2013年7月18日 星期四

暑假去邊好?Mega Box MegaIce 學溜冰


首先要多謝MEGA BOX既邀請, Mancent第一次溜冰呀!

今次連Marcus 咁細個仔都有份溜冰~

Marcus 仲成為全場最細...但係溜得最快既一個.....(唔駛一分鐘就溜左一個圈)



想知道教練點教Mancent and Marcus...大家快D click D Video 黎睇 !!



今次係一個好難得既體驗呀~

[自己都可以係屋企train 下小朋友先..快D上手]


未出發前..我地梗係醫飽左個肚先~

第一站我地去左Megobox 稻香飲茶, 大家睇唔睇到d蒸籠好特別架!係殖膠黎架!五顏六色真係好靚呀!


我地個日仲有芝士餅一家, 本來細佬仔無事架,唔知點解無lala喊喎?







































Mancent就一個人係度自娛, 係咁問我幾時去溜冰,個朝起碼問左我10次有多呀!


係度練習緊?



飲完茶食飽飽就出發去溜冰喇!係去溜冰之前已經搵定d片俾Mancent睇, 咩係溜冰, 因為驚佢去到睇到會驚唔去溜, 所以都係做定心理輔導好D

提一提大家:
若果想帶小朋友學溜冰..最好準備定下面既野...

1. 一對手套  (保護雙手,跌落地既時候無咁易比溜冰鞋整親..果塊刀片好利架)
2. 著定長褲  (預左小朋友實跌落地..跌落地實濕....有冰都無咁凍)

3. 一套更換衫褲  (玩完走既時候唔駛濕住走..因為一定/一定濕..)
4. 當然要著厚襪加更換..小朋友有D野保護隻腳..去就由此出汗...順便換埋

咩都無..最後小朋友濕晒走好慘架啦~

MegaIce既溜冰場佔地26米乘57米,是香港最大,也是唯一符合國際標準的溜冰場。
在溜冰場旁邊的30米高落地大玻璃窗可飽覽維多利亞港的景色,我們是香港首個能舉辦符合奧運規格及國際性比賽的場地。 優良的設施能進一步推廣香港舉辦冰上運動的機會。 我們的目標是為香港舉辦具國際水平的溜冰比賽,例如亞洲花式溜冰錦標賽及亞洲短道速滑錦標賽等。溜冰場的多用途設計可以舉行表演、音樂會、展覽會、公眾或私人活動、生日聚會等。



終於都落到去溜冰埸附近喇! Mancent已經超級興奮喇!




去到第一件事就更係换鞋啦!




Marcus無得溜冰就更係去識下女仔啦!

Marcus : PaPa, 你睇我好勁...

姐姐:BB ..好似無你咁細既溜冰鞋wor..




跟住就到哥哥試鞋喇!

N年之前邊有呢部"試鞋"器架...

[好似要著大一個碼]




呢度仲有敎你著鞋既步驟(Steps to wearning skates)







敎綀未到, 我同永勝就更係帶Mancent落去感受下溜冰先啦!

提外話 : 話說文迪我以前(即係十幾年前)都有溜過下冰,

但係個日因為十幾年無溜過, 一落到去真係好驚同唔敢溜, 係永勝想將Mancent交俾我

佢去影相既時候,


我係敢話唔好呀唔好呀!  係咁"推"番個仔比唔係好識溜冰既爸爸


我好驚呀! 就係敢永勝就話我衰喇!


我諗返都真係好衰既!個仔都唔理




教綀出場喇! Mancent都好有心機聽教綀講解架!


唔好睇先教Mancent 既呢位哥哥...
教綀 Harry哥哥一落冰場....露兩手已經引左很多人注意,

原來佢是2012/2013 Asian Junior Figure Skating Challenge Championship!

[證明Megaice 好多高手係度]





敎練哥哥好勁架!  佢話俾我知佢3歲就已經開始學溜冰..仲細個Mancent

[小朋友聽指令就ok ..可以學啦]



教綀 Harry哥哥就拖住Mancent溜冰, 我就係隔離睇住佢,等Mancent唔好洩洩

[順便懷念一下之前溜冰既感覺]

唔知大家有無睇個木村拓哉 Pride <冰之驕子>??果時木村勁型 !!!


