Adsense Script

2012年10月8日 星期一

抽左Apple Store iPhone5 幾星期都唔中? (想知點解加原因嗎)

抽左iPhone5 兩星期都唔中? 點解? 

我已經用左不用ID ..成家人既身份證架啦....有合約都試埋....


我地D 散户日日係度唸..點樣用埋Passport , 不同地方location. 有約無約, 不同時間submit....

都係想多多"一個兩個"機會中 Retail Store 既 iPhone5, 之前都有提過下

分享= 幸運+ 開心 (另加如何增加機會抽中iPhone5)
iReserve 破解時間限制(9點前/5點鐘後如何申請 iPhone5 預訂)
今日先達/IFC/華強北 iPhone5 最新回收價


假設妳用晒所有方法好未..~~~ 好有技巧地比盡妳都係多人地十次機會....

聽番先達d人講,而家大陸佬已經係集團式經營

人地已經有晒成條Team 係度 專業地賺$..日日都中~



-----想知點解加原因嗎???---
香港人大多唔會為左抽iPhone做一張假香港身份證, 不過經過多次蘋果產品開售「洗禮」後,現在的炒機黨已自成體系,炒賣系統可分四個角色:提供資金的「莊家」會聘請技術人員及「蛇頭」,前者負責編寫「外掛」程式(依附原程式作特定用途),後者則透過人脈與其他渠道尋找「豬仔」(抽機人士),向集團提供個人資料抽機,「整理後,個程式就會自動登記。」



好似仲要係中左Confirm 中iReserve ,收到晒E-mail 之後,先慢慢Pirint D 假大陸身份證出黎...要印咩number 都得

好似number 由 10000000 至 10005000 如果都可以用

因為Apple 只係Check 中文名 + 證件相+證件號碼

而期間絕對唔會走去Check /同中國關口果邊核實 D 大陸身份證真偽

e.g. 用同一個名...陳大文+一幅相

由於不用跟番自己真ID(證件Number) 一個人...已經可以一日submit 5000 次

中左第一日...賺左第一水

再用.陳大文加第二幅相

由於又不用跟番自己真ID,一個人...已經可以一日submit 5000 減番上一次中左既ID.
已經又4999 次

仲要可以用唔多人....唔同相....

一個人你已經把中獎機會提升了5000倍

只要等號碼中了,不用30分鐘假證就可完成
仲要當個集團細細地..得500人..仲要係一班人玩~

500*5000 = 2500000......中既機會比我地高我地既250萬

除左上面假既大陸身份證外(有圖), 下面既報紙已經進一步引證左..香港人想 iReserve 根本係好難.

咁樣, 就算我地香港人再幸運都沒有用!
==============
東方日報



探射燈:內地炒家屈機 增抽中iPhone 5機率

全城近日熱炒iPhone 5,上網「抽機」成為部分港人每日的例行公事,有內地炒家見「機」不可失,以一條龍的上下線經營方式四出搜集個人資料,再透過專為搶購iPhone 5度身訂造的電腦程式登記預購,增加「中獎」機會。部分炒家更與水貨客有直接聯繫,甫出機即轉手,每日淨賺港幣逾十萬元。雖然近日iPhone 5在內地價格不穩,海關更嚴打走水貨,但利字當頭,水貨客無懼關口風聲緊,照舊走貨北上,誓要將炒價「榨乾榨淨」!

iPhone 5於上月二十一日發售,開賣首 三天,全球已售出五百萬部。據旺角一間手機店負責人指,現時16GB版本的iPhone 5回收價約為港幣七千五百元至七千九百元,黑色機身回收價較白色高出約一百元,對比原價五千五百多元,每部仍有一千九百至二千三百元的「水位」。

聘水貨客出貨 日賺10萬

為避免「排隊黨」塞爆中環國際金融中心(ifc)門市,蘋果於本港採用網上預訂系統,有興趣者可於每天早上九時至下午五時,到其專用網站填寫姓名、電郵地址及身份證明文件等個人資料,參加「抽機」活動。

熟悉「炒界」行情的阿傑透露,經過多次蘋果產品開售「洗禮」後,現在的炒機黨已自成體系,炒賣系統可分四個角色:提供資金的「莊家」會聘請技術人員及「蛇頭」,前者負責編寫「外掛」程式(依附原程式作特定用途),後者則透過人脈與其他渠道尋找「豬仔」(抽機人士),向集團提供個人資料抽機,「整理後,個程式就會自動登記。」

今次iPhone 5預售,蘋果網頁沒有明文禁止同一姓名或身份證明文件進行多次登記,「個外掛程式會不斷自動填表,當然方便過手填啦,成個『集團』咁多人,成功抽到嘅機會率有六至七成!」阿傑說。

