Adsense Script

2013年6月10日 星期一

女仔定男仔(Vindy or Marcus)? 生與不生

大家估下呢個BB 係女仔定男仔 ????





佢係我地既BB 黎架~ 佢叫做Vindy !! hello ~

首先我要講返Mancent同Vindy 係點黎先....



有d唔係睇開我地個blog既朋友可能只係知道Mancent個名係由(Man)dy+Vin(cent)拼出黎架!


而大家應該唔知道原來仲有個名係(Vin)cent+Man(dy) = Vindy, 其實由我地2個結婚搬出黎2口子住


準備國皇的婚禮既時候.....買左部Wii  (因為係Wii入面係可自己整自己個樣同改名, 個時我地未有BB....



已經係Wii度整左一仔一女叫Mancent & Vindy

詳情:國皇Mario Kart@Wii @2008年5月4日我地一有左BB ...Vincent個時都已經決定左一定要用呢2個名!


咁第一個係仔就用左Mancent,


諗住第2個生個女就叫Vindy,點知第2個都係仔就用唔到呢個名...

大家睇下當時心目中我地既仔女係點??
男仔




女仔



[回一下帶先]曾經...發仔寒?


不過大家唔好誤會.................. 發仔寒唔係只指男朋友


唔知大家有時發夢都會夢見自己有BB/生小朋友 ???


有時會夢見自己生了個好Cute 既混血兒BB ?? ....

(發夢搵左吳彥祖做老公??? 嘿嘿..)








有時同永勝扔拍拖出街....[當時] 每逢係街上遇到BB,我都忍唔住要上前攪人地D BB...



生兩個孩子的18個理由


生仔既憂慮??



但係當時(2007-2008 年)  其實無咩勇氣生BB,


一黎怕痛,

二來好似好大負擔..養一個小朋友要四百萬??


又好似覺得有了小孩子就會無晒自由

四黎開支又大左又無得去旅行

五黎又成日要湊住佢...

總知就....好似好多野要準備






不過最後既結果好明顯係我地沖破晒上面憂慮
我地國皇之家仲要三年抱兩  .................................

原因好難講得明...只係覺得..若果樣樣都要算到盡.....


比到最好佢....就真係一個bb/小朋友都唔好生~因為一個都養唔起





養大一個孩子要五百萬 (連圖加計算方法) 四百萬已經過時了
http://blog.yahoo.com/mandyvincent/articles/818124





仲生唔生多個追個女?生三個? 呢D比恐怖片加
恐怖既野.....我地真係唸都唔會唸啦...
就算生多個一定係女. 都唔生...

兩個就夠晒數~
兩個已經就夠晒數~
不過中左六合彩就另計.....中一次都唔夠架..要仲夠"兩"次先可以唸下....考慮比D好D既野佢..

咩叫最好 ??? 睇完上面既500 萬BLOG就知...當然有好多感想...可以打多幾篇blog 都得~

......................................


[其實而家睇番.....好多識既親子blogger 都係生兩個架.....

例子有笨B媽媽/大頭妹媽媽/Maggie HLC/天使媽媽......個個都係生兩個....
]
有時真係...見到佢地兩兄弟一齊咁開心..佢地笑一笑...做下D攪笑野

父母幾辛苦都係值得架~


而家我地抱住marcus /帶埋Mancent 哥哥出街...

途人既"回頭率"都好高架


e.g.
途人A : 哎呀..個BB 好Cute 呀....路人甲 : 好肥呀.....


我地又會好開心..

[早兩個星期去Studio 影既相...Mancent 同Marcus 笑得好開心~]


建議:

大家有無聽過,船到穚頭自然直呢?!?!?

雖然有planing..計劃係好....不過有時

計得"太"多有時都又唔好~


自己覺得....有仔趁嫩生

如果係早生,都重可以係仔女大晒,自己重健健康康周圍走,周圍玩,去下旅行




如果係遲生,而家就掛住搵錢,再等佢地出身既時候,父母都已到晒退休年齡,父母一世就咁完!

到時幫下M &M 湊孫都唔得 ~

[ 唸得太遠啦~
]

===================================================================


好似 有一日係見到H & M

(因為公司附近有一間, 成日都好似巡視業務咁, 2日就去一次..當自己公司 

D 帽仔買一送一

我地呢d C9就梗係唔係放過


即刻走去睇下有無好野, 我一睇就睇中呢頂帽仔, 唔知點解覺得好親細佬仔呀!





睇下係未好似女仔?

我放左呢張相去facebook都呃左好多like架!




因為我淨係買左俾細佬仔, 哥哥見到佢無, 又係都要拎黎带

[哥哥其實已經有幾頂帽]



媽咪 : Mancent真係唔啱呢d style, 媽咪會同你走番型仔路線架ma....
Cute 路線唔o岩Mancent




媽咪 : 係未幾唔型 !!!




到細佬仔出番場先喇    !真係可愛D 架!




7 則留言:

  1. HEHEH...我之前都有計過呢條數...先知原來 $400萬真係無呃人﹗﹗﹗不過當然貴有貴養,平有平養啦﹗

    回覆刪除
  2. 我都覺得生兩個, 雖然辛苦, 但每次見兩個一齊玩, 好開心, 幾辛苦都唔記得!!
    [版主回覆06/17/2013 11:03:24]係...兩個一齊玩好D...希望大個仔..互相扶持大家就好啦~
    希望妳兩個女女都係啦~

    回覆刪除
  3. 查媽【美子】2013年6月11日 上午9:04

    其實貴有貴養, 平有平養~我都覺得有能力, 生兩個係最好呀~
    [版主回覆06/17/2013 11:02:04]嘿嘿..我都覺得係...妳係咪一個仔仔??
    妳都生兩個啦~

    回覆刪除
  4. MARCUS 對眼好似媽咪~
    [版主回覆06/17/2013 11:00:42]好迷人呢.....ha ha

    回覆刪除
  5. e家呢個社會, 500萬真的唔出奇...........that's why 我之前都1516 不過, 由未結婚開始我們都想生兩個, 感覺完滿一點, 所以e家都唔理太多, 生o左先算~~~
    [版主回覆06/17/2013 11:00:27]我都係咁話..平有平養..貴有貴養姐

    回覆刪除
  6. 大家有無聽過,船到穚頭自然直呢?!?!?-->生仔就係依一回事

    [版主回覆06/17/2013 10:59:46]同意~

    之前D人都係生左先算...先有咁大家庭

    我地都係想佢地開心D

    回覆刪除
  7. 我以前都有諗定仔女個名, 不過冇用到...因為我d姪仔女用哂hahaha
    [版主回覆06/17/2013 10:58:00]妳快D生多個啦~
    一齊玩開心D架

    回覆刪除