Adsense Script

2007年7月31日 星期二

Happy birthday to you


Happy birthday to you, Happy birthday to you, Happy birthday to Vincent, Happy brithday to you.

生日快樂

見你生日
我聽日就請你食啦!你記得同我去街街喇!


2007年7月29日 星期日

登登登登......新鮮出爐永勝生日蛋糕



啱啱整好左永勝個生日蛋糕喇!因為今日同永勝屋企人食飯,所以我就整左呢個"菩黃金芒果脆脆蛋糕",呢個係我上年去學既蛋糕,希望你會鐘意我今年整俾你個蛋糕啦!雖然睇落去唔係咁靚,但係我諗都唔會好難食既...



2007年7月28日 星期六

仲有4日.....永勝生日

永勝的生日咭 (個D圈圈要自己一粒粒滅出來架!)係未好型呢?

永勝未開的生日咭同禮物

登登登登...永勝今年既生日禮物Ray-Ban太陽眼鏡

因為聽日永勝約左d中學同學去沙灘游水,所以我就提早送生日禮物俾佢,等佢聽日可以帶住我送俾佢既生日禮物去沙灘游水,其實呢副太陽眼鏡永勝一早就睇中左,不過因為佢唔想徒錢就無買到,所以我就係佢生日送俾佢.希望你鍾意我今年送俾你既生日咭同禮物啦...

生日快樂


2007年7月26日 星期四

九龍皇帝曾灶財

曾灶財(1921年[1]11月12日[2]—2007年7月17日)

今日睇新聞知道曾灶財先生已經去左天國,
忽然想起這個「九龍皇帝」。

原來他的真名叫曾財,是香港一名塗鴉藝術者。妻子文福彩,共有八名子女。
九十年代中「九龍皇帝」曾經風光一時,
現在卻好像一下子從我們的記憶中剔除了似的,
留下的....只是一個無聲的嘆息。


曾灶財係值得尊敬的人,由街頭塗鴉變成香港最大年紀既藝術大師 ,由非法塗鴉變成合法,勁!


據說在尖沙咀還能看到他的墨寶,那還是周梁淑怡做旅發會主席時要求保留的.

曾先生原來仲有同我個日誌提過「國皇」兩字.不過,我未來既皇后叫文迪(唔係叫文福彩)

好似寫錯,麻煩曾先生可唔可以執一執先呢..我恐怕文迪會誤會, 唔該晒.

 


 


2007年7月25日 星期三

係邊到可以買到最平既美心餅卡呢?



 


而家門市正價 : $45.60 / 張   ($3.80/件 x 12件) 



個日見到會展做 Promo 有 8 折 100 張起:


(1) $45.6 *  8 折 * 100張  +  加7 張Free = $3648
$3648 有 107 張
平均= $3648 / 107 = $34/張

(2) 美心員工價最平$33.30 (73折)


大家當買 107 張:
會展價 :  HKD$ 3648
員工價 :  HKD$ 3561.1

相差: $86


 


2007年7月23日 星期一

水晶GEL甲



 

上個星期MICHEEL帶左我去尖沙咀整水晶GEL甲,呢次係我第一次整水晶GEL甲,由於係第一次整既關係,而我本身有無留開指甲又唔知道應該點先至靚,一開始整個時幫我整甲個個人就問我使唔使加長d甲,我就同michelle傾完一輪之後就話唔使,點之當佢整完第一隻我同michelle就發覺好唔靚呀!最後係我同michelle三番四次同幫我整指甲個個人話真係好唔靚問可唔可以重新幫我加返長d指甲,佢最初都唔想架同有小小微言,不過佢最後都有幫我加長到d甲,所以而家先咁靚咋!

不過講左咁耐都無講到幾多錢TIM,只需要$200大元咋!係未好抵呢?如果大家有興趣想整就話我知我俾個地址你地啦!費事係度幫人賣廣告啦!


