2017年7月26日 星期三

兒童護脊書包比較 (日本名牌Ransel vs 脊醫協會SPI vs LEGO vs 澳洲MILLTON護脊書包)


小朋友九月就開學

開學其中一樣最緊要既工具就係書包~

一個小學生/小朋友升小要自己揹一個有3-4KG既包, 

計埋書加茶點/水樽/興趣班既物品,

其實書包太重好容易令小朋友腰骨有傷害, 仲要有6年既小學生涯,

年既書只會越黎越重, 所以一個適合小朋友既護脊包係好緊要既

好多人暑假都係去日本/或者去網購訂買日本名牌既書包,

最多人買既就係下面呢隻日本 Ransel書包

<<日本 Ransel書包>>
(係日本小學生既「標誌」)

不過價錢都好名牌大約¥70000(約港幣$4500-$5000)

但係文迪媽媽建議大家 !! 書包唔係一味話貴就可以 !!

要啱用先得架 !! 
 Ransel書包賣點: 護頭/浮水/GPS功能



 人哋日本嗰啲書包係有"護頭"同"浮水"嘅功能
因為日本係地震帶,除時可能要走難 
人哋係攞嚟救命用~ 不過香港根本上都冇可能會用到
妳幾時聽過香港地震或者水浸..要拎住個書包要游水/走難??
(圖片來源)
有D人(特別係國內人士)有$就是任性
就係要買一個超"貴"書包比人知道...集隊時候一睇就知邊個係貴族啦~


最大問題: 對於香港既小學課程黎講 !!
問題係容量唔夠大<--日本邊有香港咁怪獸~
而且書包係硬皮,形狀都係固定,
真係就算無書書包都係咁大~
摺唔埋。上落校車/出街都會好麻煩,而且書包是翻蓋的,唔係拉鍊~
打開書包既時候,幅度要很大,
上堂拎書放書會有D唔方便~

另一牌子想講既就係 SPI 護脊書包 !!!

<<SPI 書包>>

SPI 價錢大約:450至800元



賣點:香港執業脊醫協會認可
(Chiropractic Doctors' Association of HongKong)
經過多次的臨床測試,證實了SPI護脊書包能有效地減低背部及脊椎因
長期承受沉重壓力而造成的永久性損害

先講下我哋"自己"換書包嘅歷程先
其實大家一聽到香港執業脊醫協會只推薦SPI
又係一定以為佢地又係最好...
其實佢地又好似推薦過Dr.Kong
當然後面"可能"又係一堆認可費/專家費問題~

(Click 下圖可放大~但不代表本人立場架..
只係搵到又想大家知道執業脊醫協會都係要食飯/要開支既)

SPI 書包問題: 偏重 !! 

上去都已經比其他人起碼重兩本書到三本書既重量 !!
(最少國皇之家屋企個SPI 係好重)
因為護脊功用要強.變相咪又加左好多野係書包入邊

國皇之家真實case 
其實我地之前都有無咩做過research, 因為Mancent哥哥係叩門入, 
過晒D正常簡介會, 所以買書既時候係永勝去, 見到香港執業脊醫協會都推薦SPI 
係又好心急買左個書包,因為係學校即日買書包有discount !!!
但到我放工既時候就發覺永勝揀既書包太重, 根本就唔啱一個6歲小朋友揹 !

[唔啱小一/小二學生SIZE]
而且小一生身型仲未夠高...一上身已經好似有個烏龜殻
再加埋茶點加水,未返到學校已經累一_一!
我地而家個SPI 仲放左係屋企櫃頂~
(有需要證明我地真係拎到個上年買SPI 既書包比大家睇..而家仲係未用過)

最後我就要去AEON/一田再買過一個超輕身D既LEGO 書包
出面好多媽媽會揀既輕身書包
<<LEGO 書包>> 賣點:輕身/公仔圖案多

價錢: $400-$600
(男孩子可以揀Lego 忍者系列 )

不過護脊功能就一般..
有D 媽媽話佢無..其實都有少少既,.睇返咪就係上圖既設計囉

而且用左一年已經爛爛地~
(左右兩邊既袋已經爛地..要補了)
所有我要係到提提大家, 唔好心急係學校到買書包, 
真係要做下research先.
(我地呢篇blog 都係參考)



咁點樣先係護脊/重量/功能上取得平衡??

