2016年10月23日 星期日

觀塘綫何文田站-車站特色/車站藝術/車站出入口/附近美食介紹

呢幾日Check in 大熱點,,梗係
港鐵既觀塘綫何文田站同黃埔站啦
國皇之家早上返完教會..已經係第一日去左何文田站參觀一下
新開既何文田站有咩特別???


車站特色

第一: 車站用左雙色設計,有綠有灰,係其他港鐵站都較少見。


第二:何文田站採用側式月台設計,即乘客如要乘搭相反方向的列車,要先經大堂,之後再轉到另一邊月台。<---咁都幾麻煩架 !!!
不過我地就搵唔到月台就有書法字設計

:何文田站為港鐵全港最大的轉車站 !! 

 車站共有八層結構..好高..好似打直起 !
高低落差達70米既何文田站



何文田站設有5個主要出口,分為2組政府出資近8.3億元委託港鐵興建多段共長1.2公里的行人天橋、有蓋行人通道及行人隧道,接駁何文田邨、愛民邨、漆咸道北及紅磡一帶。

何文田站位置圖

車站藝術

下面既資料黎開亦可以解釋比小朋友聽!!呢個亦係呢排假日親子好去處地方


在自然與城市之間

「何文田」這名字讓人聯想到“田野”,“田”是城市與自然之間的產物,相對於繁囂的鬧市,它更接近自然;相對於自然,它與城市的發展又不無關係。《在自然與城市之間》正正是由這個聯想引發出來的。在大自然瑰麗和諧的環境中,小動物的生命力生生不息,但又隱約看見鬧市和大廈的踪跡,在自然與城市之間,建構成一處理想的居所。
《在自然與城市之間》正正是由這個聯想引發出來的。在大自然瑰麗和諧的環境中,小動物的生命力生生不息,但又隱約看見鬧市和大廈的踪跡,在自然與城市之間,建構成一處理想的居所。

「蛙境」

「蛙托邦拱門」


青蛙是兩棲動物,蛻變萬化,生命力強而又活潑可愛。藝術家透過象徵友善與歡樂的青蛙,表達一種和諧共融的社區文化和氛圍。藝術家以「融和歡喜」為主題,將儒佛道的思想結合,並融合了水墨、書法及塗鴉等中國傳統藝術,展示具民俗色彩及現代感的青蛙形象。「蛙托邦拱門」表達對夢想中快樂國度 -「蛙托邦」的憧憬。四柱拱門延伸四方,為市民提供休憩及活動的開放式空間。「蛙境」結集了蛙兒的不同形象,構成獨特的牆上作品。


車站出入口
出口A1  佛光街仁風街、紅磡花園、入境事務處主任宿舍、萬高花園、理大學生宿舍(何文田)
出口A2  佛光街、何文田山畔、高山道公園高山劇場悅目
出口A3  忠義街、俊民苑、忠義街駕駛考試中心、何文田邨、何文田體育館、房屋委員會總部、賽馬會生命歷情體驗館、愛民邨、博愛醫院何文田中醫中心、聖公會聖三一堂中學香港公開大學、天鑄
出口B1  漆咸道北漆咸道北、愛培學校、昇御門、路政署工地及訓練中心、家維邨城中匯、俊暉華庭、法國國際學校世界殯儀館、蔚景樓、蕪湖街、怡富大廈
出口B2  忠孝街迦密中學公共運輸設施
最多人出應該就係佛光街..有OpenU/ 愛民邨
Mancent 同Marcus 第一日黎好開心呀~




不過我地第一日搭完..黎當參觀..玩下可以
若果日日返工返學..初步感覺係唔會推介 !! 