書展-張小嫻




尋日我同永勝去左書展,買左2本張小嫻既長篇小說,其實一早我就已經想買架喇!但係因為我之前買左幾本都未開始睇,所以永勝唔俾我買,不過尋日去到書展有八折同我地要$25入場既關係,永勝終於俾我買喇!仲可以一次過買哂2本tim呀!

永勝我係度應承你我一定會睇哂呢2本書架!

 

 

文迪...妳唔得左講我地仲見到Thersea ,蘇文峰同埋袋巾呀...

佢地想搵妳簽名架嘛.災又唔埋佢地


 

 


2007年7月22日 星期日

羅浮宮影相日安排

Quota From :

http://ivy_alex07.mysinablog.com/index.php?op=ViewArticle&articleId=514984

2007年4月1日(日)

今日,去左羅浮宮影相la...

今日係愚人節,亦係我同豬豬老公去羅浮宮影相o既大日子。可能太緊張,之前一晚訓得唔好ah~ 所以我都好早起身,等豬豬老公黎就出發la~

未到9:15am,我地已經去到羅浮宮門口,仲見到小丁tim~o向大堂o個度,d sales 叫我地比花球同野食佢地,因為可能放唔落locker,又幾周到wor~ 之後,我地上上面放野入locker,再等左一陣,就見到ah June la~ June 都認得我,真係好喇~ 入去化妝間坐低後,我就比左d 我prefer o既頭June 睇,佢都覺得我適合曲髮多D,佢同我化好妝先,June 化妝好用心,尤其是眼o個part,用好耐時間去化,woo~ 化出黎super 大眼,我都唔認得我對眼ah~ 佢話我用啡金色eye shadow 唔錯,等我記住先~ 佢o向我對眼度畫下線,又貼下膠紙,又夾下眼睫毛,佢話我d 眼睫毛都幾長,佢將我d 真假眼睫毛黏貼一起,所以有d 拉緊感覺。條眉又係畫得好靚ah~ 真係好鐘意ah~之後,知道我會去影晚裝先,所以就要決定著邊件晚裝la~June 幫我著左橙紅色o個件先,佢覺得我著得幾好睇,又cute cute 地,不過佢都再叫人拎件nikki 藍色比我睇,比我再揀下,但June 覺得橙紅唔錯,層次多d,影相靚d,所以,我就揀左橙紅la~ 跟住June 就幫我set 頭la~ 坦白講,未set 頭之前,我覺得個妝遮唔到我腮骨o既,但,整埋個髮型之後,我個look is so good~~ haha~~ 我真係覺得好靚,又唔老,又cutie ga~ haha~ June 幫我小曲小曲咁整後面,頭頂梳高d 同要闊d,咁我個顎骨位睇起黎就無咁大,而前面就有兩條曲o既頭髮剛好遮住顎骨同腮骨位,so good~~ 佢幫我o向頭上右前方加個小皇冠,一件好grand o既gown 就變左young 住黎grand la~ June 仲好細心咁幫我加d 黑色上頭頂d 髮隙度,又好細心咁整我面側的兩條曲髮o既曲度,正ah~

