Adsense Script

2014年8月25日 星期一

759阿信屋踩過界-雲吞麵食評/價錢(加其他潮州粉麵推介)

我地今次呢篇blog 除左寫759阿信屋雲吞麵食評外,仲有加其他潮州粉麵推介架

呢兩日又氣咁熱...永勝文迪同兩個仔遊完水~

Mancent 而家好鍾意拉埋細佬一齊研究玩d咩
連花草樹木都研究一大餐~

佢地今日玩得好開心~放晒電......好早就訓左~

又輪到我地兩公婆出去拍下拖~

今次既目的地係

759阿信屋雲吞麵


今次係阿信屋全港第一間Cross over 既雲吞麵店,

無論如何,身為地膽既我地,一定要去試下 !!
759阿信屋雲吞麵地址:「長沙灣邨服務設施大樓地下1號舖」

3669 6936
星期一至日: 11:00-22:00

$50以下


大家唔知759雲吞麵係邊度既???  點去??


長沙灣地鐵站出口A3 出口...出左之後望右 !

即係一出就望到 !!

新開張...當然有好多人想趁熱鬧快D試 ~

我地去到等左20分鐘就有位

[唔駛好似上星期得一個鐘]

店鋪既位置/交通好方便, 在長沙灣港鐵站出口/長沙灣道附近
營業時間
11:00-22:00
呢度既裝修....所有野都有759 影子....


認得把759阿信屋風扇嗎???


雲吞麵價錢(連Menu)

價錢偏貴....$30 一碗雲吞麵
加埋飲品 $38
不過算大

$50 一個牛腩飯 / $55  牛腩肚飯 ????仲未包餐飲喎..貴 !

我地759雲吞麵食評

[身為係長沙灣人..我地敢肯定唔係做開街坊生意既人開既~]


1. 身為潮州人"架Gee 冷"既永勝..

一食就知拍唔住傳統既潮州雲吞麵既水準

又或者唔值$30...只可以講水準一般

[不過可能啱啱開業..仲未Keep 到好水準]

同埋我地未去之前都唸...會唔會好似759阿信屋買d零食..食品都係平靚正??
 

可能o岩o岩開張無耐....人地都有post 出黎架~

好老實..條人龍由開店都收鋪條人龍都停過..
有咁既水準應該都算OK

若果想食好味既潮州粉麵,可以睇blog 最底既推介 !!


2.可能永勝鍾意食辣..對潮州雲吞麵既辣椒醬又有要求
要知道辣椒醬就好似畫龍點睛一樣,有好麵當然要配好既辣椒醬
呢度先讚既.. 呢度既辣椒醬唔係其他雜嘜...係用左香港名牌— 「余均益」


而右面辣椒油同黎點牛什/雲吞...一d都唔辣...同埋一食就知唔係自己炒既

所以辣椒醬呢方面又係一般 !


3. 呢度有三大招牌:雲吞、牛腩、牛雜
我地點左兩樣~

點了雲吞麵
牛什河
[另一招牌係巴基斯坦式咖哩]


仲Order 左凍檸茶/凍檸樂~
有新既Beloved 字架...讚 !!


先讚雲吞麵落左少少蝦子 !! 


麵身超彈牙不過有D"梘水味"

<--即係又係一般


同埋d牛什同河都係唔太"淋"...唔入味
最後埋單$88


若果抱住好大期望既黎到既朋友.....相信大家一定失望而回

不過若果抱住支持759 既心態..呢度都叫可以一試 !!


因為遲d好似做Promotion...係759 阿信屋買滿某一定既數量.價錢


可以免費黎呢度換一碗 759雲吞麵 or 埋單有Discount 又OK

其實我地好支持架759 架 !!

不過今次真係驚大家千里迢迢黎到掃興  !!

亦希望日後水準有提升..

分店愈開愈多



其他潮州粉麵推介

若果大家唸住去長沙灣食野

其實有一間叫金園粉麵,係永隆街/元州街附近(潮州人開既)

[又或者等759 要成一個鐘,可以考慮黎呢度,食完走埋可能759 都未入得] 
[下圖]

推介:牛什河套餐


(同一條永隆街都有間叫樂園潮州粉麵..不過又係一般)

水準好食過759... $30 已經有麵有油菜加凍飲 !!

 若果大家想食d真正出名又勁好味既...

不妨搭多個站or 行多幾步去深水場土步果邊~

::::::::深水埗雲吞麵,我地識又食開嘅有::::::

地址: 深水埗耀東街1號地下  

 http://www.openrice.com/restaurant/sr2.htm?shopid=13757

推介: 豉油王撈麵 / 豉油撈麵 / 牛腩 / 豬手 / 淨雲吞 / 魚蛋 / 墨魚丸  

鐵皮大排檔,

 有左小朋友少黎左

(環境差,不過味道好)


 正宗大排檔風味,麵夠彈牙爽口,撈麵加埋D蔥花撈埋黎食一絕 !!

 

 圖片Reference :http://www.openrice.com/restaurant/photos.htm?shopid=13757

 

另一推介係黃金附近有劉森記全蛋雲吞麵 ,都好食架。

 一去到深水埗除咗雲吞麵,好多又平又好食嘅食肆架。



推介:蝦子撈麵 / 酸蘿蔔 / 水餃 / 雲吞 
/ 黑柏葉 / 牛腩 / 牛筋 / 豬手  

 睇圖就知正加勁好味 !!


