2010年7月4日 星期日

BB醫院生產過程 - Mancent

Mancent唔經唔覺都5個月3星期大喇!而家先的起心肝寫下我生Mancent既過程,由於我一向都怕痛關係,我一有左個時就同Vincent講我唔可以順產既緣故就選擇左開刀喇!但係係我差唔多足月既時候都有諗過順產同埋聽一d生左bb既朋友講都唔係好痛,好似女人每個月既痛咁,我就有一刻諗過,都唔係好痛,我平時都有架啦!而最後我既方案就係,如果Mancent會早過我開刀個日(已經係39week2day)要出黎我就會選擇順產,但係Mancent可能知道媽咪怕痛既關係,到左開刀個日佢都未有動靜,所以我最後都係開刀,好多未生bb既朋友都問我痛唔痛,我係度同大家講,我既生產過程係一d都唔辛苦架!




係2010年1月12日,我同Vincent一早10點就去到法國醫院,根住就登記上房,我地係約左醫生係2:00pm,但係我地上地去婦產科個度等左好耐都安排唔到床位俾我地,佢叫我地(但係我係無得食架)去食d野先返去,



食完野返去姑娘就叫我入左一間房度check up 下, 咁根住又叫我地出返去等,個時已經係差唔多1:00pm,差唔多1:15pm醫院就安排左床位俾我,我就換衫準備去生Mancent喇!到左1:45pm就有姑娘黎推我去手術室,而Mancent PaPa就要係等候室到等我,因為我選擇左全身麻醉,所以papa係唔可以陪產,去到產房仲要等左15min先入得手術室,入到去個麻醉師就問我係半身麻醉 OR 全身麻醉,根住佢俾左D氣我吸,我吸左幾下就瞓左,出返黎我諗30min度就有個姑娘拍我同我講,bb係男仔,有6磅6,咁我就俾人推返到病房到喇!一上到去第一個就見到Mancent Papa喇!


佢就俾左Mancent既video我睇,真係好感動架!




我呢個生產過程一d都唔辛苦,如果大家有興趣搵我呢個醫生就call我啦!佢d手勢真係幾好,因為我係醫院第2日就可以落床,第3日仲可以餵奶,第4日仲出得院tim,到我生左Mancent大概6日度個傷口已經唔痛喇!



3 則留言:

  1. 老婆 : 多謝妳十個月黎咁辛苦,令到Mancent 可以健健康康咁出世
    Mancent :真係辛苦晒媽咪妳.遲d先孝順番妳喇 !
     

    回覆刪除
  2. 明智既選擇~ 如果你順產就呢世都記得果種痛喇, hehe~

    回覆刪除
  3. 雖然我未有bb,但成日都諗順產好定係開刀好....因為我都超級怕痛,又好怕開完刀個傷口會好痛...
    睇完你咁講,好似定心丸咁

    回覆刪除