Adsense Script

2009年7月29日 星期三

生日禮物- 情侶Nokia N97 電話

因為有一日唔小心,跌左個電話(Nokia N95) 落地下,攪到個電話變左o甘



大家一睇幅相, 就知我點解有需要換電話


事原今個星期六,就係永勝生日, 由於老婆佢唔忍心見唔到用住部裂晒玻璃既 Nokia N95 , 佢就好用心良苦O甘講左


----------------------------------------------------------------------


文迪: "不如今年你生日,送部電話比你丫 ?好唔好 "


我當時既第一個反應係 , 永勝 :"成$5600 ,O甘貴,,,唔買..留番d錢比BB 仲好"


文迪: "唔緊要la.., 我有...我送比妳la,"


永勝 :"其實,我知妳已經無咩錢架啦,傻瓜,仲買d咁貴既野!!!!


不過我知妳都係鍚我,O甘我又點好意思推左妳個好意呢 ?"


------------------------------------------------------------------


 嘿嘿,係度當然多謝老婆既生日禮物 !!!


另一方面, 其實文迪都想換電話,佢個部都有時Hang Hang 地,  最後我地去左One2Free 睇下d  Plan, 點知 !!! 一睇就中就好鍾意..又夠型..又岩岩番貨 .




係完全無埋到阿B既教育基金既儲蓄計畫既情況下, 接上年我地既 <結婚禮物-情侶勞力士錶 Submariner> 之後, 我地又再一次用情侶Nokia N97電話, 今次出左一黑一白. 黑色當然係我,白色就係文迪 



第一時間梗係要影下野,check 下個Touch Screen, check 下d野齊唔齊



點解一定要用番Nokia, 唔用iphone 3Gs , 因為我係Nokia 死硬派 , 貪佢一個制"傳送",就可以bluetooth Transfter 晒D Schedule, Phonebook,Message 去晒個新電話度.


若果用iPhone3Gs , 唔計個價錢, 成二千個Schedule, 點Backup 番呢 or 入番落去呢 ?



n97 用黎上網,睇相,去Facebook 亦都好方便..



仲有得set 最愛聯絡人捷徑....頭四名第一位當然係老婆大人..之後Sister, Borther, Mother and Father.





仲即刻Dowload 左D 寫真集, 可以用Touch Screen 睇


周秀娜+蔣欣妍 + Kama + Angelababy 既相


Download link :http://www.sendspace.com/file/e5svlm




Off Topic 個人覺得 : 排名如下


1. Angla baby <--- 最靚,最Pro,最高檔
2. 周秀娜  <-- 最Sexy.尤其食雪糕滴晒個張
3. 蔣欣妍  <-- 呢個Deep V 都好得....
4. Kama    <--Kama張張都係個個樣同POSE


[電車男上身中]



由於依部機係我生日前收到第一份禮物黎架(亦都可能係唯一一份黎架la..)


好多謝老婆,比左一份O甘型又實用既禮物,我會日日都跟身用架.


Thanks !!!!


以下就係N97 既相關功能列表:


=======================================================


Ref : http://www.nokia.com.hk/find-products-tc/products/nokia-n97
● HSPDA / EDGE / GPRS
● 採用 Symbian 9.2 系統 / S60 5.0 Touch 介面
● 內建 GPS / AGPS
● 內建電子羅盤
● 內建 widget
● 支援 Flash video
● 內建 32 GB 記憶體
● 支援最高 16 GB microSD 記憶體擴充
● 最高 37 小時音樂播放續航力
● 最高 4.5 小時影片播放能力
● 內建 500 萬像素 Carl Zeiss 自動對焦相機
● 支援 16:9 DVD 畫質錄影
● 內建 Wi-Fi
● 內建 3.5 mm 耳機孔
● 支援 TV-Out
● 支援 N-Gage
● 採用 BL-4C 電池(1500 mAh)


=======================================================


買點:


首款 N 系 Touch 手機
Nokia S60 5.0 Touch 觸空新介面,首款搭載的手機是針對一般用戶市場設計的 5800 XpressMusic,它背負了拓展新市場的使命,接下來,打響諾基亞名號的 N 系列當然也不能獨漏。Nokia N97 不但是 N 系的新旗艦,也是 N 系的第一款觸控手機。
N97 與 5800XM 相同,均搭載一個 640 x 360 的高解像觸控寬螢幕,不過與 5800XM 的 3.2 吋相比,N97 的 3.5 吋顯然是大得多;而且在待機畫面下,還會顯示人物、社交網站內容或是多媒體內容。