據了解,炒機黨不同角色的「身價」有別,每成功售出一部iPhone 5,「蛇頭」和「豬仔」共可獲得港幣五百元的分佣,實際對拆金額視蛇頭安排而定;餘下轉售所得的差價,一般由莊家及技術人員按六四分帳。消息人士指,炒機黨十分蠱惑,通常不會包辦「走水貨」,而會下令蛇頭即場放售,「依家海關睇水貨客睇得咁嚴,佢哋當然唔會自己做埋,喺豬仔度拎到機就即賣,乾手淨腳。」而透過此方法炒賣的iPhone 5,估計每日逾一百部,以每部港幣二千元「水位」計,莊家每天可賺取約二十萬元,扣除給各下線的拆帳,估計每天淨賺約十萬元。

內地行貨將至 炒家要賺盡

記者日前到ifc實地觀察,發現不少人在購得iPhone 5後,直接在現場「放機」,未知是否蛇頭或豬仔。而近日網上有傳本港即將可以正常訂貨,即通過網上商店買機後,等待寄貨,亦有消息稱內地行貨快將發售,但仍無阻炒家及水貨客「興致」,似乎是要「賺到盡」。記者透過網上廣告聯絡到聘請深圳水貨客的疑似水貨頭目,對方表示現時「走iPhone 5」的人工約為每部人民幣一百八十元左右,「不過甚麼時候有貨到說不定。」

香港專業教育學院(屯門)資訊及通訊科技系系主任梁秉雄解釋,在技術層面上,要編寫自動填表程式十分簡單,「一般讀電腦嘅學生,只要上堂留心少少都做到出嚟。」他指,如蘋果未有限制整個「抽獎」過程中,每人可購買的iPhone 5數目,實在難以阻止炒機黨,「好視乎廠商點樣做個商業決定,不過就算有限制,佢哋(炒家及水貨客)咁多人,都未必炒唔到。」就上述情況,記者向蘋果發出電郵求證,惟至截稿前未有回覆。

執業大律師陸偉雄提醒網友,向炒機集團提供個人資料後果嚴重,資料若落入不法之徒手中,可能會被利用作申請信用卡或其他非法用途,得不償失。

圖/文:專案組、突發組

Reference:http://orientaldaily.on.cc/cnt/news/20121006/00176_110.html

大疊金牛利誘收機

自iPhone 5開售後,ifc門市水洩不通,日前約下午一時,店內排隊顧客人數開始上升,加上午飯時間,人流明顯增加。為求一網打盡,水貨客於高峰時「派遣」三十人「駐兵」該店上下兩層出入口,一見有人手持白色蘋果標誌的購物袋便急速上前兜搭。有水貨客大派印有聯絡電話的卡片,着有意放售者回電;亦有水貨客見剛買機者猶豫不決,索性手持一張張「金牛」上前利誘:「爽手,即收,畀現金。」

期間商場保安試過到場驅趕,水貨客佯裝離開,移師到二樓的教學中心出入口守候,待保安人員離開後,又再次回到蘋果大門繼續「作戰」。而在「十.一」假期,亦有十名水貨客在ifc蘋果門市外等收機,16GB回收價高達八千元,一名水貨客透露,由於內地顧客主要購買iPhone 5送禮,故此16GB較受歡迎。


4 則留言:

  1. 我都係抽了2個禮拜都抽唔到呢..........
    [版主回覆10/09/2012 16:09:07]大家有排都中到.....加油~

    回覆刪除
  2. 我都由第一日開始抽, 到而家都未中過, 想買部自用都咁難!!
    而家希望快D正式網上開賣好過啦!!
    [版主回覆10/09/2012 16:08:39]網上開賣都未必買到... 大陸一樣有program 一開就同你訂晒
    盡力啦~

    回覆刪除
  3. 我想問一個id可唔可以選唔同gb/顏色?會唔會影響資格?
    [版主回覆10/15/2012 10:11:21]都係分開幾次抽.....
    [亦有人講可以16/32/64 各抽一次]

    不過最好一日兩部啦~

    details :http://blog.yahoo.com/mandyvincent/articles/834611/category/index

    回覆刪除
  4. 一開始可以在網上抽iphone 5 時,我一直抽到現在都抽不到,用晒所有証件來抽啦﹗
    [版主回覆11/22/2012 10:11:31]好多人都放棄了.[包括自己]
    .比d大陸人用d假ID 抽晒架啦~

    等apple online store 開仲好...就開架啦~

    回覆刪除