2017年12月31日 星期日

澳門兩日一夜美食之旅 推介(喜蓮咖啡麵食 嬴到粥 新鴻發咖啡小食)

我地個blog其實好小介紹飲食, 不過點解今次要介紹呢? 

就係因為我地今次食既餐廳真係好好味同帶住小朋友都無問題, 因為有D餐廳真係唔係好啱小朋友去既, 好喇! 

唔講咁多廢話, 入正題.

一到澳門, 我地就去酒店放低行李, 就坐的士去揾食, 

澳門第一餐Lunch就係去左

氹仔既 喜蓮咖啡麵食
地址 : 澳門氹仔舊城區飛能便度街南龍花園地下B84號




我地係金沙城坐的士, 大概$40就到門口







我地一家四口食左牛尾湯通粉, 紅豆冰, 奶茶紅豆冰, 炸雲吞, 芝士牛肉飛碟, 咖喱牛腩豬仔飽, 細佬仔Marcus一個人可以KO一份芝士牛肉飛碟同一碗仔牛尾湯通粉, 食完仲話要食多份芝士牛肉飛碟, 我地就梗係唔會一次過食咁多啦!

細佬仔Marcus對食好有要求, 好有主見, 唔係様樣都鐘意食, 所以佢鐘意得就真係好好食, 我地有時去食雪糕都唔一定會鐘意架!

總括黎講係好好味同好抵食, 我地一家四口都係食左$242


紅豆冰 - 紅豆夠大粒, 可能太好飲, 我嫌太細杯唔夠喉


奶茶紅豆冰 - 紅豆夠大粒, 奶茶好香濃, 不過我就比較鐘意紅豆冰多D



水餃 - 足料, 蝦好大隻


咖喱牛腩豬仔飽 - 呢個我覺得最好味, 大家去到一家要試, 牛腩好夠淋, 個 咖喱好香濃唔太辣, 個 咖喱汁用黎點豬仔飽簡直一流, 食到停唔到口


牛尾湯通粉 - 個湯好夠濃, 通粉煮得好QQ





 炸雲吞 - 我最鐘意, 夠香口, 不過無咩特別

芝士牛肉飛碟 - 我只係食左一啖, 唔知好唔好味, 不過細佬仔Marcus可以食晒一份, 應該好好味


食完Lunch, 我地就返左金沙城玩, 等今次旅程我同永勝最祈待既一餐

嬴到粥

地址 : 下環媽閣豐順新邨第三M,K舖 (近媽閣)

其實之前聖誔去澳門都已經食過一下次, 上次人多就可以食多D






今次得我地一家四口就食小好多, 仲有就係Mancent一坐低就話要食上次個雞肉脆卜卜 (手撕雞), 但係因為今次得我地4個, 所以無訂到, 媽咪知你鐘意食, 我下次一定會訂定架!

黎得食嬴到粥, 我地就梗係食卜卜蜆, 個蜆煲入面有大量蒜容,

本身我唔鐘意蒜容個D味, 但呢個卜卜蜆既味係好好味,

蜆肉多大粒, Mancent & Marcus食到停唔到, 我同永勝好似母雞餵食咁餵佢地,


所以我地2個都無咩點食到D蜆肉, 証明真係好好味.


食完D蜆我地就叫左D食物打邊爐, 有牛肉, 生魚片,


雙拼滑(蝦滑墨魚滑), 生菜, 大家梗係覺得我地好似食得好小野, 但係食完真係飽到上心口

牛肉 - 同香港打邊爐差唔多,


但係打邊爐無理由唔係牛肉

雙拼滑(蝦滑墨魚滑) - 好彈牙

生魚片 - 一家要食, 超滑, 好有魚味, 最緊要係無咩骨

呢2隻係最好飲, 連我每次打邊爐一定要飲可樂, 都唔飲要飲佢



因為我地訂左6:30pm, 食完仲好早又食得太飽, 梗係行下啦! 


個湖景好靚


行完我地就係媽閣廟對面坐巴士返去百八伴行下, 買下零食就坐酒店免費Shuttle Bus返酒店




新鴻發咖啡小食

地址 : 賈伯樂提督街55號地下A

呢間出名食西多

食香港真係好小見到咁高既西多, 入面係搽左花生酱, 但佢既花生酱唔似我地平時食個D, 個感覺有小小流心. Mancent & Marcus食到停唔到口呀!


豬扒飽塊豬扒好淋, 無平時個D鬆肉粉醃肉味, 但又出奇地好淋, 呢個細佬仔Marcus係咁偷食塊豬扒



干炒牛肉通粉. 炒通粉我真係第一次食, 係香港通常都係炒意粉, 但D牛肉就麻麻地, 係用鬆肉粉醃過, 但個通粉好好味, 好夠味又彈牙










總括我地一家四口好滿意今次呢個美食之旅, 餐餐都有驚喜同好好味架~



===其他澳門有關既blog====

澳門親子好去處- 

大潭山滑草場任玩體驗(開放時間連地圖教埋大家點去) + 遊樂場[費用全免]

睇片先知道有高速度感 !!!
https://www.youtube.com/watch?v=1ngQXlgagA4








[開放時間]
星期一休息 
星期二-五 14:30-17:30
星期六日公眾假期10:30-17:30





親子旅行-觀瀾湖度假酒店有咩小朋友玩?






想知道其他親子假日好去處??

沒有留言:

張貼留言