Adsense Script

2008年3月8日 星期六

簽署臨時租約

簽署臨時租約


臨時租約內訂明租金有否包管理費、差餉及地租、雜費,是否連傢俬電器出租,訂明免租期、交吉日、租約期。

簽署正式租約及支付地產代理佣金

仔細閱讀條款,訂明細節,如可否飼養動物,屋內設施有故障,業主是否承諾出錢維修。


繳付簽署租賃協議的有關費用和稅項及到土地註冊處登記


任何租賃協議,均需於稅務局登記,並繳付印花稅,印花稅要在簽署租賃協議內三十天繳付,過期則會被罰款。一般是由業主和租客平均負擔所有與簽署租賃協議的有關費用和稅項。若想得到較大保障,業主及租客最好到土地註冊處登記。一旦發生爭拗,對雙方皆有好處。


收樓



租客到了收樓的步驟時也絕不可以鬆懈下來,因為收樓也有許多值得注意的地方,萬一當中有任何出錯,便會造成損失,以下是一些有關驗樓要注意事項:



檢查連單位出售的傢俬電器是否完好?



連單位附送的廚具(如有) 是否齊備?



門鎖、門臼、門鎖、門鐘、防盜眼如常運作?



大門及各房門開關是否暢順?



窗戶、窗臼、窗鎖、窗柄窗簾軸 (如有) 是否運作暢順?窗台有沒有滲水、裂痕?



水喉有冇滴水?洗手盆及浴缸是否去水暢通?



其他去水位如何?



如配有地板,有沒有潮濕、發霉、浮起或隙縫過闊,甚至生蟲等問題?



地板有沒有凹凸或裂縫?



煤氣喉接駁是否妥當?



天花及牆身批盪如何?有沒有滲水?



冷熱水爐是否操作正常?



廚房及浴室的地台如配有磚或雲石等材料,有沒有裂痕、崩角等問題?


2008年3月5日 星期三

租樓篇

 


至從決定唔買樓租樓之後, 呢個1-2月....大約就睇左10個單位, 開頭唸住近番文迪媽媽屋企...都係睇官塘...係官塘既租盤, 全部都係溶溶爛爛, …


仲要咩都唔包 得四面牆, 又要裝修下又要買傢俬..都唔係o甘好.



之後由於無咩岩心水,係上星期約埋細佬,吳欣睇埋長沙灣,大角咀區.



我地想搵既....最好有齊傢俬電器,但就好難搵....


不過好彩, 係長沙灣搵到一間, 我地諗左兩晚就打比agent confirm ok...不過要講下價..減$500....個舊租客又肯留番晒D 傢俬比我地, 返工交通又方便又有好多野食....所以我地認為都OK.


 


我地而家只要買兩樣傢俬..電視+雪櫃..買埋傢俬買Wii 買電腦, 而且仲要比agent fee 三千,一個月租,一個月按金呢...好溶喎...


雖然真係比預期貴左好多, 不過若果官塘D 舊區都開價6-7K....真係有d不敢想像....不過呢個係而家既事實囉... ...我地都唯有接受....不過...我地遲多兩年一定會儲$買樓...


 


今個星期二去左簽contract...終於叫搞掂, 再同個舊租客傾埋D 個洗衣機,梳化,微波爐...可以四月準備搬去而下呢個新居....



地點係係永隆街....譚仔米線(總店)對面


 


 



 


2008年3月4日 星期二

買樓定租樓

隨著國皇的婚禮逐漸來臨,我地亦要係呢幾個月搵下我同文迪既安樂窩


雖然好多人同我地講, 供平過租,低好多,只要比得起首期,就唔駛同人供樓.話晒都係自己. 但係當我地唸下,依家d樓價真係好貴, 住市區,乜都無既,都要一百幾十萬,新樓就更加唔駛唸, ..好似我心儀既長沙灣四小龍,已經全部過晒三百萬…仲要日日起價,一加就加十萬廿萬.就係呢兩個月,D樓價已經升左20%買樓定租樓...??不過最大既問題係….扣除左結婚總開支之後,我係無二三十萬O甘多首期既…嘿嘿 !除非.................


另外,為左唔想買左層樓對我地既結婚有咩影響,都係等多一兩先年, 一生人呢DO甘重要既決定,都係等贏面大d 先賭LA..


 


 


我既假設係, 若個我一年要用10萬蚊租樓($8000*12), 我今日要買一個二百五十萬既新樓,只要比起而家(2008 2 月)既樓價回落4%…我就基本上有賺晒D租架.


 


睇番香港股市由高位 32000 去度而家 24000 ,加埋少少樓市股市濟後期, 再加埋美國衰退..



 


想佢跌少少都唔係過份ar


不過..又會唔會一路好似火箭o甘升到去2009 奧運之後呢? 呢個答案係咩…無人知..希望半年之後結婚再睇番呢篇Blog,應該有晒答案..


其實...我地呢無樓無車無$ 既三無人士, 想個樓市同股市爆左好耐架la.....而家股市叫做爆左一半...o甘樓市又幾時爆呢?