2017年12月25日 星期一

Windows 10 適合小朋友既新功能(3D 模型/實景檢視器/溫習功課/家長監護功能防沉迷)

國皇之家屋企又有新野玩  !!
就係下面呢部Microsoft Surface Pro 手提電腦~


今次見機會試玩幾日讀大學時主修電腦既IT男"永勝"
梗係心郁郁想試下啦~
不過"玩"電腦呢啲已經唔係咩父母專利

而家既電腦已經設計都好User Friendly,

小朋友都可以玩到㗎,特別針對適合小朋友既新功能,

又等我地國皇之家同大家介紹下啦~



[試玩之前]
相信大家屋企部電腦大部分都係行緊Windows  ,提下家長同小朋友
 每樣產品都有正確使用方法,雖然今次介紹左Windows 入面既新功能,
用唔用入面既新功能,幾時用同點樣運用都好取決每個家長既喜好同決定既
可以等小朋友大D,亦可以配合學校既要求~


[開始試玩]


第一個感覺係呢部機真係好方便
部Notebook 一拎返國皇之家 入面已經安裝好Windows 10
實體鍵盤保護套、 Surface 手寫筆配合埋唔同App 
用隻手指仔"點"幾"點",安裝軟件加遊戲連小朋友都識.

對於做電腦既永勝黎講,
平時用黎當平板(iPad )用又得,

有D動作平板做唔到/有限制嘅,
佢又可以變成一般手提電腦長時間作戰又得,功能上真係無得輸!

第二個想講既就係適合小朋友既新功能-小畫家 3D 
呢個功能算係新亦係"最"好玩,已經免費安裝係Windows 10🔥
大家都知道而家幼稚園/小學嘅學生都已經要學電腦,
佢哋入門最基本教學用滑鼠玩小畫家,
兩兄弟平時都好鍾意玩小畫家~
連小朋友都輕易自己設計聖誕咭
但係原來小畫家已經進化到變咗小畫家3D !!
而家嘅設計唔只局限於"平面",依家犀利到可以畫"3D" 立體啊 !!
好處就係可以比小朋友做專題習作/通識科時候多角度理解一下,
Click 兩Click 就可以用3D講出專屬自己嘅故事架啦~



Marcus 整緊「我最喜愛的動物」


一Search 就可以多角度去理解鯊魚嘅立體結構

唔駛安裝咩特別軟件用左呢D 3D 模型公仔
大人甚至乎可以用免費範本去設計自己嘅房間
e.g. 幫屋企裝修亦都可以好快睇到出嚟之後個效果

睇片先知道點樣"小畫家 3D " ?

第三個想講既就係適合小朋友既新功能-實景檢視器 
除咗3D模型之外,依家有埋畫筆,配合埋實景檢視器加埋電腦上面既攝影機
,好簡單就可以將所畫嘅嘢呈現係呢個現實世界啦


細佬話嗰隻恐龍同哥哥喺度活動
哥哥就畫左架跑車出嚟現實世界啦
實景另一例子
可以好簡單將一個3D模型[心臟]展現出黎比其他學生
呢個比起教科書入面既心臟圖可以令學生有更深既印象
(仲可以切一半心臟"即場"睇埋入面既結構架)


第四個適合小朋友既功能-溫習功課

作為雙職父母,最好嘅功能我覺得可以攞嚟幫小學生跟下功課/默書 ! 
[當然Full time 媽媽自己面對面跟到當然最好啦]

有時小朋友"聲稱"自己做晒功課, 話100% 正確架啦~
由於家長返工無人檢查,
可以就叫工人姐姐就咁影一兩幅功課相,
之後可以設定大人同小朋友共用一本電子記事簿

真接將D練習功課寫係One-Note 入面

經過"Cloud" 雲端儲存系統,身在Office / 遠方既父母10秒已經可以睇到~

即時已經知道小朋友做啱/或者做錯都可以 !!
亦可以將所有補習Notes 分門別類架
默書既"圖"亦可轉化成"文字"
之後再[用電腦筆同小畫家]變做填充/Mock Test 亦可以


文迪媽媽有時都會煮下嘢食 ~
亦可以將D Recipe /筆記係記低係 One-Note


可以睇片/記錄步驟同埋Check list睇吓買咗未....etc




講返好多家長擔心嘅問題,
怕唔怕小朋友沉迷電腦??