搭載 QWERTY 鍵盤
雖然 N97 具備觸控螢幕,可利用螢幕輸入文字;但諾基亞還是在手機上增加一個硬體 QWERTY 鍵盤,這個鍵盤採用側滑蓋樣式,在抽出滑蓋後,螢幕疑似還可以進一步往上傾斜一個角度,方便用戶打字時觀看螢幕,而這樣的設計方式十分類似 HTC 的 TyTN II 手機。


五百萬相機、超強擴充能力
雖然 N97 讓人耳目一新,但其相機仍舊為 500 萬像素,並支援自動對焦、採用卡爾蔡司認證鏡頭;為了因應寬螢幕的改變,N97 也支援 16:9 的 DVD 品質影片錄製,拍下的相片更可即時利用 Wi-Fi 無線網路或是 HSDPA 上傳到 Ovi 之類的分享社群網站。


在記憶體擴充方面,n97 更是前所未有的海量,手機本身就已經內建高達 32 GB 的內存容量,然而用戶還是可以繼續利用 microSDHC 記憶卡擴充容量,最高支援 16 GB,因此兩者相加,最多可有 48 GB 的容量可放,容量比部份 Netbook 還要多。


GPS、電子羅盤幫你找路
此外,N97 當然也不免俗地加入 GPS 模組,並支援 AGPS,搭配內建的 Nokia Maps 導航軟體,可查詢世界各國城市的景點,也能即時導航(選購功能)。


2009年7月23日 星期四

2009 香港書展 我的低能之道

 


今年原先決定唔去2009 既香港書展, 因為去左4年, 書展比我既印象都係"迫" "迫" "迫" ,又揀唔到書..又辛苦.



今日令我去既原因,都係今日同老婆去完廣華醫院做完廣華第一次既婦產科檢查,
又見下午有時間,O甘我地就即刻約埋弟婦吳欣, O甘佢又得閒.  可以幫我照顧大左肚既文迪.



而文迪去既完因, 全因為"馬仔"之低能系列  , 就係「我的低能大肚之道」&「我的低能旅行」 , 其次要既目的係"MANIMAMA" 第三集



買呢D新書, 書展買仲有八折嘛~



若果唔去書展, "馬仔"之低能系列要等書展後先返貨 , 於是去到書展第1.5 日,  我地一行三人用左$75就入去..都幾多人架




無咩書係好少文迪同埋我都想睇, 而睇佐又會開心嘅....!!!!! 馬仔d 公仔真係好得意...又好笑, 最緊要係中晒我地而家呢個moment 既攪笑野!!!!


就好似之O甘,發生既情型真係一樣,都係好攪笑既..e.g


"質疑驗孕棒會唔會有錯?? "



同埋成日同BB 講 D 9 唔 搭 8 既 野..




仲有係 MAmiMamA一屋四人一期一誌


[展覽廳1A-E的位置圖 - 亮光文化就在1A02-24]

不過今年聲勢實再大不如前,得好少人買書..可能妹妹大過左,無O甘得意la..


最後收獲就係仲有左下方既<沖繩 終極天書> 旅遊書  呢本真係幫某人買既, 唔知可以公佈未 ?因為有朋友好快又可以去日本,仲要係陽光與海灘tim



2009年7月18日 星期六

結婚成長片段 (正式版)

因為細佬+吳欣呢期成日都放個佢兩個6月結婚d相片,影片去Facebook.


係facebook 見佢地同佢地d朋友留言得o甘開心,我又不知不覺又睇番


2008-Aug-31國皇的婚禮既影片. 發覺當時為左保持由神秘感,一路都無比大家睇過我既結婚成長片段正式版,進場果段,即係唔係Pre-dinner , 自己用會聲會影整果段


自己整果dupload 左去呢度-->自製結婚成長片段 + 結婚精華

計下計下,係黎緊既8月31日.就係我同文迪結婚一周年,o甘快又差唔多一年 !

