Adsense Script

2012年12月18日 星期二

Mancent 明天又去interview -宣道幼稚園

明天又去interview -宣道幼稚園(半龍校)

準備下先....同埋上年係問呢d 問題..同大家分享下~

明天interview 完布有時間再update 一下


下面係2011 年既interview.

--2012-Dec-21 面試完(後加)--
2012-Dec-20 interview 即係今年未得閒寫...
不過一定淺過上一年..Mancent 居然好合作地
條都有答老師...有d機會喎~
==============================================

In我地老師就唔多問家長野,只問我地平時邊個照顧小朋友同埋點知道宣道,但問小朋友就勁多問題,

1.
問我個女叫咩名?

2.
問邊個同佢嚟?

3.
邊個係爸爸、媽媽

4.
講出布公仔上的眼耳口鼻

5.
問圖書入面所有動物名稱?

6.
d生果佢切,然後問生果名?

7.
再問所有生果顏色?

 ---------------------------------------------------


我哋今日in 10.00a m,亞仔離奇今朝心情靚,排隊入課室嗰陣周圍撩啲老師講嘢,啲老師以為佢好掂,但一入到課室又怕怕羞羞唔好意思咁陰陰咀望任老師笑。

一入到去亞仔比枱上面架巴士吸引住,金精火眼咁望實,仲好唔客氣咁同老師講:「我想玩巴士呀!」,老師答:「好呀! 等我問咗你幾個問題先啦! (1) 你叫咩名? (2) 你幾多歲 (3) 指住我問係邊個? (4) 爸爸喺邊度? (5) 識唔識唱歌? 亞仔答:「識」,老師:「咁你唱首歌嚟聽吓」,亞仔答:「我唔唱!」,老師問:「點解唔唱呀? 怕羞呀?」,亞仔答:「係!

跟住餘下嘅時間就淨係將架巴士推嚟推去。好出奇,宣道同之前in嗰啲幼稚園有啲唔同,佢冇任何圖片或積木之類嘅嘢要我個仔玩,淨係問咗佢幾條問題,但原來in宣道要唱歌我真係唔知嫁之前。

最後老師準備送禮物(陀螺仔)比亞仔嘅時候,亞仔"目及"到老師有架的士,又同老師講想玩的士,老師話:「你都唔肯唱歌冇得玩的士喎!」,我同亞仔講:「咁你唱首聖誕歌比老師聽啦,你啱啱學識咗,咁你就可以玩的士嫁喇!」,跟住亞仔搖頭擺尾咁唱:「We wish you a merry
christmas...!
only唱咗一句咋! =.='' 老師話由於亞仔唱得一句,只比佢玩10聲,數完10聲之後老師就搶番嚕~ 亞仔仲呆呆滯滯咁,拎完禮物,講完多謝(要我提啦當然),好自動就講拜拜再拍埋櫈就轉身走嚕。


我一邊拖亞仔走,亞仔一邊「回首」,好似好唔捨得咁,我問亞仔:「做咩呀? 好唔捨得呀?」,老師竟然好大聲咁話:「唔捨得嘅就下次再玩耐啲啦!」,佢一句說話令我心存希望 >.<'' ! 係我諗得太多喇..........

我唔知其餘嗰2(定唔知3)in嘅嘢係咪一樣? 但總覺得因為我個仔根本冇機會所以都唔in咁多嘢? 但個老師無啦啦又彈句咁嘅嘢....(我老公都叫我咪咁大諗頭喎,一句說話唔代表啲乜喎)

我老公有個同事上年都有in宣道,佢話宣道比佢哋嘅感覺好難in,但我今日自己親身經歷覺得,york啲題目仲深,又鬼死咁多要求要完成...定係宣道真係冇希望呢...?

有冇人都in咗呀? 係咪都係咁簡單呀?


  ---------------------------------------------------


 


我個囡囡就係21號下午3:00in,問題如下:

1.你叫咩名?你係男仔定係女仔?


2.邊個同你黎學校架?


3.識唔識唱歌?


4.比現具佢選擇,囡囡選擇左積木,然後問佢顏色,都問左有7-8個顏色,然後將積木放回籃子.


5.然後問家長,平時邊個照顧小朋友?