網上面有好多遊戲/程式,一上左Internet 好似出左大海洋一樣好難控制,
但係我都覺得家長都要知道同確保有足夠監管!!


我地手提電話係用緊iPhone, 先講返Apple 蘋果系列嘅iPhone 或者iPad,
有個最大唔好處就係用同一個登入 Login 用緊同一個User Profile ~

即係咩??
即係Login 左父母見到嘅嘢同小朋友見到嘅App / Icon 係一樣嘅 !!
大家知有D App 程度, 小朋友係唔可以亂入
(大家唔好唸錯其他三級Apps, 我地講緊D Payment App / Email App)

而家Windows 10  加左家長監護功能 !!
可以用黎有效控制小朋友電腦使用既時間、
封鎖某D特定既程式。


咁就唔駛擔心小朋友沉迷上網淨係顧住用電腦 ~



國皇之家覺得監控功能最大既好處係可以知道小朋友嘅Account ,
究竟佢呢個星期係上網 ?? 搵嗰啲咩字/ Google keywords
同埋做大約做嗰啲乜嘢,有晒Report

[Last week's Highlights Report]
**不過開個監控之前必須徵求小朋友嘅同意**


家長監護功能特點仲可以Set 埋上網時間,
只可以五點鐘用到夜晚十點鐘,
(e.g. 17:00-22:00 )

甚至可以Set 只準用20分鐘做學校資料搜集,

Block "某部分"或者Block "全部"遊戲 程式亦可以~

咁小朋友就唔會顧住打機唔瞓覺啦Z_Z,
又或者夜晚靜雞雞起身睇Youtube 啦~
十點鐘部機就已經Login 唔到



為咗要控制得宜,防止小朋友沉迷
或者甚至連Login 都停用
唔想電腦"工具"變做你哋嘅"電子奶嘴"
嬲父母都冇辦法啦
你地嬲嬲豬都要㗎啦 !!




<用後感>
今次感覺最深刻既,

當然係Touch Screen 同超輕既重量!

自己覺得而家呢個係「人工智能」AI 電子嘅世代,

若果完全唔俾小朋友接觸電腦電子世界,真係比較難  !!

大家知唔知而家幼稚園都已經有E-learning /  e-homework,
E-通告/交學校費用 e-payment

下圖例子:K3 EVI 幼稚園功課

請搜集一些冬至應節食物的圖片,並貼於框內
     Please find some pictures of traditional foods at the Winter Solstice   and paste them below.

小學生亦愈來愈多功課要用電腦 ,常識/專題習作/資料搜集咩都有~



與其去限制小朋友咩都唔比佢點
不如學習好好點樣控制保護小朋友
唔好過量亦唔好連點用唔識
Guide 住佢地"一齊"行呢個e- 世代 !


有晒上面嘅Windows 10 適合小朋友既新功能

(3D 模型/溫習功課/ 家長監護功能)
大家唔駛一定要用,起碼大家知道Windows 10 有呢個功能
到時幫小朋友搵圖/資料搜查都識用(識用唔用當然亦係選擇)

咁就可以事半功倍啦 ~

若果想知道多啲Windows 10既全新功能
可以去呢個網站睇下

Microsoft黎緊係有個 Open workshop 比大家玩,
有興趣既朋友不妨去睇下:D
[費用全免]
日期:12月23日 (星期六)
時間: 2:00 – 3:00 pm
地址:奧海城2期地下 Microsoft Concept Store



沒有留言:

張貼留言