////////////////////////
例二:協恩幼稚園"19 K1班的人數近2000人，只錄取60人，平均33人爭一個學位"
即係成功率3%

//////////////////////////////////////////////////////////////////////////////////////////////////

例三:好多家長又話要報考 Happy School 創x幼稚園

鍾意佢快樂學習加學習理念又好 !

事實就係上午班各收90人(加埋180)

年年3000-4000人申請，又係得4-6%成功率

//////////////////////////////////////////////////////////////////////////////////////////////////

其他"輸"在起跑線因素仲有好多 !!

1. 出生日期:大B 叻D 細B 未發展好

2. 有讀該校既Playgroup / N 班直升K1

3. 人事/識咩咩主任/老師/父母係舊生

4. 地區問題 ...e.g. 北區大埔超緊張

5. 一人霸多位問題。。有$既，未到開學唔放位

再加上其他面試既未知/不能控制因素
好似小朋友病左/王子公主發脾氣/怕陌生人/慢熱/狀態唔好...日日都有發生
係報五間幼稚園,大面試日撞期,最後可能只in 到三間

最後無Offer 點算?

萬一唔成功/Interview Fail

咁又要問返之前"恥笑"怪獸家長報１０間幼稚園?

提一提準備帶小朋N班升K既父母，我地同其他"專家"唔同

我地會建議父母報多幾間，起碼報五間

一線/二線/三線/Happy /傳統樣樣都報D ，
唔駛場場都硬仗 !!
時間就到就去囉，要小朋友唔怕面試/當面試去玩有好多種方法
之前都有分享過 e.g. 獎勵法/鼓勵法
無Offer 之後無人會可憐妳架 !!
人地唔會幫妳處理架，

之後仲跟手同妳講
<<下次報多D啦~做父母要好好照顧自己既孩子嘛~>>

不過,點樣下次呢? 考幼稚園考小學，全部都係得一次機會 ~

小學幼稚園大作戰-咩Offer都冇點算好?

求位信範本

歡樂時光過得特別快又是時候講ByeBye...

講完而家幼稚園學位要"搶"
假設大家總會有一間心儀幼稚園去到K2 下期/ K3 上學期

又寫下小學階段先
==============================

階段2.幼稚園升小學

今時今日升小教育制度

一係屋企等運到=>係幾千人用一個Lucky Number 入面隨機派

一係出去考直資/私小=> 係幾千人個參賽者 First in / Second in 逐關過

K2 理應唔識寫自己既名..

四五歲人仔小手肌肉未發展好，唔好埋枱寫字 !

亦應該先多用母語理解知識

不過K2 既6月就開始interview..最快7月就知結果~

之後K3 既9-12月就一連串大大少少既升小面試大作戰 !!

我地見到現在既幼稚園升小現象係
"妳想"入一D出左名既以快樂學習為主既小學
或者一早已經對傳統學校好討厭~
想入國際IB 課程
要入"Happy School " , 校長們設面試題目再反而會問返妳同"學術"既野
大部分都"唔會"問妳去邊度旅行/行過邊個山接觸大自然
反而問生字/奧數/雙位借位加減/國語介紹自己/英文Fluent conversation
XX 小學Open Day : 我地學校呢就好注重語言發展既
學生既三文兩語對學生/學校好緊要~
想讀IB咩? IB 注重推理/要同D同學仔有良好溝通
先計D奧數/借位加減數同讀篇英文故事黎先啦~
根據教育局指引寫到名
"並不適宜給予幼兒過早和過多的英語讀、寫經驗。"
==================================

"幼兒學習語文（英文）的特質" 附錄四
幼兒需要逐步發展書寫的能力，並不能"過早"開始寫字母或字詞，
因此，在幼兒接觸英語的初期，應先為幼兒提供豐富和切合他們發展的聽、說經驗，
並不適宜給予幼兒過早和過多的英語讀、寫經驗。
==================================

以上既矛盾大對決，家長又要自己取捨
好唔好比K2-K3 小朋友學定英文同國語啦~

小學制度而家唔係你揀學校。係學校揀妳!

亦都有聽過有K3 既小朋友已經做緊小一既功課(勁深生字/排句/加減數)
(Reference:贏在起跑線？ K3興趣班學中學Bio知識)

幼稚園已經去到咁盡...
大家當然可以假設"個別"學校係咁.
又係佢地唔啱 !!!
不過事實又係升小考D咩又係大家心中有數
唔信又可以問下考過小學既家長
(唔好信我地,問自己朋友/過來人經歷就最好架啦
妳可以問下佢考小學好唔好玩?點樣準備)
幼稚園教育課程已經係好多年前「小學化」去配合小一面試制度

呢Ｄ「小學化」又係唔啱架。。。

幼稚園敎得深，因為小學面試考得深；

小學面試考得深，因為幼稚園已經教得深！
(優才/培橋/St. Paul coed /男拔DBS/蔡繼有CKY/SFA 聖方濟/陳守仁TSL/英華/KTS/黃錦輝/宣道小學 APS/真道)面試流程簡介

小一面試之最 (報名篇/簡介會篇/面試篇/號外篇)

我地見到既唔係一間係咁係好多間好少少既小學都係咁

次次考到下面咁深又為咩呢?

唔好又問我地家長，問下咁多位負責面試既主任同校長 !!
家長除左可以唔去報名/唔去考試..係無得揀的

總知就同上面"理想"教育制度有好大差距 !!

