2011年1月12日 星期三

相隔幾耐才生多個bb

[轉]人地既意見

其實最好就係兩年幾懷第二胎..
岩岩第一個識講野...唔駛點食奶...咁樣就唔會太辛苦..



第一个孩子是剖腹产,要隔三年,这样宝妈可以恢复到比较好的状态。是顺产,两年以后一切都准备就绪就可以要第二个宝宝了。孩子间隔两三年比较好带些。







你哋覺得隔1or2or3,4,年才生第2個b先比較好呢?我覺得隔3年比較好,因大b(大)細b4年可以幫手照顧,陪養責任感成熟D,但又警年紀相距比較大,是否感情冇咁好呢?(溝通有分期)而你哋相隔幾耐才生,有冇例子分享吓呀!:yummy :




我就未有第二個, 不過屬於plan緊嗰類啦, 我都prefer隔3年, 即係大嗰個有得接兩歲幾三歲, 你兩公婆就努力, 你知呢d冇話一鋪中架嘛, 咁努力得嚟大嗰個都有得三歲幾四歲, 返咗學有一段日子, 大個d好d囉!
希望我可以實現到啦, 哈哈!




我第二個B與第一個B相距6年,因意外有的,把所有計劃都打亂晒!大B在K2最渴望有細妹,因在學校的學習內容有關,過了稚兒期,到小學他們已懂爭寵,較抗拒,但只要做足事前準備引導,一般都會很開心的。多一個雖然辛苦D,但對她們來說是好D,父母亦多一個寄望,不用集中一個,怕不自覺地給了壓力予他們,祝你早日生多個:)




My case was 2 years diff two bros very close now but very 辛苦ga




我依家大仔1歲10個月,仲有2個禮拜b女又出世...我都預左會好辛苦!開頭其實我都係諗住隔3年先再生第2件,不過都有d有經驗人士講過如果大o個個開始有自己ge思想性格,有可能會排除個細ge....所以我都唔建議隔太多年....:loveliness:




我大囡仲有三個月就三歲,來緊年尾會多一個,自己感覺上應該相隔3歲左右應該好D,大嘅開始返學。










我大仔兩歲半我就有左..到細b出世佢都3歲兩個月lu!




我唔係好想隔得太耐, 期望3年抱兩呀~










我囡囡歲半;] 我岩岩有左第2胎..
佢地相差吾系好多XDD
我知會好辛苦,但係見到佢地開心咩都值得




我大仔同細女相差2年,細嘅出世大嘅又未返PN真係好辛苦,如果返咗學定咗先到細嘅出世就very good




我大仔同細女差3年.




我個女11月就3歲,小B而家36wks,差唔多隔3年....
我唔知o唔ok呀...因為小b都未出世...
不過我想有b趁嫩生..再過兩年,我可能唔願再生啦...




我大仔同細女相差2年零8個月,細囡3個月大時, 囝囝剛讀k1 , 那時都幾辛苦




我覺得隔1.5-2年係比較好.  我個大細b相隔近2年半, 細b 出世無耐, 而家大b 都會幫手照顧細b.


至於感情方面, 大家細個果陣相然會好, 但到左大個時, 好睇佢地既性格, 我覺得同年齡相差既關係唔係太大.




如果大是囝, 咁第二胎唔好隔咁遠, 頂多2,3年, 咁至玩得埋.
如果大是囡囡, 咁隔遠d都得, 姐姐永遠比哥哥照顧小的, 我同細妹隔9年, 都傾到計.




我想我再生都應該隔3.4年




我覺得隔6年先好生第2個,第1個已經完全識得照顧自己,媽媽唔會咁辛苦!




之前聽過一個講座, 兩個之間最適合係隔4年, 因頭3年小朋友都係細, 未返學之餘亦未太懂得照顧自己, 4年係因為小朋友已讀書, 有好多事佢都識得做, 你會無咁辛苦......我兩個小朋友隔左3年9個月, 其實一樣咁辛苦, 因為分身不暇, 細仔喊時大仔又要問你野, 好似爭寵咁, 但確實因為大仔好多野識得自己做, 叫做無咁辛苦, 同埋大仔有時可以幫手睇下細仔, 入廚房做野都放心d, 唔怕聽唔到個細仔喊, 大仔又會唱下歌俾細佬聽, 氹下佢咁囉.:happy:




我兩個小朋友相差3年. 我覺得如果可以相差5年會較好D, 大嘅可以take care多D細嘅. 

沒有留言:

張貼留言