至從決定唔買樓租樓之後, 呢個1-2月....大約就睇左10個單位, 開頭唸住近番文迪媽媽屋企...都係睇官塘...係官塘既租盤, 全部都係溶溶爛爛, …
仲要咩都唔包 得四面牆, 又要裝修下又要買傢俬..都唔係o甘好.
之後由於無咩岩心水,係上星期約埋細佬,吳欣睇埋長沙灣,大角咀區.
我地想搵既....最好有齊傢俬電器,但就好難搵....
不過好彩, 係長沙灣搵到一間, 我地諗左兩晚就打比agent confirm ok...不過要講下價..減$500....個舊租客又肯留番晒D 傢俬比我地, 返工交通又方便又有好多野食....所以我地認為都OK.
我地而家只要買兩樣傢俬..電視+雪櫃..買埋傢俬買Wii 買電腦, 而且仲要比agent fee 三千,一個月租,一個月按金呢...好溶喎...
雖然真係比預期貴左好多, 不過若果官塘D 舊區都開價6-7K....真係有d不敢想像....不過呢個係而家既事實囉... ...我地都唯有接受....不過...我地遲多兩年一定會儲$買樓...
今個星期二去左簽contract...終於叫搞掂, 再同個舊租客傾埋D 個洗衣機,梳化,微波爐...可以四月準備搬去而下呢個新居....
地點係係永隆街....譚仔米線(總店)對面
又真係幾方便wo!
回覆刪除方便食譚仔呀~hahaha
呢期真係咩都貴啦~
終於都決定左就好啦 , 煩少一樣得一樣 , 不過自己搬出黎住 , 係一個新o既開始 , 亦可能要面對一d新o既問題 , 你地要一齊比心機呀...
回覆刪除[版主回覆03/07/2008 14:45:00]細佬..我會架la........我地已經簽'臨時'左租約架la....下星期簽埋張正式租約. 大約3月中交吉, 4 月1日正式起租. 我唸15-Mar - 復活節假期就搬得架la....... 同埋又同個舊租客傾埋D 傢俬留番比我地. 而家果度最少有張梳化,洗衣機,dvd 機.. (可能有埋微波爐 + Cheap 電視 一部 + 細屈神士飲水機一部) 不過未知佢仲留番D 乜比我地. 到時收樓再算.
恭喜哂呀~
回覆刪除終於都簽左約la.. 搬屋記得搵埋我地幫手呀~ 我地好有經驗架...