Mancent 都有D似佢架.. [衫既顏色咋......] 





個日Mancent講得最多就係"又跌既?"

真係俾佢笑死呀!  但係佢又跌得好開心喎!


"又跌既?" [小朋友當跌都係玩既一種]




開始既時候....有教練帶住..比Mancent feel 行用呢D輔助器行路既感覺先







教練提小朋友既重點:千奇唔好重心放後面..
要扑...都要向前仆
開 V 字腳向前行..左右左
右..一步一步

[小朋友反而唔驚..反而係太心急]

睇下D片...Mancent 玩幾開心...都好叻仔...一D都唔驚..

要比十個叻加讚你呀~








Megaice 開放時間:
http://www.megaice.com.hk/index.php/ct/opening-hour







熱完身..


跟住教綀 Harry哥哥同Phyllis姐姐就教Mancent同芝士餅跌低左要點樣起身



右手右腳 ( or 左手腳) 一邊 ready 好..之後雙手扶住"失頭哥"



跌低點樣起返身架!真係好有用架!

大家下次去Mega Ice溜冰記得train 下先喇! 若果唔係好易整親隻手

正確起位步驟(Correct Steps to Skarting Up)




基本野教完....下一個steps ...教綀 Harry哥哥同Phyllis姐姐就同佢地2個玩d小遊戲





要自己溜幾步啦~

你地睇下佢2個玩得幾開心




同教綀 Harry哥哥同Phyllis姐姐影張相先, 教綀都話佢地2個叻叻呀!




話口未完....一影完張相2個就跌低喇! 哎呀 ~



細佬仔梗係唔執輸影返2張相啦!

Marcus : 無得玩影張相好過無啦!




Marcus: Harry 哥哥...雖然你係溜冰冠軍..不過係抱抱到走晒光..個肚仔有D涼喎~




芷青姐姐就抱得好好多啦~




仲抱住Marcus 四圍溜左一圈....教練姐姐仲玩左幾下花式轉圈架~





[去片]

Marcus 係全場最細...但係溜得最快既一個~ 












MegaIce 花式溜冰-星級教練
唔講大家唔知..原本芷青姐姐同Harry 哥哥係兩姊弟黎架
睇下又有少少似樣wor...

佢地既威水史~





佢地仲有份係冰上婚禮表演架~

MegaBox首創冰上婚禮
http://hk.apple.nextmedia.com/news/art/20100329/13872151

佢地都有寫blog架~ 
花式溜冰-星級教練 :Phyllis & Harry
[又睇片]

2013 MegaBox Wedding Performance @ White Valentine's Day
p.s 台上一分鐘~台下十年功!



大家暑假想幫小朋友學溜冰..快D去MegaBox 既MegaIce 搵佢地啦~


仲有Part2 :[仲寫緊]
暑假去邊好?Mega Box PlayHouse
7月12日先重開番架..大左好多~
to be con't....


6 則留言:

  1. 學溜冰...fun!!!
    [版主回覆07/24/2013 10:10:02]係架..小朋友學溜冰都幾攪笑~

    回覆刪除
  2. 星期六去play house要$150,值得嗎?
    [版主回覆07/26/2013 14:19:20]可以放玩放足三四個鐘..我覺得OK 值 wor..

    回覆刪除
  3. 係呀!我的小朋友7&9歲,適合嗎? 會唔會太低b?
    [版主回覆07/26/2013 15:40:40]小朋友7&9歲更o岩玩~
    果度有Sir 滑梯...大朋友先o岩玩

    回覆刪除
  4. 謝謝你的回覆
    請問入面有冇射波波玩?與黃埔冒險樂園波波池相比,邊度大d及好玩d?
    [版主回覆07/26/2013 17:50:31]射波波..好似無...
    黃埔冒險樂園波波池大D..

    不過有其他野玩~
    可以呢度睇埋D相
    http://blog.yahoo.com/mandyvincent/articles/1421941

    回覆刪除
  5. 有類似台灣的baby boss??

    回覆刪除
  6. 唔該你呀!今日同我的小朋友去,由上午十時半玩到晚上七時半,中間一小時午餐時間,真係值門票價,仲耐過返工,超累!

    回覆刪除