2014年3月10日 星期一

幼稚園面試Round 11- YWCA 幼兒學校面試模式(面試考d咩)


上一篇幼稚園 blog 講左Marcus 終於有N班收

幼稚園面試Round 10 -終於有幼稚園收細佬仔(信件範本/Samle Letter)


今次都係唔知係咪真係 Round 11 interview 

已經抱住輕輕鬆鬆鄧梓峰既心態去面考試~

不過其實in 得多,對Marcus 又好對我地又好架 

當上interview 面試班囉 !!




同埋好多時我地面試完畢..好多時都去出下街..順便親子一下

[留低Mancent 哥哥係屋企..慘]


點解揀呢間YWCA 幼兒學校??

個個媽咪報幼稚園都有特別既原因~我地又分享一下

1..開頭第一次認識呢間幼稚園就係因為萬寧妹妹 !!


講幼稚園又關萬寧妹妹事??...

係呀...因為係Mancent 仲係好細個時候..因為海洋公園有blogger event ..



當時mancent 好似都係得兩歲..


當然要問下其他有經驗既親子blogger 啦~




知道原來允祈就係係YWCA 紹邦幼兒學校讀架!!!

大家估唔到呢..!! .佢細細個已經好Cute 架啦~


佢地既reference: 在紹邦幼兒學校就讀感恩, 因為她遇上好老師. 老師愛孩子. 孩子返到家不時提起老師. 還有, 我不知究竟老師用了什麼方法.  小允祈回家後, 會自動先做功課, 并且主動求問和重温所學.  我們就知道小允祈喜歡在紹邦幼兒學校就讀,

當時真係唔知原來而家d幼稚園 Pre-N 班咁難考架

[當時哥哥都仲係BB 仔]


原因2. 因為永勝有個大學同學既女女讀緊,對呢間學校讚不絕口~
 功課唔多,唔會太難,家長小朋友都relax, 學生亦唔多,個個老師可以俾多d 時間小朋友
因為N班全日...訓練自理能力超好!!




原因3. 老師關愛小朋友加有愛心...一年番足好似11個月(連暑假都唔駛煩報咩興趣班)...

又有YMCA 安排既興趣班...加K1 ~ k3 有學卷... 

N 班黎講可以係咁多間YMCA 既分校黎講都最好 !! 


原因4.YWCA 設計番自己既課程....亦有YWCA書本作為教科書

原因5 .因為呢度有個好大既Open Area


不過有個好大既缺點 !!!
上網唔知...去到實地面試先知 !!

就係係正YWCA 幼稚園學校隔離...有個好大既地盤做緊起樓工程


Google map 睇到都有地盤工程..不過實際睇好似大2-3 陪~

即係咩.....黎緊2014 年9月要番學既時候....一定會有工程.

多左危險性/多左好多嘈音/多左好多灰塵 [一樓之隔]


不過地盤工程對鍾意既呢間幼稚園Open Area 一定有影響 ~

[大家其實對心儀既幼稚園最好實地考察一下]

MARCUS :好出發 !!! 





不過原來未夠鐘..要夠鐘先入得

係出面Hea 下先啦~



Marcus 同爸爸又係父子裝 !!




YWCA 紹邦幼兒學校面試模式(面試考d咩)

1.先係未入去.要係呢度玩成半個鐘...因為上一組(分組interview) 未完成..要等
Marcus 已經係呢度已經玩到有D唔耐煩~


2. 入到去....都係同同媽咪傾偈..

:::::問題::::
點解要來讀 ??? 
係邊度得知有呢間學校

<---又係好彩有溫書

3.:::: 面試模式:::::::

都係同小朋友玩。問下有咩唔食有冇敏感之類。
講下小朋友有咩性格

呢Part 無問題..其實梗係答咩都無特別..

 考小朋友疊高高/積木
牙刷加做牙動作

呢Part 都無問題


之後要認圖畫( 貓/狗/車)<--呢Part 都無問題

拎唔同形狀積木比老師<--唔識

推番波波比老師<<--識...不過唔肯做 !!


最後好似要唱遊..聽歌做動作<-----Marcus 企左係度無咩反應 !!!

全程都係廿十幾分鐘,Marcus 最後走都有講Bye Bye....


