唔好睇我哋平時成日吃喝玩樂

四圍去玩~

係早幾日復活節假期

我哋國皇之家同傻夫婦一家四口生活日誌

Athena and Joe 同埋大頭妹/小丸子

一齊去左幫青少年勉勵基金做義工

今次係「VSL趣味語文學習」工作坊

佢地請我去幫助一啲基層家庭學英文/學英文 Phonics

(其實都係一齊玩/一齊上堂)

地點係同根社 New Arrival Women League

大角咀一D工業大廈

由於地方所限，大家都睇到基本上呢個課室既設備都好簡陋

開始前我地聽左兒童心理學家呂畇俠既

點樣去學習兒童情緒管理

Marcus 同 Mancent 同好比機聽架

真係發覺好多人(包括我地)都係成日做錯左架

最特別係「少年最唔鍾意聽到既說話」

原來有啲呢我哋自己都有講嘅

少年人心中父母的十大最 like 的說話

1. 「考試唔好唔緊要，盡咗力就得喇！」

2. 「成績幾好喎，獎你一份禮物」

3. 「加你零用錢」

4. 「失敗唔緊要，最緊要唔好放棄」

5. 「夠唔夠錢駛」

6. 「我買嘢俾你」

7. 「我俾你去街」

8. 「真係有進步！」

9. 「你想亞媽/爸點同你慶祝生日」

10. 「唔錯喎，俾心機」

少年人心中父母的十大最 hurt 的說話

1. 「睇人地幾叻，你學吓人啦」

2. 「死蠢/無腦」

3. 「讀書又唔見你咁叻」<---我地都有講...仲加多句"玩你就叻"

4. 「咁多人死唔見你死」

5. 「衰嘢你就學足，好嘢唔見你學」

6. 「讀屎片」

7. 「駁嘴你就叻」

8. 粗口

9. 「大人講嘢幾時到你出聲」

10. 「PK 仔/女」

其實上高個point 都好重要....講多D正面既說話

小朋友咪積極D..

成日講D hurt 佢地既說話...咪影響緊佢地自信囉 !!

呂畇俠老師教我地，父母有時無心之失或緣於一時衝動的說
話，很可能會傷害到子女，若子女長期被責罵及被懷疑自己的能力，不但影響到
親子關係，更會打擊他們的自尊及信心、誤以為努力都無用。長遠而言，他們會
不願意新嘗試、自我評價低及變得退縮。

(下面我地仲搵多左"和諧家庭網站資料/調查報告" 再有多D資料)

仲我教咗我哋點樣幫小朋友表達唔開心嘅情緒

情緒詞𢑥

要比小朋友表達到有幾多個唔開心

好似要教好似溫度計....有十個嬲/四個唔開心

做父母當然要愛護小朋友

點樣培養小朋友樂觀嘅思想

Mancent 呢位小老師就幫左我哋去教其他基層小朋友嘅Phonic ,

剛剛開始時梗係交簡單嘅單音同埋聲母

（Phonic 當然唔係咁簡單！

要學其實要學兩三年，無可能一堂就完成）

哥哥/Marcus 細佬都有份出去做示範

仲有小丸子

所以之後會派發一啲Phonics嘅書

同埋發音CD比佢哋返屋企學

之後有其他義工哥哥姐姐跟進

最後同其他基層家庭一齊傾吓計分享下育兒心得學習心得

我哋當然唔係叫大家去教Phonics

最主要目的就係希望

Mancent Marcus 都知道當有能力既時候，要幫助其他人。

或者好似青少年勉勵基金- 幫助基層家庭或者附近身邊關心你

青少年勉勵基金︱

The Youth Encouragement Foundation

我們的社會很富裕，但同時有很多看不到的基層貧窮和不公義問題

所以我們要多關心社會、盡自己的能力和方法幫忙身邊人，
讓我們的社會變得美好、不論出身都可以快樂地生活。

https://www.facebook.com/yef.org/

和諧家庭網站資料---調查報告

Reference : http://cd1.edb.hkedcity.net/cd/mce/family/data/01_data_mostlikedandhurt.pdf
結果顯示 57.1%最喜歡聽到「考試唔好唔緊要，盡左力就得喇」
及「成績幾好喎，獎你一份禮物」最受歡迎。