先比大家睇下各層資料先

U2南面出口通道忠孝街出口、公共運輸交匯處
U1北面出口通道仁風街出口、忠孝街出口、佛光街出口
L1南面出口通道漆咸道北出口、升降機往忠孝街出口
L2大堂客務中心、車站商店、洗手間
L3車站通道往返大堂及月台通道、機房設施
L4未來沙中綫月台往返大堂及觀塘綫月台
L6轉車大堂往返大堂及觀塘綫月台
L7側式月台
1號月台 觀塘綫往調景嶺
2號月台 觀塘綫往黃埔/落客月台
側式月台
大堂全景圖(L2層)(2016年10月)
轉車大堂全景圖(L6層)(2016年10月)


唔推介搭既原因???
1. 何文田站位置安排本身已經好唔"何文田"
唔知大家明唔明...即係遠離左何文田既中心!!
呢個已經係好大既缺點
例如我地要去房委會職員同樂會餐廳食飯又或者去OU

今日我地試搭,本身地鐵站由出地鐵車到步到出口距離遠, 
已經要上落6-7層.
咁o岩仲要D 升降機 Lift大排長龍 !! 最近選擇行樓梯.
第一段行左95 級( ~ 5 層屢)
之後出埋去A3出口 
我地行左超過200 級既樓梯 !!
行死左....似行山多過去搵地方食飯/去玩

出到黎..出口居然係未入伙兩萬蚊呎既豪宅區
四圍連比大家買水買飲品既地方都無
便利店??好抱歉..是無的
要既麻煩去返7層既樓下...行返200級樓梯落返去啦??



2. 地方全部不是點到點
何文田以長者居多,我地行當然可以當玩.不過日日行居民行得較辛苦,建議外區人去何文田..
不如好似平時咁..
小巴Van仔係旺角上..
點到點...係正何文田廣場落/公開大學/房署落 !
而搭港鐵就要又上又落..行成最少15分鐘先到~

相反由愛民邨商場出發去何文田站(上山),步返去往調景嶺方向既月台,都要總共用18分鐘

若果堅持要去搭地鐵..不如行落旺角/油麻地方向
同樣都係18分鐘..不過係落山.個人無咁辛苦之餘
落到旺角交通又方便/又多車選擇!
仲駛咩去何文田站?


不過最後, 有多個何文田站
點都好過無 !!! 起碼多一個選擇比大家 !!!
到時起碼落山去其他區都方便D
去旺角條路亦無咁塞車

大家有興趣都去搵一個星期帶小朋友黎體驗一下
又可以食下其他何文田既美食


1.正宗港式快餐店 大滿足漢堡
天馬快餐
地址:何文田愛民邨愛民商場G6C舖 (顯示地圖)
電話:2711 7760
營業時間:星期一至日: 09:00-21:00
推介美食
八十年代嘅港式快餐/ 德國熱狗/港式漢堡-Juicy又肉味濃郁嘅手打漢堡扒
圖片來源


2. 冬菇亭大排檔
地址:何文田忠孝街60號愛民邨熟食亭地下3-4號 (顯示地圖)
電話:2713 8406
營業時間:星期一至日:07:00-22:30
推介美食
點心、白粥、粉麵、碟頭飯價廉物美
圖片來源


3. 房委會職員同樂會餐廳
地址 :何文田香港房屋署總部第四座3樓 (顯示地圖)
電話:2335 9498
營業時間:星期一至日: 11:00-14:30;17:30-22:30 <---夜晚要訂位架
推介美食
芝麻蝦/烤羊架/新鮮掛爐燒鵝(皮脆肉多)
圖片來源



係香港,仲有其他假日親子好去處架..
之前都介紹過

長洲親子遊 x 長洲美食一覽

(甘永泰大粒魚蛋/冰滴咖啡/芒果糯米糍/冰鎮西瓜盅/新照記紅豆糕) 加海賊王張保仔洞探險





假日親子好去處: 愉景灣沙灘獵蛋奇兵Egghunt 掘蛋實況(加新假期影片)


M & M 九龍公園郊遊樂(兒童遊樂場+鳥湖+百鳥苑)


          天際 100 (SKY100) 360 度教小朋友認識香港


想知道其他親子假日好去處??

沒有留言:

張貼留言