又懶左幾個星期無寫到細B既懷孕日記喇!因為呢幾個星期都無去到私家到做檢查,啱啱今日就去左私家到做檢查,係公司奴有D同事話我個肚好細,都有D擔心,今日去做檢查個時就順便問下醫生細B個SIZE係未細,同SZIE正唔正常,點知俾醫生話我,叫我唔使理D人講咩.因為CHECK左細B個SIZE係正常,同我個週數係一樣,但係我既體重就重得快左,但係醫生話唔緊要,因為我本身未有細B先得97磅,就算而家重得多D都無所謂.咁我就可以放心食埋呢2個月喇!
仲有呢幾個星期都都無咩特別,最特別就係我地一家四口第一次去左影樓影相,希望影得好啦!聽日就可以去睇相喇!真係有D緊張呀!
仲有就係國皇之家既姐姐已經黎左幾日喇!暫時我覺得都OK,Mancent仲好跟姐姐,
成日把口都叫住姐姐姐姐,有一日我放工返到屋企,Mancent啱啱起身,佢第一句就問我"姐姐呢?"真係俾佢激死呀!
仲有嫲嫲同Mancent & 姐姐落街佢就同嫲嫲講唔拖嫲嫲,要拖姐姐.不過都好既,起碼Mancent肯跟姐姐,同應該姐姐都對Mancent唔錯.如果唔係都唔會咁跟姐姐啦!希望呢個姐姐真係好啦!
其他關於工人姐姐既野
e.g. IP CAM, 請工人D野,可以參考
國皇之家既工人姐姐終於黎左
請外籍家庭傭工一個月平均要幾錢 (連什費)
國皇之家既工人(加陽光女傭好唔好原因)
沒有留言:
張貼留言