之後,我地先去影Love出面個外景,我比左d 心水post Barry 睇,佢話佢都唔會記得晒,不過佢會盡量影,再加埋suit 我地o既post 就perfect ga la~ woo~ 我地先影欄杆,Barry d 要求動作係有少少難度,不過佢好識就角度,我覺得真係好,但佢唔prefer 我用披肩,呢個令我有小小擔心ahha~但佢話睇唔到我d o即o即肉ga wor~ 影欄杆已經出動大chichi la~ 真係好喇,淨係呢個景,都影好多張,唔怪得Mabel 話佢會影成200幾300張la~ so good! 多D 啦多D 啦~~ Barry 有問過我鐘唔鐘意影黑白,我話有無得啡tone,佢話啡tone 係黑白相晒o既時候加工ge~ 我又話佢知我好like 菲林o個隻16:9相,so, 我估佢都有影唔同o既efect 相,尤其我見佢成日用o個塊磨砂星形片黎遮住個鏡頭,我估呢個係令外圈朦朦o既effect。之後影電單車,我特登戴返手套影,仲有木門、Love、花椅叢,淨係呢度都成20幾張la~ 之後入去大堂最入o個個room,我地首先影蛋糕,呢個蛋糕好似係我地企上去扮公仔o個種,又有得拎大chichi 影la~之後影白色吊野,老公要坐得好型o個種,haha~ 跟住就紅色梳化燈泡位,之後影木馬ah~ 我估木馬係新加ga~ 好開心ah~有得影木馬!!仲同大細chichi一齊影tim ah~ 之後出返去大堂,我問Kelvin可唔可以著晚裝影下大堂,因為我覺得都幾襯,佢話只要我地要求,實得!! woo~ 好野,我地用梳化背景影大堂,又同細chichi影鋼琴ah~ 好開心ah~ Kelvin 好細心,成日同我地換下花球,又拎好晒我d 野,仲幫我地留意住d 眼鏡位,裙尾等等~我話佢知老公上次影相時好多時look 大左對眼,佢都有成日提住老公,super細心ah~ Barry 成日叫我唔好大笑,如果唔係露牙肉就唔好睇ga la~ 但佢又叫我地笑得開心d~ 有d 難ahha~ 佢又成日話老公o個d 笑係假笑~ haha~ 好過癮~ 我同Barry 講開我FB 要重影,佢同我講叫我放心,我唔會再見到佢,除非我join cdl Macau~ haha~ 勁攪笑ah~! 上返樓上等候間,我地入左去一間房,入面有張水床,Barry 話 Kelvin 好鐘意ga~ haha~ 我地o向入面影水床,又影紅玫瑰,最後,我想加件披肩影一張,因為全程都無影過,咁,我地就o向房入面個吊燈木板坐木櫃影左幾張la~ 影完晚裝la~ 我估係由11:xx 影到1:30pm 成兩個鐘la~ 我估咁已經影左成60 張相la~ o向等候廳等時,今日第一次撞到小丁,我地仲相約陣間一齊影合照tim~

.........................


2007年7月21日 星期六

長命咳

大家好呀!我係女BLOG主文迪,好耐都無寫BLOG喇!因為我病了!

我已經咳左大約三個禮拜,仲睇左五次醫生,但係到而家都仲未好呀!真係咳到好辛苦呀!係開始咳個頭一個星期我都有聽醫生話戒口(唔飲凍飲,唔食煎炸野),但係經過一個星期既戒口都無任何好轉,我就有左以下既决定.

1. 唔再戒口(繼續飲凍飲同食煎炸野)

2. 無再睇醫生食藥

希望我咁樣都會好返啦!


小年李小龍

仲記得係好耐之前, 自己係CityU 讀書既時候,寫個一個Homepage 交功課.當時有一個科目係'Multimedia System and Application 多媒體系統與應用'



要上課既每一位同學都要交一個介紹自己的綱頁同埋一個短片,當我好辛苦o甘唸緊有咩題目既時候, 覺得個Professor 什麼都沒有教, 上堂教下你什麼叫做HTML, JPG 與GIF 的分別,一d好基本既理論,o甘樣就要我地寫綱頁又要整埋Vedio,仲要比其他同學比分...o甘佢咪咩都唔駛做?? 跟住我就突然想起:


「 我 讀 得 書 少 , 你 唔 好 呃 我 ! 」。 


o甘樣, 我就唸起佢喇....我當年既題目就係"李小龍". 而家睇番個Vedio都覺得當時"超低能,勁攪笑"..嘿嘿 !都算有D 創意丫, 我當時仲係算後生,仲覺得自己好型架.不過這一短片雖然只有十多秒時間,但已經用左我一星期時間做架.


