2018年1月5日 星期五

分享請工人/搵家傭經驗 -善用網上資料/有海外經驗/唔考慮及唔請斷約工人

而家喺香港想搵一個好工人姐姐真係好難,

雖然香港已經有印尼,菲律賓,孟加拉,斯里蘭卡,緬甸咩國藉都有

自身經驗加埋聽埋聽埋咁多年有咩請工人經驗同大家分享?

(原因Blog 底有講)

國皇之家由細佬Marcus 出世到而家都係用緊同一個工人姐姐,

已經用左接近六年,

有同我地接觸過既都知道我地既正人姐姐係好好!!


好醒目又乾淨又勤力又細心,細佬細細個嘅時候湊倒佢肥嘟嘟


細佬BB嘅時候飲奶永遠飲剩兩安,但係姐姐真係好好心機,

永遠都會令到細佬飲晒啲奶。

而且好錫哥哥同細佬,

每年生日聖誕都會買禮物比佢兩兄弟


仲好記得細佬仔Marcus第一日返到屋企

姐姐已經可以自己一個人照顧佢

又同細佬仔Marcus沖涼, 又餵奶, 仲好熟手, 而且好錫兩兄弟。 

(姐姐小秘密:佢連電話密碼都用細佬生日架)

我地仲放心度可能出去行街睇戲同拍拖~


,我地成家人已經當左姐姐係屋企人

不過姐姐今年做到第六年去到第三張約,
完約姐姐要返印尼結婚生小朋友,所以唔再同我地續約😢
一齊生活左六年,要離別當然好唔捨得~

不過為左姐姐既幸福,我地最近又要搵新工人啦。
有D人話搵到一個好工人真係好過中六合彩 !
希望我可以仲多一次六合彩啦!

不過有冇工人緣,除左講運氣、彩數?
都要好睇中介公司Agency, 今次我哋唔係搵陽光,

搵左高雅僱傭中心有限公司 
(In Heart Employment Agency)

Facebook 


可能你地會問點解唔用返陽光女傭中心呢?
原因好簡單...因為我既好朋友轉左去 <<高雅僱傭中心有限公司>>
由未結婚到而家已經識左十幾年..
而且呢度亦有一位朋友亦都係僱傭中心做開呢方面既工作
而且我地亦信佢地既眼光, 因為之前個最好既姐姐都係佢幫我揀架!
我就梗係搵返個熟人幫我啦!
高雅係有Training school /職訓中心, 
(佢地會去親自揀工人) 
比姐姐黎香港之前學習照料BB,照顧兒童或者長者
當然仲有學煮廣東菜啦~
另一樣就係負責人Jennifer 佢好好人

知我想找有新加坡經驗既姐姐. 仲要肯湊兩個小朋友

好快已經搵到幾個比我揀 (工人Pool ->Filter 8個-> Filter 到3 個),仲一個一個幫我分析,

邊D係當地已經接受過訓練 , 邊D可能會聽話D

訓練好晒照料嬰兒BB,照顧兒童,照顧長者先過黎

佢話就咁睇Resume 加埋基本溝通
(視像會議/ WhatsApp )
邊個人邊個係鬼佢就知

有無下面咁犀利就唔知???
[呢度唔係法庭,唔需要證據,我對眼就係證據!
我睇人睇咗幾十年,邊個係人,邊個係鬼我睇得到]
同埋有d 媽媽要急請工人,有起事上黎 一定會幫到我, 唔會幫工人~


 文迪媽媽分享請工人/搵家傭經驗

溫馨提示
好多Blog友問我係邊度請姐姐?
又有好多朋友問點解我個姐姐咁醒目又聽話?
其實搵邊間Agency中介公司都好,我既個人建議:


1. 有時我會覺得你對佢好, 佢地自然會好.
人心肉做, 姐姐咁辛苦山長水遠黎到香港
離鄉別井黎到香港陌生的家庭 ,
都係為左份一份少少人工 (外傭薪金4,410元)
一早講明..若果做得好,有少量人工加~
就算自己完約姐姐自己唔續約都會有長期服務金 !
大家都有長遠目標做好一件事.
姐姐生日/過時過節亦有禮物同埋特別既生日假期架~
仲會一齊一家人入迪士尼/海岸公園玩
"同甘共苦" "分甘同味"
==>唔好辛苦既工作/Task先有姐姐
對我地/小朋友黎講,工人姐姐係一家人
我都已經同佢講定,叫佢結完婚生完BB可以嘅話就返嚟我哋都幫我地手。



2.第一次請工人姐姐揀後生定定有小朋友既??

