國皇的婚禮呢個網誌的由來,相信要由永勝同文迪準備結婚開始
本身一開始寫blog既時候係兩個人一齊寫,永勝本身就係電車男,專長係電腦.而文迪就係典型港女,專長係淘寶/Shopping .
要成功完成到一個完美既婚禮,相信有經驗既人都知道,真係少D心機都唔得.由於大部分新人都係舉辦婚禮呢方面都無經驗,好多結婚事宜,都係只有一次機會 (斷估妳唔會聽到有個新婚子同D賓客講,多得上次既經驗,我今次既婚禮比上一次攪得仲好,上次係演詞方面比較生硬,Timing 又唔多好今次Rundown比較流暢,坐位安排方面又做得好左…)
籌備婚禮大部分既事情,好多時都要依靠過來人一齊分享. 而呢個blog主力都係寫一D關於結婚既籌備過程,好似過大禮, 自製成長Video/自製結婚枱號,巨型簽名板.證婚律師/攝影.化妝搵邊個好
不過國皇的婚禮完成之後,自己發覺開始對寫blog有興趣,又不斷其他芝麻小事. 開始寫多左一D吃喝玩樂,四圍食,自由行既Post.到近年,隨住永勝文迪既人生既轉變.文迪係2009有左BB,又寫多左關於生BB既事情,致力做一個怪獸家長.到BB出左世之後,新手既永勝爸爸+文迪媽媽就把全副心機比晒我地既BB-Mancent (Mandy + Vincent)
係blog度經常出現一D與幼稚園,照顧小朋友,BB既成長片段,直到現在,永勝想搵多D賺養妻活兒,又變身做左Apple 達人,研究潮流指標 ,分享點炒賣蘋果產品,同一班志同道合既朋友寫左個電腦監測程式, 開頭唸住賺下D旅行機票/酒店錢,賺下賺下,後來直頭上埋《壹週刊》科技版
開始寫第一篇網此誌到現在, 由一對情侶變到一家三口,差不多五年 < 國皇的婚禮>都不斷在變. 看見別人在變﹐其實我唸自己都在變吧 . 我想總有一天,大家Nuffnanger會搵到有一篇blog妳會鍾意,就黎呢度留個言啦
而為什麼成為Nuffnanger ? 真係又同蘋果產品有D關係,好記得當Nuffnang 初成立, 有個活動「Nuffnang六月賞不停」<國皇的婚禮>真係係咁多人之中成為左得獎者, 贏左部 iPad2架
Blog詳情:
呢次同Nuffnang初次接觸後,我先發覺原來寫blog 都可以有禮物收,仲可以收廣告賺錢架,仲有幸同Nuffnang 其他Top blogger 去左
海洋公園幕後探秘之旅
Blog link
覺得最能夠代表自己既就係呢篇:
http://blog.yahoo.com/mandyvincent/articles/749306
因為成為左Yahoo blog 既人氣blogger 後,寫左個簡介比Yahoo blog D 新朋友.亦都係比自己係2011既總結 而自己覺得寫blog 最經典既一次,莫過於可以上到蘋果日報娛樂版C1頭條
(篇Blog 已經delete 左啦,詳情可以參考
wiki link : http://evchk.wikia.com/wiki/%E9%8D%BE%E5%98%89%E6%AC%A3)
本身係一則生活小事,當時係無咩人知道永勝同文迪有寫開blog既習慣,點知個個睇完蘋果日報之後,一早個電話比人搵左幾十次.個個朋友都打黎問係咪真架?果個國皇係咪你地呀? 亦都可以證明到其實blogger 其實都好有影響力架,千奇唔好睇少自己個一百幾十字呀(不過當然係雙面刃啦)
做左咁多年Blogger最大收穫係,可以識到不同既blogger,互相交流下,好似有D媽咪級就分享湊B心得,有D又分享下小朋友育兒資訊,又有機會識到一D Apple Trader,一齊賺錢之餘又發掘到不多既屈機秘技.想知道當然可以話比各位Blogger 知, 亦都有D贊助商贊助免費產品
(不過贊助商再多D會好D囉,各位贊助商睇到呢段,麻煩贊助我地國皇之家多D,我屋企家徙四壁,……..要咩無咩)
雖然而家每一天的私人空間有限, 要等Mancent 訓左覺,先可以有D私人時間做下自己野,寫下blog , 不過有時見到幫到其他blogger
一句窩心的多謝 好似”我地當日結婚好成功” , “我個小朋友入到呢間幼稚園啦”, “我成功放左D iPhone 4s 啦” ,永勝同文迪都會好開心,
呢個亦係我會Keep住寫blog落去既原因 (好多之前識落既blogger 結完婚/有左小朋友之後就停寫blog,希望我地都堅持到啦)
最後,真係多謝晒大家一有時間黎呢度睇下我地芝麻綠豆既小事.
最起碼都多謝曾經黎過既113萬既人, 亦都唔該晒Mancent BB , 文迪老婆,同埋國皇兩家屋企人,比左好多寫作靈感我,等我可以寫D有趣既事同大家分享 !
趁而家仲係龍年,國皇之家同人祝大家身體健康、生活愉快、繼續發揮blogger 既力量！
沒有留言:
張貼留言