早幾日我見Mancent訓得唔幾好, 夜晚成日"責"醒
一晚爸爸都BB都醒幾次..係咪埋眼喊果隻
婆婆公公即刻建議食下保嬰丹, 最後, 我地係余仁生買左保嬰丹
睇下..未食之前同公公幾Friend..一齊睇電視..佢都未知要試D苦口良藥
之後真係食保嬰丹既時候,由婆婆親自操刀...不過Mancent 當然唔會咁順攤話食就食...
一食...即刻噴留晒出黎..."Blue".."Blue""Blue"
噴到婆婆一身都係..仲要有陣中藥味
因為頭先用左好多力去擺脫摩掌, Mancent 即完個樣即刻謝晒,無晒精神
其實Mancent...個個都好錫你架...
你唔好顧住睇電視啦...快D好番..訓番覺好既
我地食位元堂那隻, 通常連奶沖服, 起初可以份量唔駛唔多先, 應該會肯食的.
回覆刪除我間中都會俾我個仔食(當我覺得佢瞓得唔好or便便唔靚),由其是佢有少少傷風流鼻水,我都會俾佢食,所以我都有一定程度既戰鬥經驗.
回覆刪除我就用針筒餵的, 我用一支針筒份量既水黎開d保嬰丹(因為唔洗角力咁耐嘛),然後就好似bb餵奶咁抱住佢(當然要二個人以上),佢一定唔制,扭計喊咁款,當佢擘大口喊時,就係口邊唧d落去,咁就會落咗喉嚨頂到,這時就㩒吓佢下巴仔同頸之間嗰度,咁就容易d令佢有吞嚥既動作,當然全過過程都要快,唔好俾佢有時間噴番出黎.當然失敗既個案都有試過.
如果係瞓得唔好,你都可以試吓(七星茶)甜㗎.
我都有比仔仔食保嬰丹, 我用既方法就係將D粉混入D蘋果茸裹,BB非常之喜歡, 不過咁,我覺得無效,食左又係成日"宅"甦.
回覆刪除[版主回覆06/01/2011 12:04:00]thanks...我地又試下先
咁妳點樣解決...同BB一晚都醒幾次..都唔係唔多好
試左好幾次都無效之後就無再食,唯有晚上(8時後)唔比佢小睡,等到佢十二點幾好眼瞓先開風扇吹住佢瞓,因為小朋友瞓得唔好 好大機會都係室內溫度唔好,或者係日/晚間玩得太癲,如果妳有另外一個解決方法不仿話我知
回覆刪除