2015年12月11日 星期五

平衡電子學習的好與壞 (與校長的一席話)

大家都知道Mancent 下一年就升上小學啦~

小學間間都有唔同既課程/特質

今日我地有機會以家長既身份..去到元朗參觀一間小學既電子學習情況

今日好犀利呀

一早八點 黎到元朗朗屏既博愛醫院歷屆總理聯誼會梁省德學校

有幸獲得一個校長同兩個副校三個主任接見~

仲入埋校長室見面...
[之前只有被老師罰先會去校長室]

問過校長點解要推行電子教學呢? (係咪間間小學中學都有)

其實成個電子教學計畫,係回應香港特區政府既第四個資訊科技教育策略,要學校
「發揮 IT潛能,釋放學習能量」,拓展電子學習社群。好似而家D學校會有WIFI 覆蓋,
呢排好hit 既big data「大數據」及「物聯網」「雲端運算」,亦都可以同黎推動「智慧校園」,外國已經好普遍...好似「教育雲」...用科技去幫助小朋友學習/老師教學~

香港起步已經好遲

係上年. Samsung 首次係香港推出
"三星智能教學體驗計劃(Samsung Smart School Citizenship Program)"


以先借後送既形式免費向67間中、小學及特殊學校派發30-40部平板、

Samsung School教學軟件等

而今次我參觀既梁省德學校,就係其中一間先行學校~


今日我地上呢堂係小學三年班既常識科

其實除左通識課之外
教育軟件仲有中文/英文/數學/科學/仲有音樂架

不同年班都有唔同既電子教材~

學生一聽到有得上通識課之餘仲可以用平板電腦

再加上可以走出課室四圍走...個個都好雀躍

原來而家上堂...可以用平板電腦既 S-PEN去寫字同繪畫

圖案..可以方便學生即時將思想唸法表達出來

再配合埋無線上網同 QR CODE,就可以將學習帶到課室以外進行
加強學生學習興趣
學校已經準備左一人一部平板電腦比學生上堂

今堂嘅學習目標係學習平面圖(下圖)
學下點樣用tablet 運用平面圖~

除此之外..仲要組隊..期間仲可以學習與人合作同溝通能力~

之前..老師只可以show 下係黑板...

老師: "各位同學...呢個就係我地既籃球場啦~"
有左呢個平板電腦+電子學習...就可以"數碼遊蹤"
用平板電腦既功能..尋找方向
個個小學生既表情全部都係笑架
大家準備出發 ~

我地睇下小學生電子學習既影片
(我地家長都好緊張)

youtube: https://youtu.be/ZmEJpAdUJ_g

一轉眼已經全部去晒操場

我地今次既目標呢就要用個平板數碼遊蹤

Software 會比一D提示小學生
分清楚東南西北之後就搵到個座標

好似其中一個座標就是說係要去花園



同學A : Yeah...搵到.

之後又要急急腳搵第二個..鬥快架 !!

原來軟件..老師有"監控亦都用左"時間"個Concept

有個計時器紀錄咗每組完成既時間

老師就可以了解學生學習進度..

分辨到快慢/邊組叻D.....返到課室就可以同慢D果組Followup 返啦~
同學B : 呢度呀....咪咁樣囉


由於要"鬥快"加組隊

好似<<Runing Man>> 變左 <<Running Student>>

我地家長見到既...起碼激發佢地一齊學、 一齊做既興奮

即使係唔係好明(學習能力較弱)既學生,都會學到野~

同學C: 走去用個相機功能走去識女仔定檢查牙齒??  
(呢位學生好有前途呀)


以前係課室學東南西北.邊有咁好玩架??

今次最大得著..係同校長一席話

同校長兩位副校長學生老師一齊傾下計

其實未黎之前...我自己/好多家長都擔心

電子學習帶黎既壞處


1. 好似話少接觸左正常書本冇乜書卷味,會影響手寫字體
2.亦都會睇壞眼,容易影響視力
3. 亦可能亦都會搞到佢無心向學,只係顧住玩平板電腦
4. 上網接觸到D不良資訊..好似色情/暴力

究竟實情係咪咁樣?

校長話其實電子學習基本上已經係一個大趨勢

唔同十幾年之前乜野都冇我地

而家係可以利用科技令到課程更加生動

校長同家長既責任..就係要拎到個平衡點

而家唔係叫大家一本書都唔帶返學..咩都e-learning

亦都唔比比左個平板電腦咩都唔理..自己走去玩手機~


最緊要係可以激發學生"自主學習"


永勝文迪覺得

好似話少接觸左正常書本冇乜書卷味?大家睇TSA 已經知
而家小學生既功課量已經係世界級 !!

