2012年9月27日 星期四

Marcus 出世篇

Marcus BB 出左生世啦!

18/09/2012 (38W1D)

08:00

一早就去左QE既急症做登記,幫我登記既職員原來是我讀書時識既自修室朋友喎,本來我不記得他了,佢主動「相認」後,我便記得起佢.......

09:00

之後就去左C4病房,換好衫就有姑娘安排做「胎心聲監測」30分鐘,將部機放係肚上,然後FEEL到BB郁就按制一下!!

做完之後就等醫生到,犎我做完檢查後,話仲子宮頸仲好長,所以放藥係子宮頸後穹窿位置,放藥後2小時係床上休息及監察胎心機儀器,估不到幾小時後既痛楚就開始了..........

15:00

腹開始痛,但仲可以接受........

17:00

見紅,下腹痛得出之前勁,開始用呼吸法呼吸,姑娘話要全個腹痛先得!!

17:30

真係好痛,所以就按機叫姑娘,姑娘話一度都未開,天呀!!我可以點算呀~~~~~~~ 

我:「可否有止痛方法呀!?」

姑娘:「你試下用呼吸法,可減低痛楚!」

我:「我已做了,做真係好痛........可否打止痛針或有無止痛藥呀!?」

姑娘:「你試唔試用分娩球呀!?」

我:「我痛到郁唔到.........」

姑娘:「咁你不如試用透皮神經電刺激減痛法(係一部機,有D電刺住背部,若FEEL到痛就可以按制,電流會加), 負作用少好多......」

我:「好呀.....」

當姑娘駁完機後,按至30度左右,我話好痛.......姑娘話呢部機最高可以去到五十幾六十度,我現在按至16度左右......

18:00

HD同母親大人已到,我已痛到入心入肺,部機由16度俾我調至58度,我只能講已痛到自已不能接受.............母親大人勁叫我食野,但我真係食唔到,佢仲話唔食無氣力生,但我現在連食野既力都無........而且我仲全身標哂冷汗,好痛苦!!

19:30

我真係忍唔到,好好好好好好好好好痛,叫姑娘幫我CHECK多一次,但都係一度都未開,姑娘話係藥物反應,令至下腹痛,但我當時心諗現在已痛成咁,我想像不到由一度開至十度既痛,我再次要求打止痛針......

當HD同母親大人聽到後,佢地兩個勁反對,覺得這對BB有影響,但佢地有沒有諗過我呢!?我已去到無法接受既痛,我餘下時間可以點呢!?

佢地臨走前都叮囑我不好打止痛針!!

20:30
醫生俾我打止痛針!!太好了.......... (我沒有將打左止痛針既事係母親大人知!!)

22:30

我想止痛針已失效,痛楚又再次回來,雖然仲有透皮神經電刺激減痛機,但作用已不大,現在只係用呼吸法...........但我沒有哇哇叫,因為我知道叫黎都無用!!

23:00

突然下面有股暖水流出來,我相信係穿羊水,立刻按制叫姑娘,姑娘CHECK完話穿了羊水,而且已開一度,可以上產房.........太好啦,有笑氣吸,唔駛咁痛!!

但我都不忘打電話叫HD去醫院...........

沒有留言:

張貼留言