好多人第一次請工人姐姐,唔識揀,梗係諗住請一個結咗婚有小朋友,
諗住會有湊BB嘅經驗同唔會諗住要返去結婚,
點知我呢個僱傭公司朋友就建議我請我宜家呢個姐姐,因為其實湊BB都要好講體力架
又要做家務/又要湊B/又要煮飯/之後大左又要接放學/送興趣班
仲要一齊陪玩陪跑?
(Fulltime mom / 過來人應該知有幾忙)

3. 善用網上資料-貨比三家
同埋而家咩都電子化
好多公司其實喺可以上網搵工人架
上網揀好咗先再可以問Agent 拎detail
[呢間唔啱就去另一間,
呢一間D姐姐唔啱心水/咪轉網址去另一間囉]

網上傭工搜查
http://www.inheartemployment.com/worker/search


e.g. 我哋今次既工人姐姐姐嗰都係揀要喺星加坡做過
[海外經驗]星加坡

又肯湊兩個小朋友


其中一個覺得好重要既係Survey Form 問卷調查要答"肯"或者"願意"超時工作既
口頭上亦要自己問/會唔會有需要嘅時候可以超時工作??

即係唔好八點鐘"準時"上床
星期日"準時"出街

下圖問題三及四既答案亦係我地好重視
是否願意傭主決定休息日及 OT ( Sleep Late)?

答"否"既全部都唔要 !!

[雖然最後當然唔駛佢OT 啦...同埋例放星期日,
有D工人姐姐真係同妳講要8點鐘上床..之後"地震"都唔會落床架
星期日唔比放假佢地會工人工會投訴妳]


經Search Engine 一搵.(第一階段)已經搵到 8 個.
不過當然要問埋Agent(第二階段)
之後再Video Call / 視像會議(第三階段)
確認文件/經驗(第四階段)



4. 我地專門揀D姐姐有海外經驗喺"星加坡"做過嘅印傭 !!

 清潔意識會好啲,服從性亦都高D

最起碼識得用洗衣機同電飯煲,有前人用過加完約, 

起碼唔會突然思念家鄉,唔會驚佢整壞啲電器,

今次我哋請姐姐會有兩個星期嘅交接期,

等新舊姐姐可以教識晒佢我哋屋企嘅運作。


註:工人姐姐係星加坡既人工係低過香港人工

[人工及價錢下圖已經唔update, 可以不理]



菲傭:做野快D/服從性低/英文好/

印傭: 服從性高/唔識英文/肯學肯做

孟傭 /緬甸女傭 -不建議.好多都話完全溝通唔到!
有困難亦搵唔到朋友幫手
英文只有小學一、二年班程度,而廣東話只識幾個生字……
而且佢係一d都唔識煮中國菜.



6.唔考慮及唔請斷約工人!!!
 我哋寧願用多啲時間請人,都好過搵一個斷約既姐姐
斷約原因有好多...有D係真既/有D係假既
e.g. 照顧長者過身/僱主一家返大陸/僱主生意失敗
/工人姐姐老公係菲律賓發生車禍要突然離職Resign
/家鄉既父母患病 
 呢D原因成日都聽到架啦
是否真確大家自行決定

不過而家就係太多僱主連斷約工人都請,
攪到姐姐有咩"小"事都唔怕都同僱主Resign
聽日/一星期已經有新僱主


7.請工人/搵家傭服務收費表[參考 /For Reference]
未必係最平 !! 麻煩自己出去比較價錢~
要平可以好平/要貴亦可以好貴
註: 要平==> 請本地Local 斷約最平,
免左機票/D Visa 手續費用
不過就要自己搵返咩原因斷約啦~
(工人借錢/偷懶或者其他突然Resign..etc.)






最後

有咩問題, 亦可以聯絡我地既朋友Jennifer & Karen

我已經同佢講左,若果有d 朋友/國皇之家Fans打去搵佢地問下

電話及 Whatsapp  61888334 

我叫左佢落力d幫手揀工人架啦 ~

同埋有特別優惠平 5 %Discount  架~




有d新一批工人姐姐到 ,都可以第一時間Mark / Hold 住先.

佢地後面可以再搵d 翻譯 再問多d,"chok" 下個工人係咪真係識架

(其他人既Comment 唔知/ 起碼對我地係咁)

e.g. 工人姐姐Passport問題/借錢問題等等


今次請工人"六合彩"又要靠 妳地啦

自己都係真金白銀比左過萬蚊中介費請新工人架
[有圖有單有真相]

[聲明: 以上係個人建議, 我地係無任何回佣及利益的/ 亦不保證最後請返黎既工人姐姐既質數
好工人/唔好工人日日年年都有,除左以上既要點, 請唔請到工人真係靠運氣
全香港有幾千間Agency, 貨比三家不吃虧,
亦絕對歡迎大家搵其他中介公司]


祝大家同自己都Good Luck有工人緣中六合彩!! 



附: 日常食品雜貨-中英菲印對照表


沒有留言:

張貼留言