日日抄寫/做功課已量已經好辛苦

有D做功課做到11-12點..已經大把"書卷味"
做完已經即刻想訓...做唔晒已經喊晒口~

個個都話D功課多到爆炸 !!

寫都寫到手軟?仲咩會影響手寫字體~

TSA 已經摧毀緊佢地對返學+做功課既興趣

想佢地主動學習...唯有用一D新方法刺激佢地

同埋而家每一部合智能平板電腦 ,

都可以安排一D過濾軟件

輕易就可以刪走晒D不良色情/暴力資訊

新世代要跳出舊有既框框就要靠電子學習 !!

因為網上面既資料無窮無盡..又新又快~

以通識科為例..最近邊位中國人拎左諾貝爾獎??

 (答案係屠呦呦)

歐洲難民事件既源頭係咩??

(答案逃離ISIS魔掌)

上面既答案..書本上一定無!

老師利用e-Learning

若果能夠提起小朋友自主學習

咁就比係薄薄既書內容充實得多


電子學習帶來既好處?

而家小朋友D書簿費為家長帶來左沉重既經濟負擔,書商年年都加價5%至6%,對中下階層來說,在現經濟環境下無疑是雪上加霜。若果引入免費既電子課本(供應商咩都提供晒比學校)
,就可以唔駛因為咩改版/改制而令到家長又買過晒D書
仲可令到書包輕D ~!

用左平板電腦入面相片同影片拍攝功能,應用係做Project/專題研習,學生就可以走出課室,係任何地方都可以進行資料搜集及紀錄,令學習過程更具效能及多樣化。
同時透過 WIFI Share/分享比其他同學仔/學習平台


其實多到寫唔晒~可能覺我地講既唔正確

又睇下下面記錄左一D由其他學校老師/學生寫出黎既好處/意見

(參考資料 :https://support-hk.samsung.com/smartschool/tc/e-learning-tips.aspx)

例子:英語是學生的第二語言,由於小學生的英文字庫不足,閱讀 英文書對學生而言是十分困難的,以傳統的紙本圖書進行閱讀未能吸引學生及提高他們的 興趣。嘗試讓學生利用平板電腦進行閱讀,老師與學生閱讀的同時,同學更可欣 賞動畫以配合故事內容,大大提升了他們的學習動機和專注度,積極參與課堂活動。

有些同學作有動作協調障礙,當中有手 部小肌肉協調有困難,因手部欠靈活,同學抄寫速度慢,雖用心寫字,但字體往往欠工整, 影響同學的學習信心。本校在內聯網設討論區讓同學對時事進行討論,同學運用平板電腦 的手寫功能輸入文字,操作簡易,即使小手肌不協調的同學也輕易輸入文字,發表意見, 讓他們能有信心地參與討論,也提升了他們的學習動機。

透過 share screen 功能將英語故事及討論問題發送至學生的 tablet。 使用 poll and quiz 讓學生先推測 故事人物的想法,學生再分組討論,並把推測過程及小組成員的想法寫在 white board 上。 老師利用 student monitoring 即時投影出學生 white board 畫面,以 private lesson 作即時回 饋,準確提供個人化的學習協助,亦有利全班學習。

上面只係其中一少部分...大家有時間都可以click 去參考資料睇多D




感想
最後...電子學習唔係咩洪水猛獸...隨住科技既發達/電子書同埋Apps 程式既成熟...

基本上e-learning 已經好難避免~

個個都用Google map ,上網交功課...搵資料..教育雲


試下大家一日由朝到晚..都唔開WIFI/手機/電腦...只係依靠睇書/報紙既新聞?


而家連小學出既考試題目..D bonus 分有D都係要靠上網搵資料先可以加分~


大家父母/老師都咁聰明...應該一D都唔難出去解決電子學習帶來既壞處 ...... 



感謝Samsung 邀請安排比我地有機會認識電子學習的好處,可以同校長/學生一齊傾計


係呢段時間...永勝文迪覺得自己都要繼續學習/好好學習..


去應付呢十幾年既新生e-世代 !!




其他學習成長blog





升小學大作戰咩都要識?咩原因上面試班?

(分享面試班學到D咩/家長面試題目參考答案)



沒有留言:

張貼留言