(個人意見)
唔駛太貴-小朋友好易用"爛"加想轉款
唔駛太強護脊功能- 愈多護脊功能愈多配件愈重
要啱小朋友Size / 基本不要太重
小朋友方便拎物件/書本,有拉錬索帶最好,唔好揭蓋式
格數唔駛太多..可以分好D返學用品就OK
最重要係小朋友自己方便


今年Mancent 今年升小二,去完書展試用左澳洲出既MILLTON護脊書包


<< 澳洲MILLTON 書包>>

賣點: MILLTON係外國澳洲牌子
佢地書包既設計符合人體工程學的理念

(Ergonomic School Bag Design)
專係係為小朋友健康而設 / 重量~950g


價錢: $499-$549

我地真係有去書展比較過
重量一定輕過SPI ..

而且佢有特別拉帶
兩邊同上下都可以唔駛除書包既情況下將書包緊貼脊骨!!

我鍾意小朋友唔使放低書包, 向前拉一拉條帶
就可以將成個書包拉過去背脊嗰度


背部護脊結構再加埋內索帶、胸帶、腰帶,令書包緊貼小朋友身體。細佬都啱用架

細佬,就快升小學用呢個書包就唔使怕整親條腰骨啦~
雖然無LEGO Ninjago Nexo knights 咁卡通
恐龍同跑車圖案不過都啱男仔既
前袋可放食物盒
書包揭蓋內有拉鍊袋適合放雨擋或小雜物,如口罩、手巾仔、紙巾、膠布、等等



側邊仲有兩條索帶/可以方便擺水壺
小朋友之後一拉個書包相對縮小,
咁個小朋友望起上黎就唔會咁論盡.



書包內設計有超大嘅開合
可以方便擺大書帶圖書
上面再加多舊大物件,好似跆拳道衫同雞髀都仲得👍

(有D唔係頂開果D...好似SPI 係放唔到架)

中間兩條黑色既就係保護脊骨既雙軸護脊結構,
咁就唔怕因書包過重而寒背

我地都參考左上年既經驗~考慮到需要㩒污糟,所以選擇顏色時建議都揀深色。



選購書包小Tips
建議父母帶幾本書或者一舊重嘅野去試. 最快既方法就將自己個袋擺入去個書包度,
再比仔仔囡囡揹上身, 等佢 Feel 下咩感覺. 同埋咁先睇到邊 d 會 fit 佢囉.
因為有 d 要咩咗先見到唔貼背, 同埋有時亦都會試到擺咗野入去後,
先會發現條拉鍊唔好拉. etc.

當然..係買書包既時候最好買埋有無雨檔送埋/配埋


咁就唔駛到時再四圍搵
有時會無左Discount /優惠架~






仲有其他圖案架~





官網 www.MiLLton.com.au
Facebook: www.facebook.com/Kids-Funiture
(Kids Funiture 是澳洲MILLTON書包的亞洲區代理)
有興趣訂購MILLTON護脊書包🎒嘅朋友仔,
Whatsapp到6605 0401

不過大家最揀咩書包/護脊書包比仔仔囡囡好~
都要記住"貴"唔一定好...專家推介(包括KOL)都唔好盡信
最緊要係適合自己小朋友Size /身型/負擔能力~
再搵左幾個要點比大家~
由醫生講既(不限咩牌子)


脊醫協會選擇書包建議

「 香 港 執 業 脊 醫 協 會 ( CDAHK ) 」  選 擇 書 包 時 應  重 書 包 尺 碼 、 質 料 及 重 量 , 首 選 背 囊 式 書 包 , 因 為 最 能 將 重 量 平 均 分 散 在 身 體 各 部 位 。 並 要 注 意 以 下 5 點 :

1. 肩 帶 要 闊 : 可 以 減 低 書 包 對 膊 頭 造 成 的 壓 力 。

2. 備 有 胸 帶 及 腰 帶 : 令 書 包 更 貼 近 身 體 , 將 重 量 平 均 地 分 佈 在 脊 骨 及 盤 骨 上 , 有 效 地 固 定 書 包 位 置 , 防 止 書 包 搖 擺 不 定 , 令 脊 骨 加 添 壓 力 。

3. 背 部 軟 墊 : 減 少 書 本 與 背 部 的 磨 擦 , 有 坑 紋 的 軟 墊 更 有 助 散 熱 。

4. 書 包 內 固 定 帶 扣 : 令 書 本 更 貼 近 背 部 , 防 止 書 本 向 外 傾 斜 令 書 包 重 心 下 降 使 脊 骨 受 傷 。

5. 質 料 要 輕 : 如 尼 龍 、 PVC 膠 等 , 避 免 有 太 多 金 屬 拉 鏈 及 鐵 扣 。

沒有留言:

張貼留言