2009年12月7日 星期一

BB 用品準備之二 聽醫院講座

由於我地兩個都係第一胎,屋企人暫時又未有咩湊BB經驗,為左令到我同文迪對bb有更多既認識, 我地成個10~11月,都差不多隔個星期六既朝早都去呢d醫院講座.


要一早起身,又要食埋早餐,真係仲早起身過返工.


廣華醫院其實幾好架,報呢d講座又唔駛錢. 好似今次報呢個o甘


 <母乳的認識>, 法國醫院報一報呢d o甘既醫院講座,都要$790 兩小時.


 



出席既人數都有 ~100 人..堂堂都Full 架. ...


其中聽course 既時候提到, 因為懷孕孕婦其間,承受左好多唔同既壓力..好多生理心埋既變化,擔心BB 既成長,流產..順產定開刀等等...種種問題.


孕婦有丈夫同埋家人,朋友既支持,尤其重要.


所以,我而家叫晒我地兩家D屋企人支持妳架 !!! 有咩要即刻出聲...總有一個幫到妳的


 


老婆,雖然我成日迫妳食藥(葉酸+鈣片),我不嬲都好支持妳架


聽母乳的認識,最攪笑係有真人示範..不過係用圖中既乳頭布公仔...加埋吸奶器



睇左段片之後,雖然喂母乳會有D露點既鏡頭...



不過個個都睇到好sweet 架...見到BB 出世頭一兩個鐘,盲摸摸搵阿媽,第一次接觸,第一次聞媽媽既氣味,之後又搵野食...第一次飲奶...個個都好感動架.


BB, 我地都會盡量喂人奶比妳架 ! 等你健康d, 成長得好d嘛.


沒有留言:

張貼留言