2011年11月13日 星期日

明我幼稚園面試

由一開始...大頭爸爸最心儀最喜愛的...就係呢間喇 ! 


""" 明我幼稚園 """


為左呀仔有更好既表現,


面試前一晚我地一於早D 上床......


等呀仔有充足既睡眠,


希望 Paddy 第二朝可以精精神神咁去應付一切 !!!


一心諗住栢特由晚上 21:30 可以訓到大天光 !


點知......Paddy 由 01:15 起身, 飲左支奶奶後.....


竟然.....玩到 04:30 先肯訓 !!!


死得啦...............~~~ 07:15 要起身呀 =.=""


點 In 呀 ???


( 點哄.....點鬧.....點錫.....就算打到飛起都唔肯訓..........


閂晒燈...閂晒電腦...全屋都訓晒喇 !!! 黎栢特 !!! 你玩咩呀 ??? )


鴉 ! 又估唔到喎 ! 07:30 準時起身 ! 算你乖仔啦 !!!


飲左五安奶奶......梳洗好後......我地出發喇........!!!


準時 08:55 到達學校門口 !


媽咪先同 Paddy 到校務處報到 ! 之後就一手拖住栢特...


一級一級咁行上樓上果層坐低等叫名 !!!


(估都估唔到, 一向好性既栢特...今次竟然可以乖乖地...


好合作...好聽話...無失控地...同媽咪一齊排排坐等叫號碼  ^^ )


老師叫 : "28" 號既小朋友同家長請到 A區遊戲室.


媽咪將手上既 28 號籌交到栢特手中, 便拖著兒子進入 A 區房間.


入到課室, Paddy 禮貌地向老師說 : 早晨 !


跟住媽咪同栢特就按照老師指示坐低 + 親子活動玩玩檯上面既玩具.


老師接過我地面見既便條, 點點頭, 微微笑地寫了一點點...!


"成功.......過關了"


之後就到 B 區面試室, 進行一連串既測試 !!!


1) 老師先接上栢特雙手遞上既面試見面便條後, 就開始發問 :


   


    (手指面見便條的相片) 問: 小朋友, 呢個係邊個黎架 ???



    Paddy : BB ......


    老師: 咁 BB 叫咩名呢 ???


Paddy : 黎栢特....


    老師 : 黎栢特...你隔離呢個係邊個黎架 ???


    Paddy : 媽媽...Mammy.......


    老師: 係喎 ! 係媽媽...Mammy 呀 ! 叻仔 !!!


2) 老師拎出一隻龜形拼圖形既玩具出黎...


   


    問: 呢隻係咩黎架 ???


    Paddy : 烏龜 !!!


   


    老師: 睇下佢個肚入面裝住d 咩 ?


    喔...原來有三個唔同既圖形架 !


   


    你試下放入去, 睇下擺唔擺到 ? 做唔做得到........ 


   


    Paddy 連玩兩次...都成功地將 三角形, 圓形, 正方形...分別放入 !


    仲自己拍手讚自己好野 =.=" 


    ( 之後老師都忍唔住笑...跟住一齊拍手讚 "好野" )


3) 老師拎出一隻香蕉, 一個紅色既波, 一支牙刷...


    (呀仔伸出手想拎隻蕉...老師話...你等等先下...等我放低係檯面先 !!! )


   


    之後問: 黎栢特...你可唔可以話比我知, 邊隻係香蕉呀 ???


    Paddy 手指住 Banana 話: 香蕉.....(老師點頭微笑....)


    跟住手拎住個波問: 咁呢個係咩黎架 ?


    Paddy : Ball Ball..........


 


老師指住牙刷問.....咁呢支係咩黎架 ???


    Paddy 諗左兩秒.....之後擘大個口....指住d 牙 (=.=)""


    呀........(老師話...係呀...你知道係同牙有關呢...)


    仔........牙刷呀 !!!!!!!!!! 暈......


4) 之後到老師講故事了.....一張圖畫紙上有四幅圖畫......


   


    第一格: 今日係玲玲生日, 爸爸媽媽幫佢開左個生日會...仲買左個蛋糕比佢添...


   


    第二格: 佢地請左好多小朋友, 同學仔返黎慶祝呀...切蛋糕前佢地要唱生日歌架 !


   ( 哈哈哈...開正 Paddy 果瓣...一邊拍手一邊同老師一齊唱 Happy Birthday......)


