Adsense Script

2014年2月10日 星期一

細佬仔Marcus4日3夜法國之旅 Part 1 -要入醫院原因(發燒的應變守則)

唔好意思,今次編blog比較多字,

打blog 同 Facebook唔同...可以詳細D紀錄低當時發生咩事

希望唔好悶親大家啦!



大家見到個subject係未覺得日奇怪,細佬仔Marcus去咗法國4日3夜渡假?

係就係法國,不過係法國醫院( St. Teresa's Hospital ) 呀!

仲要係我地有紀錄以來..第一次帶我地D仔入醫院

其實話晒都係兩子之母

基本上都叫身經百戰~

都唔會話發下高燒/ 傷風一兩次就入醫院~


要入醫院原因??

話說細佬仔Marcus係農曆年前一個星期發燒,好彩係低燒,燒下退下燒咗4日

有睇開我地既blog 都知道咩叫低燒/高燒/點退燒/點可以令小朋友無咁辛苦~


若果大家忘記左..可以睇番下面既blog...費時都真係小朋友發燒又"呢"咁Hea

讓孩子退燒的正確方法




Marcus 食咗退燒水就退燒,D 退燒水藥力過咗又燒返 ~




但係個人都算精神,但就無咩胃口,

有見過Marcus既朋都知道Marcus無時停坐唔定,

但係係燒到第四日就晚本來同嫲嫲食團年飯,

臨出門口發覺細佬仔Marcus無晒心機又無精神,

點知一問佢探熱燒到39.7高燒,咁唯有Mancent哥哥同永勝爸爸去食團年飯,

我、細佬仔同工人姐姐留係屋企,


平時無時停嘅細佬仔竟然乖乖咁瞓係Sofa到睇電視郁都唔郁

(活動力減少加無精神係上面既blog 其中一個要入院既信號)

好彩食咗退燒水又退咗,但係半夜又係燒返,

最後星期日一早就同工人姐姐講叫佢唔好放假係屋企湊住哥哥,

我同永勝就帶細佬仔去醫院睇門診~

去到法國都好多人下...

可能呢排天氣一時又熱一時又冬,係醫院好多人睇醫生,好多小朋友仲貼住退熱貼tim。

最後我地係門診排咗差唔多兩個鐘先有得見醫生

[公立醫院可能等4-6個鐘]
開始咳多左~
[今次真係好彩入左醫院咋]


點解揀法國醫院??



1. 私家定係公立醫院?
 有幫Marcus買保險,,更係去私家啦~
(保險果Part 會再寫篇blog..大家買唔買自己再分析)


2. 大家有睇新聞都知...而家入公立醫院要等3-6個鐘...
去私家醫院又唔駛睇D護士面色..又Confirm 有得有得陪過夜
Marcus 等個18個月..點叫佢自己過夜?

3. 近屋企.一程車到...屋企其他人都方便照顧

4.私家醫院黎講算平啦~兒科方面有保證
[唔駛睇價錢...就更係去養和醫院/明德醫院]



我地趁等緊既時候..仲有時間食Starbucks

食左退燒水....其實細佬都好精神架

仲好開心周圍走


見完今次既主診醫生

醫生話細佬條氣管好扯,建議細佬仔留院觀察,仲話最少要住4日

一聽到個刻真係勁唔開心,唔通真係我地疏忽照顧????

哥哥咁大個仔都未試過要住醫院,

但係因為流感高峰期,醫院醫院竟然無床位呀!FULL HOUSE ??點算??

去浸會醫院???

情況反應到少少而家D流感有幾犀利


護士就叫我也帶細佬仔去聞氣先,攞藥返屋企等,如果夜晚9點前醫院無打黎就無床位,

一係就去政府醫院,一係就第一日再去門診排過隊睇醫生再睇下有無床位,

好彩係細佬仔聞氣期間醫院就打黎話有床位。

根住就辦入院手續上房
當時細佬仔Marcus仲未知發生咩事

不過由於我地都係知道Marcus 要入院多..已經帶左尿片/奶粉/濕紙巾........

兩大袋Marcus 既日用品入院啦~






根住護士就帶咗細佬仔入間房到抽血、種斗、拎鼻同喉嚨分秘去check,


我同永勝保房門口聽到細佬仔喊到死去活來,我聽到個心都實晒差 d喊咗出黎,


攪掂之後護士就叫我入去抱返細佬仔,


嘩⋯佢咁大個仔都未試過喊到咁架!我一抱佢就攬到我實一實。

呢次真慘慘豬~

之後其實都攪左一日一大輪........Marcus 先可以訓覺~






之後起身仲要去照X-ray, 到醫生夜晚黎巡房到仲有發燒!!!

即係加埋第五日發燒 !!


最後由於醫院D報告好快番(當日係星期日都快)

先發現有X-ray result,個肺有小小花,有肺炎 !!!

第一晚法國之旅夜晚都仲有發燒,仲要又係高燒40 度...

我同永勝講好彩入咗院咋,

竟然燒5日都唔退。

係呢度...真係要叫大家媽媽們.....

呢排D流感病毒真係好勁...好勁

無咩必要...都唔咁多會所/室內Playroom / 公共遊樂場呀 !!

若果預到BB /小朋友發燒...同病毒打緊仗...千奇千奇要留意下面既


家中常備退燒藥/一支真係可靠既探熱針/
退燒三步驟˙1.退燒藥水或栓劑 2.留意小朋友情況/用藥份量 3.溫水沖涼

下一篇blog 法國之旅 Part 2....會up 下中左咩流感...中左之後點處理/小朋友保險果part 又點攪~

===其他有用blog=====

細佬仔Marcus4日3夜法國之旅 Part 1 -要入醫院原因(發燒應變守則)










買咩牌子耳溫計 ? 百靈/OMRON/OTO 耳溫計比較 (準備生BB既有用資料)

[真係要買定呀]


自己小朋友係屋企又點處理??
一、冰枕
有助於散熱,但對較小的幼兒並不建議,因幼兒不易轉動身體,冰枕易造成局部過冷或致體溫過低。使用退熱貼也可以,退熱貼的膠狀物質中的水份汽化時可以將熱量帶走,不會出現過分冷卻的情況。
二、多喝水
以助發汗,並防脫水。水有調節溫度的功能,可使體溫下降及補充孩子體內的失水
三、退燒藥
當孩子體溫(肛溫或耳溫)超過38.5℃時,可以適度的使用退燒藥藥。
四、空氣流通
若家有冷氣,維持房間溫度於25-27℃之間。可將幼兒置於冷氣房中或以電扇繞轉著吹,使體溫慢慢地下降,如此幼兒也會感覺舒適些。但如果其四肢冰涼又猛打寒顫,則表示需要溫熱,所以要外加毛毯覆蓋。
五、少穿衣服
如果孩子四肢及手腳溫熱且全身出汗,表示需要散熱,可以少穿點衣物。
六、溫水洗澡
將孩子身上衣物解開,用溫水(37℃)毛巾全身上下搓揉,如此可使孩子皮膚的血管擴張將體氣散出,另外水氣由體表蒸發時,也會吸收體熱。
孩子的健康關系到一家人的幸福。父母要時刻注意孩子的一舉一動,當孩子大哭大鬧時,要最為注意,這是他向你們發出警報,快來看看我吧。如以上方法還不能使孩子退燒,應及時就醫,以免造成嚴重的後果。

2 則留言:

  1. 真心痛死媽媽喇﹗而家好返啦嘛?

    回覆刪除
    回覆
    1. 多謝晒水太太~ Marcus 而家開番晒架啦~
      不過入宛醫院奶量減左D

      刪除