不過, 無論大家有無出席出席我地國皇的婚禮, 好多謝大家呢一年多既支持同埋祝福. 當然多謝我同文迪既屋企人,亦都要多謝最重要既兩位爸爸、媽媽. 多謝佢地三十年既照顧. 轉眼間,再過多半年到, 又要做人生一d既大轉變....


我地好快由做人老公老婆變做國皇 BB 既爸爸媽媽. 呢個blog,可能係遲d留比妳既紀念.


呢段結婚成長片段正式版 ,都收集左好多兒時典藏片段架...由兩人成長、相識、相戀...進而攜手去準備結婚的過程架..仲有還有四大長老"我地既爸爸媽媽",最親既屋企人,朋友tim


請永勝同文迪進場 :


Background Music.

陶吉吉~就是愛你 歌詞


我 一直都想對你說
你給我想不到的快樂 像綠洲給了沙漠
說 你會永遠陪著我
做我的根 我翅膀 讓我飛 也有回去的窩


我願意 我也可以 付出一切 也不會可惜
就在一起 看時間流逝 要記得我們相愛的方式


就是愛你愛著你 有悲有喜 有你 平淡也有了意義
就是愛你愛著你 甜蜜又安心 那種感覺就是你 .......


希望妳地同埋妳地既情人聽到都會開心喔 !


2009年7月2日 星期四

醫院

自從有左BB之後由第6週開始我已經開始嘔,尋晚因為呢幾日嘔得好勁,食咩嘔咩,夜晚9點幾辛苦到要去睇醫生,但係太夜既關係D醫生係閂左無得睇,Vincent最後係同左我去左醫院,



我地去到醫院好快就可以見醫生,醫生話我呢D係正常,醫生講呢D我都知道,但是我真係好辛苦先會黎醫院架!個醫生仲幫我照超聲波,仲見到個BB同我地揮手,個一刻真係好開心架,即係個BB好健康.醫生幫我照完超聲波就同我講我要留係醫院到調鹽水,仲因為我係醫院個時係喊緊,個醫生問我係未有情緒既問題,叫我留院住一晚,可能Vincent都驚我有情緒既問題,所以佢都叫我留一晚,但係我上到房就發覺左右床位個D都係呀伯黎架,我真係唔慣,有2個姑娘幫我,一個幫我抽血,一個幫我拮針調鹽水,個一刻真係想死呀!抽血個姑娘抽到我隻手好痛,到VINCENT返屋企拎完野俾我我就同佢講我唔想留係到喇!咁VINCENT就去同醫生姑娘講,但係個醫生唔準出院,個醫生仲同我講頭先抽個支血難左要抽過,個一刻我真係忍唔住喊左出黎呀!最後個因為我同VINCENT簽左紙一定要出院,個醫生都俾我出院,但係出院之前都係要抽返血先可以出院,但係呢次個姑娘真係好好,佢抽血真係一D都唔痛,但係第一次抽個度我第2日都仲痛緊呀!原來公立醫院都有好既姑娘架!真係好多謝佢呀!


大家見到呢個BLOG既時候唔使擔心我喇!


老公,


多謝你对我咁好,我有咩事你都會係我身邊,但係我因為有左BB經常發你脾氣,而家已經第11週3日喇!我好快就過第12週,希望我到時會無咁辛苦經常嘔啦!咁我地就可以好似以前咁喇!


老婆


02 Jul 2009


 


老婆,


見到妳o甘辛苦,我又幫唔到手,其實我都好心痛.


有時見妳食飯都食唔落,仲要嘔埋黃膽水出黎, 真係好慘. !


我同埋我地d屋企人, 加埋妳d朋友都好擔心妳架


個個又驚妳唔夠營養,又驚妳唔夠鈣比BB  !


妳要比心機捱埋呢1~2個星期,快d食番多d野


我地全部人都會支持妳,度個呢個難關. 妳有咩有需要就同我講.


仲有一個星期, 我地好得意既bb就會成型架la.


希望快做媽媽既妳可以開心番d .


老公


3-Jun-2009


 


唔知我地既bb會唔會好似馱仔o甘得意呢?


BB..妳要肥肥白白呀!


用呢幅圖則比裝修師父岩晒