Adsense Script

2017年6月13日 星期二

兒童驗眼視力檢查比較- 卓健QHMS vs 政府健康院 ( 檢查假近視加眼科醫生詳細解釋)

眼睛係靈魂之窗!!
大家都知道香港既近視率係全世界最普遍既地方 !!

係香港好多小朋友/小學生都要戴眼鏡~


小朋友入面大部分都有近視問題(D就係散光或者遠視)
小朋友視力發展係0-8歲係黃金時期,早啲發現眼睛問題,長遠對佢哋嘅眼睛健康好重要!
其實3歲或以上嘅小朋友就做得檢查!

今次同左眼科醫生傾左成20分鐘....學到好多野
首先想講大家要多觀察小朋友既日常行為,例如
會唔會成日瞇起隻眼、單眼看東西、大力眨眼、捽眼或者側頭既病徵
去邊度視力檢查都好大家都快D帶小朋友去驗下眼 !!

Mancent Marcus 驗眼原因 ?


我地驗眼既第一個原因係MarcusB 既媽媽Group .
(或者其他升小一既Group入面)
D仔仔囡囡已經驗到有近視要帶眼鏡~

另一主要既原因係做父母既我地本身又係又有"近視"前科 ,
我同永勝都擔心佢地好快會有近視。

到時國皇之家一家四口都要戴眼鏡就慘喇!
D人會話去可以去政府健康院預約兒童驗眼視力檢查
不過佢地有下面既問題


政府健康院
其實Marcus 四歲就要返健康院檢查視力,不過我地無返 !!
之前哥哥四歲都有返健康院檢查視力,
但發覺要等一個鐘,檢查嘅時候就覺得好求其(過程如下)

收費: $0
預約: 2~3月時間
而且打返健康院視力檢查條hotline..係永遠打唔到
打左幾日都打唔到..

我地直頭親身上去先搵番預約既staff ~個期係2~3個月之後
驗得好....D心機等2-3個月都OK..
驗咩? 其實(政府)註冊視光師/視覺矯正師會比D字卡小朋友,
上面有E, M, N, V, H , Y, O .... 等等字母.
之後坐番去後面,拎住D小卡, 問你
上面也寫上V. H. Y.O 的字母 ..見唔見到呀??
之後再帶番副特別D既眼鏡,再問睇唔睇到D字卡呀~
再用電筒照兩照眼仔. 之後就又搵番D字母..
咁就話視力合格 !! ??? (會唔會簡單左D??)

其實視力測試可以係測遠視、近視、散光、色盲、色弱……
果次既視力測試全程唔過10分鐘!!!
同埋真係驗到有問題..好似近視、遠視咁..
係健康院都係"唔會"再詳細驗度數講番個度數妳聽 !!
會再refer 番妳出去驗~咁不如自己一早出去驗 !! 大家都唔好浪費大家時間 !



卓健旗下晏打臣醫生醫務所

今次去呢間做驗眼視力檢查
佢地有兩款套餐啱小朋友
一款係$580由視光師主理
另一款係$1,480由眼科專科醫生主理,會做埋電腦角膜掃描
我哋今次想check詳細啲所以揀咗下面個套餐

<<學童近視眼防治專科檢查>>
HK$1480 詳細資料
(呢個針對3-18 歲學童既全面眼科檢查)
診所地點︰晏打臣醫生醫務所∣中環皇后大道中30號娛樂行14

[係中環地鐵站一出既娛樂行]


大家可以先睇下影片先
卓健QHMS-兒童驗眼視力檢查簡介影片
(有埋醫生專業建議)


今日約,下星期已經有得睇..
今次兩兄弟都預約?卓健去檢查視力,點解哥哥今次七歲都要檢查?
就係因為之前四歲?時候檢查過,有幾十度"遠"視
之前視光師話小朋支有幾十度遠視係正常,大大下可能會冇?,
所以今次個個都順便做檢查。


最大既賣點係
卓健係有專門既眼科醫生,
而且初部嘅眼睛檢查係由一級視光師做 (視光師入面最高級嘅)!

 呢度全面檢查成個過程有90分鐘
我地兩個平時配眼鏡時,都會去驗埋眼,
從來都唔知道原來驗眼都可以咁仔細徹底~
D儀器我地都係第一次見 !!
去到果度已好放心!
仲有好多唔同嘅專業儀器輔助 (成個檢查連眼底,眼睛敏感,有無青光眼等等都檢查埋)
好似這個"儀器"..好似火影忍者入面既萬花筒寫輪眼??
其實Check下小朋友眼角膜有無問題
Package 入面有D??

