2011年11月1日 星期二

[轉]分享 - 宇晴軒Playgroup

[轉]Bady Kingdom

老公見一個叫"智能Playgroup"既班, 對象係2-3歲小朋友, $22xx一個月, 唔洗大人陪, 一星期返5個朝早, 每次75分鐘, 每日一個主題.


報果時無啦啦又要收多$250買書包同校服, 但校服又到宜家都未有貨...
我都事先聲明, 我個女坐唔定, 成日走黎走去, 佢地話有辦法...


大女4月1號開始返, 好彩佢都好獨立, 第一日自己衝咗入課室, 無搵姐姐, 但無一分鐘停落黎. 老師想拉住佢, 佢就瞓響地下喊. 老師話新生係咁, 同佢講廣東話無咩反應, 因為佢聽英文多, 唔緊要, 我就係想佢響學校學廣東話;
第二日無喊, 主題係唱歌跳舞, 囡囡最鍾意. 我試過問亞女, 佢淨係識答我開心, 問佢學校唱咗咩嘢歌, 就講"ABC Song", 又講"Twinkle Twinkle Little Star", 唔知係咪上堂唱呢首;
第三日大喊, 喊吓停吓, 老師話佢見其他小朋友喊佢又喊;
第四日都有喊, 喊少咗, 姐姐話佢都係見其他小朋友喊佢又喊. 不過姐姐話學生人數愈來愈多, 差唔多20個小朋友(好似3個老師, 我初時報名得6個小朋友, 佢地話會維持1:6既師生比例). 夜晚囡囡伸隻手出黎同我地講"握手", 我諗係上堂學既;
今日係第五日, 唔知會點呢?

其實我就唔係覺得特別好好, 又唔算好差, 起碼我每晚問囡囡, 佢都鍾意返學.打電話俾Miss, 都會幾用心答. 不過如果有張筆記俾返我知學咗咩嘢就會好D囉, 起碼可以同佢響屋企玩吓吖.

有新消息, 再同大家分享

宜家囡囡都有走動, 但情況好似改善咗少少, 姐姐帶佢返學都無喊, 姐姐都放心返屋企, 又埋成日聽到佢唱D我無教過既歌, 同埋都鍾意返學. 於是我老公早兩日同佢交咗錢報埋5月份喇.

沒有留言:

張貼留言