文迪仲唸住力呢一段既Vedio 係我地既婚禮上播tim....不過我驚有不良影響喎






 


李小龍簡介: 一 九 七 三 年 , 一 位 武 術 巨 星 殞 落 了 , 他 是 李 小 龍 。 經 過 了 二 十 多 個 年 頭 , 李 小 龍 依 然 活 在 人 們 心 中 。 近 來 本 港 又 再 度 掀 起 了 一 股 李 小 龍 熱 , 究 竟 李 小 龍 有 何 吸 引 力 , 使 世 人 至 今 仍 對 他 念 念 不 忘 ? 
李 小 龍 的 成 功 , 不 在 於 他 的 武 功 高 強 , 而 是 他 象 徵 著 一 種 精 神 , 一 種 不 屈 不 撓 、 永 不 言 敗 的 信 念 , 大 家 是 否 還 記 得 《 精 武 門》 中 的 :  「 中 國 人 唔 係 東 亞 病 夫 ! 」 , 還 有 那 句 : 「 我 讀 得 書 少 , 你 唔 好 呃 我 ! 」。 

2007年7月16日 星期一

羅浮官Cite Du Louvre


經過一日既整頓,終於可以話番比大家聽究竟婚紗展當日join左個什麼Package 了

呢個就係我地係羅浮官個Package –展銷攝影套餐B


  • $5,888包o左以下o既o野
  • 新娘婚紗2套
  • 新娘化妝
  • 髮型設計連頭飾2款
  • 新郎禮服2套 (任選)
  • 24” X 30” 油畫連框 C+
  • 11” X 14” 相 1張
  • 8” X 10” 相 2 張
  • 4” X 5” 相 1張
  • 10” X 24” 相 20張連相簿
  • 提名布1張, size 18”x 28”
  • 20張普通相連相底
  • Q版相薄
  • 晚裝一套(拍攝用)


 

另外我地仲有Eaton coupon裡面既包既


  • 10張 size 4”x 5” 相片
  • 16” X  20” 油畫(無框)
  • 8”  X  10” 相 2 張
  • 5”x 7” 相 2 張
  • 12張相連相底


 

不過仲未計:


  1. $1,000燒碟費用
  2. 將44張菲林相底scan及14張effect相數碼檔燒成DVD
  3. $180由男裝腰封轉背心費用
  4. $90男仕化妝費
  5. 相片全包coating  ??
  6. $500 指定攝影師 (大Sam)


 

唔知到我地揀相個日又會點呢?可能埋單又多幾樣,不過睇到o甘多既靚景..應該到時文迪又忍唔到手la.

睇落我都係同鄭嘉穎都唔係差好遠暏...

文迪問我"周麗淇靚d定佢靚d",個答案好明顯...










 

若果要睇多少少相,可以去我地既相簿睇下

http://hk.myblog.yahoo.com/mandy-vincent/gallery


婚紗展


今日同文迪去左婚紗展...

又做左一樣結婚好重要既野...就係選擇左我地影婚紗相既公司.

不過其實過過程就同上一次選擇酒店有幾大既分別.

今次不知道是否我們心急的關係,我同文迪行了兩個轉之後就已經決定左.

而我地既選擇就係"羅浮官" la...

最大既原因係因為我們預定既逸東酒店其實已經送左$4188 coupon..

係婚紗展又有好多優惠..又有好多相送..雖然係有d心急..仲未知咩要額外收錢?

不過上綱睇左好多Post,羅浮宮 d 服務好似係咁多間最好呀

佢地有好多代言人架...有林峰.鄭嘉穎.仲有周麗淇.

唔知我地又會唔會影到佢地o甘靚呢? 希望年尾影出o黎 d相ok啦




 


2007年7月14日 星期六

我愛文迪



為左表示我對我既未來老婆係黎緊呢一 年或者之後好多年既承諾..


我已經做左好大既決定....就係紋左呢幾字係我後面..等我游水,除衫既時候等人地都望到ma..



2007年7月12日 星期四

I'm not a plastic bag - 3

我地終於今日力左個袋喇!

我一早就放左工..六點半就去到中環利嘉酒店,

I am not a plastic bag D 職員佢地仲特登book左Basement 個Ballroom 比人地力袋喇,

仲以為要排好耐隊...點知去到唔夠10分鐘就攪好晒..不過力個時要對身份證..仲走埋.

比左 $240蚊就有兩個..呢d相就係今日影架la.








