Adsense Script

2010年6月15日 星期二

父親節快樂

<爺爺黎架bor>


呢一句係永勝爸爸成日對Mancent BB 講既一句口頭禪..Mancent 次次聽到都笑架!


2010年6月中(上星期) ,  由於永勝既家姐同細佬都去左日本同Cebu旅行。



同爸爸慶祝父親節加生日既重任,就落左係我同文迪身上了


星期三,Apply 左Annual leave. 一早約左爸爸預祝父親節啦。


我是人父又是人子,雙重身份,今年都係同爸爸飲下茶,不過無買禮物.


其實都無所謂嘛, 最緊要都係一家人聚埋一齊食吓飯, 開心吓哩...



 


去左樓下君臨酒家 ,咩都唔駛點食。因為而家最緊要唔係個仔,係個孫仔-Mancent。


爺爺同Mancent 傾計抱抱就夠了, 爺爺見到Mancent 又心都甜晒..仲好過買禮物



不過當然父親節加生日..點都有個蛋糕食下.



其實而家做左人爸爸,先發覺做爸爸都幾辛苦..責任亦都好重.係一個不能倒下既角色


仲記當時都未出身,仲係讀緊書, 屋企當時有D事, 再加爸爸自己病左,


爸爸都仲要搵錢供書教學+養家+咩都一個人頂晒...為左我地有D好既生活環境,死慳死低...................仲有好多好多事............


爸爸,你真係一個好爸爸,好偉大!


 


祝天下間的父親每天都快快樂樂 !


2 則留言:

  1. <爺爺黎架bor>
    <Mancent黎架bor>
    是他們互贈的禮物

    回覆刪除
  2. 一個好爸爸:偉大的爸爸,負責任的爸爸,愛惜及愛錫他們仔女的爸爸,應當在他父親節及生日的重要日子裡,特別收到仔女的祝福並與家人一同共敍天倫
    看完你這BLOG後,有感而發在我BLOG內打上以上的字句.
    VINCENT爸爸,你享受到了

    回覆刪除