此外，最多被訪少年感到最傷害的說話是「睇人地幾叻﹐你學地人啦」，

佔總被訪人數佔 56.3%。其次是涉及貶低能力的「死蠢」或「無腦」，以及不滿學業表現的「讀書又唔見你咁叻」

反映少年人不喜歡父母挑剔自己及與別人作比較。

協會建議家長與子女溝通應以鼓勵和讚賞替代貶低能力的說話，以免打擊子女的自信心，影響身心成長。

小學生看重父母對其學業之評價
香港青年協會家庭生活教育主任吳美雲指出，在小學生眼中的十大最喜愛說
話之首三項，依序是「成績幾好喎，獎你一份禮物」、「考試唔好唔緊要，盡?力
就得」及「失敗唔緊要，最緊要唔好放棄」，這均與學業表現有關，反映小學生
普遍面對學業壓力，亦很緊張父母對他們的學業的評價。
中學生期望父母體諒及渴求自由
另外，吳主任認為在中學生方面，首三項「十大最喜歡的說話」與小學生的
有少許分別︰中學生選取「夠唔夠錢駛」和「加你零用錢」為第二及三項，除反
映他們較著重物質的獎賞外，相信與青春期中的青少年期望父母能給予他們較多
自主權有關。而「你鍾意點就點」和「我俾你去街」這兩句只出現在中學生眼中
的「十大最喜歡說話」之列，進一步反映中學生有渴求個人空間的需要。

「最傷害性說話」中、小學生大致相同
至於「十大最傷害的說話」中，小學生與中學生共有八項相同。吳主任指出，
小學生選取的首三項與中學生選取的一﹑三﹑四項相同，即「死蠢／無腦」、「睇
人地幾叻，你學?人啦」及「讀書又唔見你咁叻」，這些比較、貶低能力及厭棄
的說話，多源於父母對子女某一方面的表現有不滿，便把該印象泛化為對子女整
體能力的判斷，然而子女往往很介懷父母這種以偏概全的思想，亦顯示出少年人
不喜歡父母挑剔自己、將自己和別人比較、在學業上的努力不被父母認同及期望
受到父母的尊重。

她建議父母要留意子女的進步和肯定他們所付出的努力，給予適當的鼓勵。

同時，也要控制自己的情緒，不要將自己的負面情緒向子女發洩。

香港基督教服務處以問卷的方式，訪問了 845 名小四至小六學生，

著他們寫下父母最傷害子女的說話，
結果有三成受訪者寫下「笨、蠢、無用、衰格、廢物」，兩成人寫下「叫你去死、趕你出街、打死你」，一成人寫下「你無腦架、無人有你咁衰格」等說話。

另外有兩成學生表示父母從沒有說過簡單如「唔該你」等的說話。

該處總協調主任梁李紫薇指出，父母經常向子女說恐嚇或羞辱的說話，會加劇雙方的磨擦，破壞親子關係，不但會為家庭暴力埋下伏線，而子女有樣學樣，

也會影響他們的人際關係。調查又發現，男孩和父母的關係比女孩差。梁李紫薇解釋，這是由於男孩子一般較為遲熟，情緒控制和語言表達能力均不及女孩子，

因此父母在教導他們時，可能需要更多耐性，引導其多表達自己。

梁李紫薇表示，接受訪問的六年級學生，比四年級學生更經常受到父母的責罵，

一方面是因為父母隨孩子年齡的增長，不斷提高對他們要求，

另一方面是因為子女要面對呈分試、升中等壓力，很容易因此而增加彼此的摩擦。

故她建議父母應多留意子女每個階段的需要，給予適當的鼓勵，令親子關係更見融洽。

==其他有關學習既blog==

....要贏在起跑線..都係不外係呢條equation

Playgroup->N班->K1->小學->中學

Marcus 上緊趣味認字Playgroup(準備面試)