Adsense Script

2017年5月10日 星期三

元朗PARK YOHO 「候花園」50萬呎私人濕地公園導賞團 x 豪華會所設施實地簡介

睇樓大家可能睇得多
睇上車盤大家有無試過睇到連濕地公園都有得睇??
今次睇樓地方特別在
有50萬呎私人濕地公園喺正屋企樓下!

除咗有12 萬呎會所...仲有大草地比小朋友玩,好啱鍾意大自然環境家庭


我哋真係好似大鄉里出城...未見過啲咁大型嘅樓盤 !!
嘩....下面個會所真係起到成個ClubMed 渡假村Feel 咁
攪到國皇之家好想換樓呀 ,呢度渡假休息返一兩日都好丫~

今日其實想介紹係位於新地錦田北大型住宅項目PARK YOHO發展項目,
YOHO TOWN可能大家聽過,不過大家應該未聽過呢個名

PARK YOHO
PARK YOHO 一期已經差不多入伙,想買都買唔到~ 成個發展項目分7期發展,由31座住宅組成,提供逾3,000伙,而PARK YOHO Venezia(峻巒1B期)及PARK YOHO Sicilia
(峻巒1C期)就今個月入伙收樓。而呢度最出名嘅就係佢地嘅保育區「候花園」!!


我地率先同大家介紹一下呢個50萬呎私人鹹淡水濕地公園啦~
「候花園」導賞團
呢度有超過180個自然物種,包括蜻蜓、蝴蝶及雀鳥 !


規劃發展PARK YOHO時,發展商專登設計成一個低密度嘅綠化生活空間

全個「候花園」濕地景色

盡量令到附近大自然環境融為一體,住宅可以同濕地成功結合, 
發展商仲好努力同保育專家合作,修復成為今日嘅『候花園』


仲可以喺觀賞湖慢慢觀賞濕地自然生態
呢度好多地方都會見到代表濕地保育"蜻蜓" 標誌

呢隻就係呢度好出名嘅瀕危物種「廣瀨妹蟌」,綽號「阿妹」或「四筒」。
==>廣瀨妹蟌嘅特徵為胸部背面有兩對蘋果綠色的斑點。

除咗蜻蜓仲有小白鷺/中華攀雀
平時好少見,一般棲息於近水的葦叢和柳、樺、闊葉嘅樹間


濕地入面仲設有多個固定望遠鏡,可以比小朋友/導賞團成員透過望遠鏡觀察

只要按下按鈕,仲可以即時聽到相關動物嘅叫聲。
仲有其他植物同花朵

呢隻蜻蜓唔知乜嘢學名, 好特別,開頭飛過嚟仲以為係蝴蝶..


食完飯落嚟慢慢散步都幾好喎


註: 住戶及其親友可近距離欣賞私人的濕地和珍貴的生態環境,
如果是非牟利團體想參觀,可以透過業委會申請。

保安方面,住戶要拍Card 先可以去自己住嘅樓層
保安同私穩度相當高
入伙嘅時候要認下邊個係妳嘅大廈經理

日後有啲咩事都可以搵返大廈經理

有研究話小朋友接觸得越多大自然
對佢嘅成長發展好有益處


(要多D比幼童親身用自己的眼、耳朵、手去感知新事物)

示範單位
就睇Marcus 帶大家360°度睇下首次曝光既特色單位.
[不過當然要過千萬啦]

(個人意見: 新鴻基嘅樓不嬲都算係四平八穩..而且亦都唔會有啲咩特別嘅露台技巧/奇則奇聞)

Marcus : 我都想住呢度啊 !!
(超過九成單位主人房有轉角窗或對流窗,盡享室外綠意景觀)

喺度曬下太陽...睇下書都OK喎


另外,有小朋友嘅我哋,最關心嘅就係會所  !!

我地再實地介紹一下啦~


 豪華會所設施實地簡介
呢度有雙會所Club COMO加Club GARDA

每間大屋採用唔同主題設計,全部都設有私家泳池架
當然有PlayHouse 啦~


仲有不同嘅工作坊
好似嚟緊母親節就可以以"成本價"
學整下面呢個裝飾啦




下面幾張相就係CLUB COMO 開放嘅「品萃獨立屋」

面積有成1,100方呎,住戶遲D仲可以同親友一齊享受入廚樂趣
文迪媽媽:我個廚房有咁大就好啦
喺度學煮野真係正呀 !! 飲杯嘢都好丫
呢個位仲可以透過落地玻璃睇好靚嘅日落



媽媽: Marcus 你做乜扮救生員 ?
Marcus : 曬下太陽

睇完室外泳池..再睇埋室內泳池
(25室內恆溫泳池)
唔講真係唔知呢度係會所嘅游泳池
仲以為去左酒店添




仲有全香港首次出現嘅水動健身室
(首創嘅水上單車健身)



做完運動...咁辛苦~
最後喺會所用餐區飲埋呢杯特飲
(有Staff 準備定啲特色飲品)
蜜糖特色飲品夠Fresh 夠清新 ~

蜜糖再加可食用花組成,真係好好飲啊

配合返個落地玻璃睇日落
落去會所歎咖啡扮偽文青呃Like 又得~

愛情其實是有時間性的,認識得太早或太遲,結果都是不行的。
生命必須有裂縫,陽光才能照進來。生命必須躺得夠低,才明白世間的美。–《樹,不在了》.陳文茜




之前講過呢度所有野大部份標誌都用"蜻蜓"做
工作坊都有呢啲蜻蜓手機繩比大家整~



實地簡介完..大家可能問..

價錢/樓價成交

大家以為好貴咩...睇過實際樓市成交數據又唔算貴..
當荃灣/市區一房都賣緊過千萬既時候...
四百萬都係住劏房
PARK YOHO D 上車盤單位
仲賣緊四百幾..五百萬

(有圖有真相)
呢度亦啱晒大家兩夫妻或者年青人

**大家亦都可以衡量返自己嘅承擔能力睇下能唔夠上到車啦 **

交通
呢度有提供小巴及巴士接駁西鐵元朗站行車時間約5-10分鐘,
有專前往皇崗口岸及九龍站ICC,行車時間分別約1321分鐘。

交通方面5分鐘好近錦上路,亦可以好快去皇崗口岸同福田關口

仲有接駁巴士去西鐵站
交通都算四通八達
我哋實地親身搭返接駁巴士需要~10分鐘



之後睇完樓我哋出咗去尖沙咀嘅打電話太平館食疏乎厘瑞士雞翼




感想
我哋自己都住新鴻基樓 ~
新鴻基發展啇不嬲無論係用料同管理方面都比較優勝
我哋有問過呢度嘅發展項目經理
管理費會唔會好貴架???佢地話其實同其他新嘅樓都係一樣
都係喺~$4樓下,私人濕地公園/「候花園」開支都係佔整體管理費約2至3%。

喜愛俾小朋友接觸大自然嘅父母呢個樓盤一定啱晒啦
若果大家有興趣參觀PARKYOHO私人濕地公園
記得八下有啲咩朋友住喺呢度
有「候花園」導賞團架~
遲D仲有單車團同行山團,住戶/小朋友同朋友隨時可享受元朗郊野運動樂趣架。



PARK YOHO 補充資料
區域:錦田北
期數的街道名稱及門牌號數:青山公路潭尾段18

賣方就期數指定的互聯網網站的網址:

沒有留言:

張貼留言