6.家長有咩問題想問呢?

不過老師有讚我個小朋友講野幾叻,有無返N1playgroup,我答無返N1,不過星期六有返playgroup,我同佢一齊上.
希望幫到未in既家長


 


我個囡囡21日下午3:00in,問題如下:

1.
你叫咩名?男仔定女仔?

2.
邊個同你來學校?

3.
識唔識唱歌?

4.
叫小朋友選擇玩具,然後問顏色,都有問7-8種顏色,因為我囡囡選擇左積木.

5.
平時邊個照顧小朋友?

6.
家長有咩問題想問?



小係一間好傳統的小學,小兒剛入小一, 今年個班就有成42人, 相比依家好多學校就算津校都行小班, 呢個係一個唔係甘好的地方。

論功課量以小一來說不算多, 和一些朋友比較,有的讀名校, 有的讀津校,  宣小功課不算多(以小一計), 每日都有中英數, 量時多時少, 小兒一個小時內都可完成。

學校無分精英班, 相信在面試時學校已選了一些他們認為合適的學生來讀。入了來讀,學校對學生是有要求的, 不論品行和學業上。而且亦對家長有要求, 你看看宣小的升中成績, 如果大家都沒有要求, 又怎會keep到呢個升中成績呢!

順帶一提, 宣小的一個特色是很注重音樂, 每個學生都要學樂器。所以分配時間方面要做得好些。




宣道幼稚園 vs 培正小學幼稚園
宣道仲好過培正?
=================
【明報專訊】Yeu Ng問﹕宣道幼稚園與培正小學幼稚園均取錄了我的女兒,請問我應該選擇哪間呢?

答﹕兩間幼稚園均有小學部,而且兩間學校都不錯;如果想女兒愉快學習,可考慮培正;
如果想她成績好,可選宣道,不過孩子一定要勤力。
■報學校有否限地區?

Wincy問﹕本人居於大角嘴,女兒於09年3月出生,請問1)大角嘴有什麼好的幼稚園;2)如女兒入讀某幼稚園的N1,到3歲時,可以轉往心儀幼稚園的K1嗎;3)小女現已參加playgroup,外面的playgroup跟幼稚園的playgroup,有什麼分別呢;4)如報讀幼稚園/幼兒園,是否必須要在自己住所的區域;5)如想入讀民生幼稚園的話,是否要報讀它的playgroup呢;6)如不讀N班,playgroup可取代嗎?

答﹕1)大角嘴屬油尖旺區,可考慮明我幼稚園(奧運校)、迦南幼稚園(富榮花園)、德信幼稚園;2)讀完N1後轉到別校念K1應沒問題;3)前者的playgroup要父母一起參與,而幼稚園辦的playgroup,部分並不容許父母一同參加,前者重點學與人相處、學玩,後者學知識多過玩耍;4)不需要;5)如該校有提供的話,便可考慮;6)playgroup也並非必要。
■揀幼園要考慮升學?

問﹕我的女兒09年9月出生,家住太子,我想讓她入讀N1,但沒有心水,是否現在選擇幼稚園時,就要考慮到將來升小學及中學?

答﹕基本上全港適齡兒童都可選報官立及津貼小學、中學,不一定要讀N1;如果你要考慮將來升小學、中學的選擇,那麼當然會局限了你在幼稚園的選擇了。
■嘉德麗注重均衡發展

芬芬問﹕兒子於08年6月出生,打算明年入讀N1。家住沙田第一城,嘉德麗中英文幼稚園及小時候幼稚園已取錄小兒,哪間比較好呢?

答﹕如果必定要選一間,可考慮嘉德麗,此校注重均衡發展,口碑甚佳,「先求人格,後求卓越」之理念甚有意思。
■聖心可直升中小學

黃太問﹕聖心幼稚園及禾輋救世軍幼兒園皆取錄了兒子,聽聞前者的教學法傳統,後者使用蒙特梭利教學法。若想升讀區內較好的小學及中學,哪間幼稚園有較大的機會?

答﹕若想升讀區內較好小學及中學,似乎聖心適合些,因讀聖心有機會直升其小學、中學,救世軍則沒有。

沒有留言:

張貼留言