Adsense Script

2012年2月14日 星期二

懷孕日記 - 細B

情人節要向大家宣佈 ,就係講我地國皇之家有第2個BB

Mancent 就黎做哥哥喇!我已經有左3個月喇!

國皇之家由一家三口變一家四口了,BB會係八月中出世,未知係龍仔定龍女,

最緊要健健康康


懷孕日記
係12月22日做冬個日,因為遲左2日未黎,就發覺左有左第2個國皇BB,但係係同一日老爺都因為癌症離開左我地,但係因為當日係做冬公司有得放早既關係永勝就去左醫院探老爺,其實個時老爺係昏迷緊,但係永勝係老爺耳邊度講左呢個消息俾老爺知道,所以而家有時都會當講笑咁講話老爺知道左,所以走都走得安樂.

今次有左真係有D不知所措,因為知道咁啱老爺唔係度啦!又有D緊張驚搵唔到私家醫院生細B啦!如果大家有睇開我地個BLOG,就會知道我因為怕痛一定要選擇開刀,但係我22日知道自己有左細B既時候,就打返電話俾之前幫我開刀既醫生,但係打到去就話要1月3日先可以去睇,但係聽好多朋友講過一有左BB要即刻去搵私家醫生去BOOK醫家醫院床位,如果唔係就唔會有床位生BB,所以好緊張,打左電話去私家醫生幾次度問係未真係無得早D可以見到醫生(自己都覺得當時有D煩),到下晏私家醫生個度打黎話12月24日有個BOOKING CANCEL左,打黎問我有無問題,我即刻話無問題啦!

 

第5 WEEK (17 Dec 2011 - 23 Dec 2011)
12月24日去私家醫生度第一次檢查,因為細B得5 WEEK, 照左超聲波淨係見到得1CM度,仲未聽到BB既心跳聲,但就見到我個子宮入面有個水泡,大概有3CM大度,但係醫生唔會影響度緇B,佢話個水泡會慢慢細就無同事,希望係咁啦!好彩暫時都叫搵到醫家醫院床位,聽醫生講啱啱我地之前一位係大陸人佢地都係啱啱5 WEEK, 但係都唔到床位,原來而家大陸人同香港人係私家醫院係分開2條隊,所以最後都有床位.

第6 WEEK (24 Dec 2011 - 30 Dec 2012)
1月2日晚發覺有小小見紅,當時都有小小驚,有D不知所措,上網睇下點解會咁啦!咁就同永勝商量如果第2朝無事就唔理啦!第2朝起身真係無見紅,就如常返工啦!點知返到公司11點幾又發覺見紅,我就即刻打去私家醫生問啦!即刻坐的士去睇,我係私家醫生度等左大概2個鐘先可以見到醫生,但係醫生係無同我照超聲波,話上個星期先照咗,今日唔會幫我照,最後醫生開左D藥同4日假俾我叫我抖下,同埋佢話可能我抱得Mancent多,叫我唔好抱喇!個心聽左話暫時唔可以抱Mancent真係有D唔開心呀!

第7 WEEK (31 Dec 2011 - 06 Jan 2012)
已經第7 WEEK,我既孕吐就開始喇!今次真係辛苦過Mancent個時呀!懷住Mancent個時我最多係1日嘔一至二次,唔想食野,唔食就唔會嘔,但係今次我最高峰係1日嘔6次,飲水都會嘔,但係我係好肚餓肚餓到我個肚打鼓,呢d感覺真係好耐都無試過餓到個肚打鼓呀!真係辛苦到喊呀!

第8 WEEK (07 Jan 2012 - 13 Jan 2012)
今個WEEK 細B都好好,無攪到我嘔咁多次喇!一日1-2次度啦!但係今胎真係俾上次Mancent個時食多左好多野呀!同埋可能今胎係第2胎個肚俾上次大得快左呀!有條腰未有細B之前係25吋度啦!但係8 WEEK已經有30吋喇!真係唔想自己變成大肥婆呀!

第9 WEEK (14 Jan 2012 - 20 Jan 2012)
今個WEEK細B都好好, 但我都係唔係咁好,都係1日1-2次嘔,又唔係好食到野!啱啱尋日去完私家醫生度檢查,細B就大左,個水泡就細左,但係我就輕左1磅,我今胎已經俾有Mancent個時食多左野喇!但係都唔知點解都會輕左,但係今次算輕得小左.希望細B會快D俾媽媽有好日子過啦!呢個新年真係度度都無去過,連年都無拜過,成個星期都係屋企度瞓瞓瞓.有時真係覺得有D对唔住Mancent架!呢排因為成日都唔舒服都係屋企瞓陪唔到Mancent,成日都係永勝都照顧Mancent,攪到呢排Mancent都唔係好跟我呀!一話去街街就一定係搵PAPA,有時真係好唔開心架!真係驚有產前抑鬱呀!都有試過因為辛苦而大喊左一次,不過好好彩我有個好老公,佢真係幫左我好多呀!老公多謝你同好愛你呀!

第10 WEEK (21 Jan 2012 - 27 Jan 2012)
今個WEEK都係嘔嘔嘔,都係1日1-2次無走雞,都係咩都唔想做, 好想瞓瞓瞓,但係夜晚唔知係未日頭瞓左,每晚都係醒幾次,有時醒左仲要好耐先瞓我返,星期日諗住第2日要返工,日頭唔瞓啦!點知到左夜晚都係會醒幾次,咁即係我開始失眠喇!真係唔輕就有鬼喇!希望呢D日子會快D過啦!

第11 WEEK (28 Jan 2012 - 03 Feb 2012)
今個WEEK已經好左好多,無嘔得咁多,2-3日度1次,細B真係对我好過Mancent呀!我有Mancent個時嘔到16WEEK呀!,今次11WEEK已經無嘔咁多,但係都係成日口淡淡同作悶,都係有D唔舒服,成日都好累,好想瞓覺,都係一晚醒幾次
 

第12 WEEK (04 Feb 2012 - 10 Feb 2012)
終於都捱到第12WEEK喇!點解我要用個捱字呢?因為我由第7WEEK已經開始嘔,仲係嘔我好勁,嘔左個幾月,今個WEEK已經好D無咁嘔喇!但係有時放工搭完車返屋企都會嘔下,但係都已經好好架喇!起碼唔會一食野就嘔,希望下次都產前檢查唔會又輕左啦!過2日就要返醫院驗OSCAR檢查,都有D擔心, 因為我年紀都唔細,希望爺爺係天國會保佑


第13Week(11 Feb 2012 - 18 Feb 2012) ,可以睇下呢篇
廣華醫院產檢-唐氐綜合症測試 

2 則留言: