日本渡蜜月後記: Day 2 雷門寺 南新宿 魚生飯

由於我地岩岩新婚,話晒都叫渡蜜月, 係日本為我地呢段感情祈福,第二日一早已經去左好出名既雷門寺.

文迪好誠心O甘求架, 希望求番支好籤.

文迪其實都未試過抽到好籤 , 不過都係唸住抽中咩都好,信則有,不信則無.

個結果係.....出乎意料..抽出黎竟然係"大吉"籤

由於我'好熟'日文,大致既意思係:

<望用何愁晚,求名漸得寧,雲梯終有望,歸路入逄贏>

解說: 雖然願望仲未100%達成,但係好快就實現了,

之後就會好車有樓,又有$又有仔女, 一步一步走去完美既婚姻,白頭到老 ,永結同心!

 

去日本,當然要買野, 第二站去左Tokyo Hands  ,佢既主題 Creative life style , 而我就係樓下買左個Gegory 背包,平香港 $300-$400 .

又去左南新宿,搵 Comme Ca Store - 成個Tower, 比香港買D 野齊D同埋平30%...又係Shopping ..買..買..買

之後去到Beams Street  (文迪至愛),  好似香港I.T. O甘, 裡面咩brand 都有, 有分Beams Boy, Beams Japan, Beams Girls,仲有唔知咩Beams,總之就係咩都有晒la..有Porter, 5cm....

行到累,就去左<流行東京>杜如風介紹既地方食魚生飯.

佢話D材料日日由築地新鮮運個來的, 1800 Yen 有個好大既魚生飯...都好低, 自己睇圖買票,都幾岩唔識日本既我地.

最後番酒店, 第二日已經有o甘多收獲...有衫,有風褸,有化妝品..仲有買比其他人既手信 tim

由於黎緊有好多人結婚,我地亦都買左4個結婚人情既信封入人情同埋寫祝福既說話