竹昇麵又係夠彈牙, 次次黎都係叫蝦子雲吞撈麵
之後有有野食之前勁食醃蘿蔔,蘿蔔好爽架

去到深水埗,我地真係唔會食759雲吞麵...怕嘥左大家既拍拖時間同個肚呀。


註: 除左759 cross over  -雲吞麵之外,759 仲會直接同日本玩具店拎貨..

8月中會開埋759 玩具店呀...唔知有無TAKARA TOMY 呢 !!

[我地上個月D去日本D遊記寫緊架..已經寫左兩篇...想一次過出晒]

期待中...759 加油呀 !!!







Reference : 

【飲食男女】 759雲吞麵食過未

早前759阿信屋事先張揚的雲吞麵店,終於開幕了。店子位於長沙灣邨,面積約1000呎,座位40個。午市來到逼滿人,門口更有十多人排隊等候,由於店子暫時未能應付人潮,現不設早市及外賣服務。

招牌雲吞麵30元一碗,價錢不算便宜,勝在大碗,麵的分量稍多,雲吞有五粒。湯底用大地魚、新鮮蝦乾、新解豬骨等熬足20多小時,味道濃而不膩。

每粒雲吞用上一隻鮮蝦及新鮮豬肉,每日於店內包製,皮薄餡靚,每日賣出50斤。

牛腩及牛雜每天由街市新鮮購入,用自家製滷水料,半肥瘦牛雜入口香濃不油膩。
除了粉麵,備受網民推薦的巴基斯坦咖喱飯也值得一試,用香葉、各種咖喱粉、藥材、洋葱、蒜頭等材料煲六小時,配搭牛腩、雞扒或豬扒,香而不辣。

雲吞麵店更有別於一般粉麵店,設即磨咖啡,以來自意大利、巴西、瑞士及越南咖啡自己調配,味道不俗。

招牌雲吞麵 $30
新鮮牛坑腩 $30
五香鮮牛雜 $30
巴基斯坦咖喱牛腩飯 $50(連咖啡/茶)
即磨咖啡 $13(熱) $16(凍)

759雲吞麵
地址:長沙灣長沙灣邨服務設施大樓地下1號鋪
電話:3669 6936
營業時間:11am-10pm

759阿信屋踩過界-雲吞麵



講咗好耐嘅阿信屋759雲吞麵聽朝就開張,千頌C今日又搵過老闆林偉駿傾過偈。嗱!千頌C讀書時,讀過Economies of scale(規模經濟),以前都未係好通呢個Concept可以玩到有幾大,依家睇林老闆做生意手法真係明晒。

其一就好似佢之前講過咁,間雲吞麵舖用用番阿信屋啲貨,好似魚蛋、貢丸等丸類食品。其二係,雖然雲吞麵舖唔會提供759會員卡折扣,不過,佢短期內會進行推廣,喺雲吞麵舖附近阿信屋消費滿一定金額,就請你食麵!

今次雲吞麵舖同最近嗰間阿信屋只係5分鐘路程,講真,肯行過去免費試食碗麵嘅大有人在。一次過幫兩條Line宣傳,將規模經濟發揮到極緻,呢啲咪屈機囉!

依家嘅阿信屋已經唔再只係賣零食,係真係咩都有得賣,正如老闆所講,「喺好多人眼中,我係亂做」。佢個策略應該係,Develop咗個Brand,儲咗堆fans,大家信個Brand,自然開咩舖都有號召力。

至於間雲吞麵舖,佢就話噚晚已突擊試業,仲要全場免費,「街坊反應唔錯,因為個師傅啲牛雜真係好得!」間舖位於長沙灣,面積約800呎,全場只有38個位。下一間759雲吞麵將會喺葵涌光輝圍,呢間舖會大啲,有1000呎,坐滿有80個位。另外,計劃喺九龍灣開多間。

759阿信屋踩過界-玩具店
reference:http://travel.ulifestyle.com.hk/DetailNews.php?id=ADMRZxEuA3Y 


759 阿信屋零食王國生意越做越大,繼新開張的雲吞麵店後,近日再踩過界,宣佈開設玩具專門店!

阿信屋將與玩具品牌合作,選址九龍城沙浦道設首間玩具專門店「759 Toy’s Land」,售賣日本及國際品牌玩具及兒童護理產品,針對 1 至 8 歲的小童,預計 8 月底開業,並提供與阿信屋同等的折扣優惠益街坊。


CEC國際(00759.HK)  0.000 (0.000%)    旗下阿信屋擬進軍玩具市場,計劃於本月底開設首間「759 Toy's Land」,售賣玩具及兒童護理產品。首間玩具專門店位於九龍城。

此外,阿信屋旗下位於大埔的化妝品專門店「Kawaii Land」亦擬增設日韓品牌女裝,同時會加入餐飲小食。
 

2 則留言:

  1. 原來我同Vincent 係同鄉......

    回覆刪除
    回覆
    1. 原來妳又係"架Gee冷"....唔怪得同聲同氣啦~

      李嘉誠都同我地係"自己人"..嘿嘿嘿

      刪除