 


   第三格 : 圖中入面有好多禮物喎 ! 全部都係玲玲既生日禮物黎架 !!!


   第四格: 打開黎睇下...有隻 熊 Bear Bear 呀 !!!


   老師: 好喇...今日係邊個生日呀 ??? 老師拎出兩個公仔圖形紙出黎比 Paddy 揀 !


   係玲玲 定 係 爸爸呀 ???


  


   Paddy 一手拎起 玲玲公仔 !  ( 之後另一隻手再拎起爸爸公仔 =.= )


  


   老師再問: 係邊個生日呀 ??? 玲玲定爸爸呀 ???


   媽咪問: Paddy ...你睇清楚係邊個生日 ???


   Paddy 答: 玲玲生日. (老師: 係喎 ! 玲玲生日喎 ! 叻仔.)


   老師比兩張圖紙栢特睇, 一張係熊 Bear Bear, 一張係洋娃娃.


  


   問: 今日玲玲收到d 咩禮物呀 ?


   Paddy 答 : 熊 Bear Bear .


 


5) 最後老師拎出一張圖畫紙出黎 (圖中有隻鴨) 問: 呢隻係咩黎架 ?


   


    Paddy 答: 鴨鴨 Duck !


    老師: 係喎, 係鴨鴨黎架喎 !


 


    你有無玩過Puzzle 呀 ??? 呢度有另一隻鴨鴨, 我地試下砌唔砌到 !


   


    老師將一隻鴨仔分開左三件 (發泡膠) 叫 Paddy 試下將佢砌成另一隻鴨仔.


 


    Paddy 好專心地砌, 老師想幫手, 點知呀仔用手輕撥老師,


    老師話: 你想自己砌, 唔駛我幫手呀 ???


   


    最後, 媽咪輕輕幫手撥撥後, 完成 !


 


~~~ 老師讚讚栢特後, 叫我地到校長室見見校長及取些禮物 ~~~


 


   栢特起身後, 媽咪提點下......拍回座椅向老師說拜拜........   


   老師仲問 Paddy...有無 Goodbye kiss 添 ^^"


 


   呀仔送上飛吻後....便拖著媽咪一同步向校長室......


 


  最後一關.....................


 


  一個個小朋友拖住父/母 ( 是次面試只能一位家長陪同 )


 


  Paddy 開始有些少不耐煩了......媽咪心情開始更緊張......


  擔心呀仔開始失控......~~~


 


  死火....呀仔開始唔比拖...唔受控制喇......


 


  媽咪出盡九牛二虎之力......用極 (扮溫柔)...又帶有少少暴力.....


  終於刻服左呀仔......到我地喇........


 


  入到校長室......


 


  校長: 早晨 !!! 


  媽咪: 校長早晨 !!!


  Paddy 無回答 >


  呀仔都...唔願開口 ! 


 


  媽咪即時補飛遞上面試紙給校長 !


  


  校長: 黎栢特, 我請你食糖糖鴉 ! (手拿著一碟瑞士糖......)


 


  媽咪擔心呀仔一手拎幾粒......出洋相 >


 


  好在平時教導有方....呀仔又乖乖合作.....拎左一粒後....


 


  校長想問時.......


 


  媽咪即刻同 Paddy 講: 校長請你食糖糖喎...你應該點講呀 ??


  Paddy : 多謝晒....多謝晒...Thank you.....


 


  校長再拎出一盤玩具, 叫 Paddy 揀一個拎返屋企玩......


  栢特有點驚...有點怕...眼望住我...~~~


 


  我示意點頭說: 好啦 ! 你多謝校長先啦 !


  


  Paddy 將手中既糖糖遞回給校長...( 因媽咪教...每次只可取一樣...)


  校長教 Paddy 將糖糖放在褲袋內, 而栢特亦做到了 !


 


  校長向著我笑笑說: 佢又真係識得擺入袋喎 ! 我微笑了一下.....


 


  最後: 校長說, 下星期會有信通知你地架喇 !


 


  媽咪: 好呀 ! 唔該晒校長 !


 


  Paddy : 拜拜......拜拜......~~~ 唔該晒~~~


 


  最後...栢特還自覺地送上校長一個飛吻呢..............


 


  希望呀仔今次成功啦 !!!!!!!!! Good Luck !!!!!!!!!


  


  結果將於 18/11/2011 寄出..............緊張ing..........  


沒有留言:

張貼留言