==============================

階段3.升小學之後

假設已經升到小學啦，(小一或小二)
今時今日某部分屋村小學同名校功課量其實差不多~
面係Happy / 底唔係Happy 小學亦有
(原因下面有講)
成日聽到/甚至Open Day Talk/ 開學既書單已經同妳講定

本身教局課程設計太淺，校長話課程設計會教快左半年到一年

(註:本身個半年既用黎適應校園新生活，新環境，新老師...新同學..新制度)

升小暑期已經叫妳家自行攪掂/溫好小一上學期既課本先好九月返黎開學呀

若果又係跟足教育局指引,又一定引發小學斷層無限Loop 問題

追唔追到就閣下自理啦~

妳話妳唔考直資/私立,全部教"快"過制度果D都唔報名/唔面試/唔係妳心目中想要既?
覺得唔適合，梗係唔好揀(讀)囉！

一心一意信教育局既小一入學制度

又"預示"比大家睇下好唔好好?

小學收生階段第一階段自行講"關係"

第二階段大抽奬絕對係講"運"既遊戲 !!

第三階段叩門好大程度係睇你係咪一心一意"111" +"學術成績" !

對無關係/無運/無宗教/無人事既小朋友又公唔公平?? 又係唔公平架

[以上既係同小朋友自身既能力係完全無關既

不論妳係快樂學習路線定走學術唔線]

中間一定有改善空間 !

再講複雜啲而家普教中佔七成小學

仲有教育局拎晒好多資源又強行推國民教育

唔想讀官立小學
又冇錢冇資源去讀國際學小校IB 課程
唔揀呢D小學仲有幾多間俾父母揀???
小學生一升上小一，而家日日都有新聞同大家講
現行小學教育問題係邊
校方嚴格標準、超負荷既功課量、
幼稚園同小學銜接有斷層

新聞來源:明報

「課程深到根本唔只小一程度，每日十樣八樣功課，仲有默書、試默、quiz，仲要小朋友承諾每日最少閲讀幾多本書幾多分鐘」，而且校方要求學生背聖經金句，質疑「字都未識，背金句除咗洗腦仲有咩意義？」
(另一新聞)係面對龐大嘅功課壓力..功課奴隸阿女，我不是想逼你做功課

我知道，你只係二年級，根本唔應該4:00返到屋企，夜晚 7:00再去補習社，
9:00先返屋企，仲要計住你只可以睇一陣卡通，15分鐘再幫你溫默書……

Reference :Ohpama 資料

小一學緊小二至小三既知識

做功課做到夜晚九點十點??
教育局出黎同妳講..呢D係個別例子? 又係怪獸家長錯??!!
條路自己揀..咩咩唔好喊~

作為媽媽既點會無端端迫個小朋友....
轉校又可以轉得幾多間..

香港既教育制度主流咁多年黎係咩??

文迪媽媽見到既係
校方要求學生完成功課，默書，背書，

課外書，小測，評估，考試再加其他習作，

而家仲要網上功課!!

邊個唔想快樂學習，邊個唔想放假去玩/放空Relax一下?

個個都想比小朋友每日有一小時玩耍時間~
(唔知大家仲記唔記得政府出過以上呢個指引)
我真係唔知有幾多人可以做到?
兩成?一成?

好多高小家長話 ,一日十幾樣功課,
唔交功課三次寫手冊,
小則見家長, 持續唔交, 大則記缺點....

呢排又係小學考試/測驗季節..好多媽媽都應該有同感~

溫馨提示:呢排天氣轉涼，大家真係要小心身體

有D Case (先聲明唔係我地..我地"聽"架咋)

返工既大人病左都會請假去抖下...

但小朋友就唔得...就算病左

學校都會儲埋d功課等你好返時補做，

甚至問家長去學校拎功課返屋企俾病左既小朋友做....

(或者即日等校車運返功課返來補做+followup)

病左都冇得休息架..第二日交返

呢D係"好"既教育制度咩?

主流既教育制度遊戲規則就係咁樣玩 !!
小朋友加家長話唔玩唔相信呢個教育制度得唔得?
唔得囉，呢個"玩命"遊戲要玩十幾年架 !!

[灰加無奈]

==============================

4. 最後寫下家長/校長們/教育局現在既取態

寫左咁大篇blog...寫到離晒題....
又寫下校長們及教育局現在取態
呢點亦係最無奈~

係咁既恐怖既情況下做家長既..

當然希望小朋友唔好再咁慘 !!希望會有D改善
名校/熱門小學要提升升Band 1 中學比率谷就預左 !!
大家當然可以話說句風涼話
"邊個叫佢地讀名校/熱門小學?低死啦~"

不過有D學校早年怕教局殺校，連好普通學校都要交功課谷BCA成績

有D校長話,明明想比D快樂學習環境比大家
不過收到家長要求,驚入唔到band1 升中學，主動要求谷成績 !
校長又要問責,仲咩年尾成績又跌左，又係叫老師/科主任谷成績

又係無限Loop 問題

大家都一直期望由教育制度開始..希望有位SuperHero
帶頭改革加大改變 !!!

有少少期望當權者/校長們會可以做D野...
新人事會有新作風嗎?

好可惜教育局現在既取態話大家家長支持香港既教育制度

香港既教育制度好完善...好好架 !!

不過。。。。家長們認真就輸了!!
Reference :子女均讀國際學校　楊潤雄稱因港教育制度「複雜」

圖片來源

楊潤雄自上任教育局局長後，已屢次被質疑，其子女過去並非就讀主流地區學校。
據了解，楊育有兩名子女，他們過去均就讀國際學校，
目前則在澳洲讀大學。他昨日接受Now新聞台訪問，坦承兩名子女過去均就讀國際學校，因為他派往外地工作回來後，覺得香港教育制度較「複雜」，而此舉亦「方便適應」。
他表示希望將國際學校教學理念引入香港，但強調香港教育制度亦做出很多成績，
在國際間備受推崇。他又認為自己其中一個子女，如果當年在傳統學校就讀，表現或會更好。