不過最後更新:

呢間真頭Reject. 連Waiting 都無


失敗原因: (當比自己做一個紀錄..下年考K1 自己留意)


最大同其他N班佢地好似係會收左佢地自己PLAYGROUP學生先


由於好似得60個位....Playgroup 上N班已經留左30% (20位)

再加埋有哥哥姐姐係入面讀緊N班, K1-K3果D...已經又無20% ( 最少都十個位)

之後有位剩再比其他公開申請

同其他大B係唱遊個Part..
失晒分 !!

好似"Turn a round/Clap your hand" 呢D動作要train 下

不過黎到呢個階段..好多都有晒offer.../in 晒....等5月大執位啦

下星期3月15日仲有劍嗚幼稚園 N班  (細B比大B in 後一兩個星期既)!!


Marcus 又要加油啦~He he...

(未有offer 既...請去龍寶寶/蛇寶
 group 留意一下......有幾他媽咪應該收到我既Facebook PM仲有邊間而家仲可以報既)


希望大家都搵到心議學校喇~

(不過我自己今年未搵到)

其他blog








幼稚園面試Round 10 -終於有幼稚園收細佬仔(下午轉上午班信 英文版)

2014-2015 仲有學卷既幼稚園名單+K1 幾時要申請學劵? (5月31日前)

選playgroup 六大疑問

幼稚園貴族化-一條龍幼稚園遊學圑

龍B幼稚園面試 Round 8-分享迦南幼稚園N班面試問題+考d咩
幼稚園面試Round 7-準備基督教中心幼稚園面試(考D咩?)
2014-2015 幼稚園入學準備 - 分享啟思面試模式(2013年)加準備功課
2013年全港首200間最貴幼稚園學費收費排名
國皇的婚禮: 2014-2015幼稚園入學準備-Round 5 幼稚園N班報名交表Tips
國皇的婚禮: 2014-2015幼稚園入學準備-Round 4 全香港幼兒園N班排名



學校簡介

香港基督教女青年會早於一九四八年於九龍元州街開設全港第一間幼兒園(前稱葛慕蓮托兒所),為雙職父母解決照顧及教育幼兒問題,其後幼兒園搬往又一村自置會所繼續服務,於一九九八年又一村會所拆卸重建,至二零零三年四月中再投入服務,命名為紹邦幼兒園,又因教育統籌局於二零零五年九月實施協調學前服務措施,本校更名為紹邦幼兒學校。與此同時,本會幼兒服務迅速發展,現有九間幼兒學校和一間幼稚園,遍及港九新界為家長提供優質的幼兒服務。

辦學宗旨

本基督之精神和愛心,培養兒童德、智、體、群、美、靈全面性發展。

辦學目標

一、為孩子提供多元化的學習經驗,以促進其學習興趣並鞏固所學,發揮主動學習精神;建立自我管理能力,
       善於與人溝通合作;培育孩子的探究精神及面對困難的適應能力;引導孩子從小認識聖經真理,學會愛上
       帝、愛人和愛惜自己。讓孩子獲得持續學習的能力,為豐盛的人生作準備。

二、關懷孩子的家庭需要,與家長建立緊密的夥伴關係,攜手培育幼兒健康成長。                     
三、栽培教師專業發展,關顧教師身心健康及其對幼兒教育的熱愛。 

服務類別

全日班、暫託(遊戲小組)、融合服務

名    額

全日班80名(其中6名為融合組學生,由社會福利署中央轉介組轉介)
暫託每組10名,共 5組(以遊戲小組形式進行)

服務對象

全日班(2-3歲幼兒中心組別,3-6歲幼稚園組別)
遊戲小組(1-2歲幼兒及其家長或照顧者)<---預做一年報..又係報左都無咩回音


服務時間

星期一至五  上午8:00-下午6:00
星期六    上午8:00-下午1:00




環境及設備

本校環境優美,地方寬敞,自然光線充足。設有室內、室外體能活動場地、音樂及舞蹈室、感官室、自然教育徑。課室均設有幻想角、玩具角、圖工角、學習角及各類配合幼兒興趣及發展的設備。

 環境及設備

本校環境優美,地方寬敞,自然光線充足。設有室內、室外體能活動場地、音樂及舞蹈室、感官室、自然教育徑。課室均設有幻想角、玩具角、圖工角、學習角及各類配合幼兒興趣及發展的設備。


沒有留言:

張貼留言