          (i)  眼科專科醫生詳細問診
               (ii) 全面眼科視光檢查
遠近視力
屈光度數檢查
瞳孔反射
眼壓檢查
斜視、眼睛肌肉協調
色覺
立體感
•  裂隙鏡檢查
放大瞳孔眼底檢查
•  眼球健康
               (iii)電腦角膜掃描
              (iv) 眼科專科醫生詳細解釋近視眼防治方法

大家上嚟之前記得做好預約先啦!
開始全面眼科視光檢查啦~
呢個係驗眼球
驗眼壓檢查

細路仔Marcus覺得視力檢查好新鮮

仲好合作
又去到另一間房啦~
首先視光師會解釋比家長知道做嘅檢查有咩

再用儀器check視力
小朋友真係當玩咁

屈光度數檢查




色覺[邊隻顏色深色D呀]

Marcus 呢Part 答左幾次都答錯
斜視、眼睛肌肉協調


睇下有無色盲?


睇下眼球健唔健康先??

Marcus 又係嘗試分散視光師既注意力
之後呢位小朋友除左眼鏡偷睇~
3D眼鏡Check 立體感 =>呢個第一次見
到Mancent 哥哥喇!


滴眼藥水驗眼球底...
 由於D藥水有少少""~
其實兩兄弟都好合作架

因為要D藥水生效放大瞳孔眼底檢查
所以我地就坐低睇下書, 話俾佢地知道要點樣保護眼睛

視光師做完檢查,佢兩兄弟又攪攪陣

原來卓健呢度連太陽眼鏡都可以配架~


視光師檢查完,最後就要見最緊要既眼科醫生 Dr.Wong



所有結果都會再由眼科醫生 Dr.Wong 再次Confirm,同埋再做仔細啲嘅檢查

大家睇埋片.就會聽到由專業既眼科醫生詳細解釋小朋友應該點樣保護眼睛/視力發展啦~

最佳三大建議
1.控制閱讀時間:20分鐘休息5分鐘
2.增加多D户外活動
3.有充足既光線

若果驗到有近視又點算??
原來可以滴眼藥水減慢近視加深嘅速度,比起用矯視隱形眼鏡仲方便!


驗眼結果
最擔心既問題..Marcus 既 驗眼視力檢查係點?
檢查結果即時出咗,我同永勝都好開心呀!
因為兩兄弟都無近視呀!
而且亦無斜視/鬥雞眼/散光/Lazy Eye...

(檢查結果)
Marcus : 75度遠視
Mancent : 25度遠視
細佬有少少眼睛敏感
(醫生留意到Marcus 檢查既時候捽眼)

我記得Mancent哥哥4歳檢查既時侯都好似係有75度遠視,3年後已經減到25度,
聽返醫生解釋,咁細個小朋友有遠視係正常,如果咁細個無遠視,好快就有近視。


Dr.Wong 仲提大家...若果出面搵普通鋪頭驗.
無專業既儀器.....第一.有機會發現唔到眼底既問題~(青光眼...班點)
仲有機會驗到假近視!! ...
就會無啦啦要眼鏡

Yeah ...視力檢查PASS.見到小朋友身體健康~
媽咪仲開心呀~

呢條片就專業眼科醫生由同大家講解一下保護眼睛嘅方法影片
à可以由2:30時間開始睇     
https://youtu.be/CO55ZoEd6l8


溫馨提示 : 因為驗眼嘅時候要滴眼藥水驗眼底,
滴完眼藥水會令到雙眼會懵查查大概兩個鐘,
所以大家要揀一揀驗眼嘅時間,
唔好喺上興趣班之前同要做功課之前。

2 則留言:

  1. 人哋政府母嬰健康院4歲嘅免費Pre-school vision screening 都詳細寫咗會做啲咩篩查喇!用嚟同私家比錢做嘅Comprehensive Eye exam做比較。正正就係想比茶餐廳嘅價錢,但又想要五星酒店嘅食物質數囉!

    回覆刪除
    回覆
    1. 唔知妳有無咁既經驗? 專登幫小朋友請假/自己又請假..等左三個月之後終於有得驗眼.
      妳小朋友有近視(遠視)喎!! 問佢有咩問題?唔知.幾時可以再check 真D..唔知.去出面counter自已約啦..最快要三個月....到時有咩問題當然都係答唔知啦~
      我地上面既意思下,如期等政府健康院咁樣驗眼..負擔得起既家長不如自己比$出去驗..正正可以Free 返更多資源出黎比其他人.而且有問題既小朋友眼睛亦可以進一步/更快得到合適既處理,父母當然可以更加安心啦~

      刪除