2007年7月11日 星期三

I'm not a plastic bag - 2


DO.......最新"I am Not A Plastic Bag"直擊報導

今日終於有Anya Hindmarch既職員打電話俾我通知我7月12日可以去某地方拎袋喇!

不過我諗佢地唔想好似之前咁,所以只可以限定時間去拎,如果唔係係佢地約既時間就無得拎呀!好彩我有過好錫我既未來老公永勝去幫我拎咋!

==>放心喇...未來老婆..我會唔番公/早走/Time-off 都同妳去力架la..之後第一時間送去妳手上,

因為呢一個袋係妳排左22個鐘既心血黎架嘛 !

 


2007年7月8日 星期日

I'm not a plastic bag


最新"I am Not A Plastic Bag"直擊報導


今日因為夜晚約左永勝d舊同學係絧纙灣食飯,食飯前又無特別地方要去,所以記去左中環ifc既Anya Hindmarch專門店查旬下個"I'm Not A Plastic Bag"既情況.


因為我地最驚個晚保安登記個list 去唔到Shop果度, 打極電話去Shop又無人聽,落Voicemail又無人覆.


搵到既職員問左之後, Anya Hindmarch既職員回覆既結果係如果係7月5日夜晚11點保安員登記左名,id no及聯絡電話既會係7月11日之前打電話通知去拎袋.仲會係同之既Terms係無變,仍然係$120有一個每人可以買2個呀!


但係個Sales Manager話,力袋個一日係唔會去番Shop 度力,會去一個秘密既地方,費時又在引起混亂.


梗係la..經過上一次既經驗,佢地終於識得咩叫做"安排"


永勝仲好叻幫我問埋我同米雪係未係個list入面,d職員都好好人幫我地check. 不過Anya Hindmarch既職員check 左好耐,精明既我估到佢地應該仲未入電腦,仲係靠個張由我地既血汗寫成既 I'm Not A Plastic Bag 登記 List'.


最後,好開心o甘知道我同米雪真係係個list入面,都不枉我同米雪排左22幾個鍾.永勝你今次好叻呀!識得幫我問我地係未係個list入面,等我同米雪唔使心掛掛,抵錫...



 


2007年7月6日 星期五

Anya Hindmarch "I'm Not A Plastic Bag"環保袋



我就係因為呢個"i am not a plastic bag"袋咁大個女係街度瞓左22個鍾,尋日2點幾我就同我個好朋友米雪係中環IFC等左一晚,係我同米雪等既呢個晚上,我諗係我咁大個女最辛苦既一晚.

我尋日中午點幾我就同米雪去度尖沙咀海洋中心Anya Hindmarch既專門店諗住排隧,但係就俾該商場既保安趕走話呢度唔會俾我地排隧,如果我地堅持要排隧佢地就會係晚上十點商場CLOSE既時候就會CALL警察清場唔準訐我地係度排隧,經我同米雪商量完之後我地就轉戰去IFC排隧,係我地無諗中午2點幾已有人排隧既情況下,我地一D準備都無就要開始要排隧喇!當我地開始排隧既時候我地只係排第50之內,但係經過幾過鍾前面D人打尖後,係晚上7點Anya Hindmarch D職員及商場保安數人數既時候我同米雪已係去到第90同91位喇!剛剛好係100個QUOTA之內,不過我地都未必一定會有,因為係Anya Hindmarch D職員及商場保安數人數之後都仲有好多人係前面打尖,直致去到11點幾有好多人鼓噪同前面人龍有人打尖終於有警察到,而保安亦幫我地登記左我地既名,ID NO,同聯絡電話,但就無講過留左資料既人就會有,所以我同米雪都無太大其望.直到朝早10點幾就有人傳如果尋日有MARK低資料既人就會有,我地仲CONFIRM左Anya Hindmarch既職員話已登記左既都會有同佢地會你2日內打電話通知我地我地先係12點幾安心返屋企等消息.好彩係呢20幾個鍾既排隧我都有我既好朋友MANDY同我未來老公永勝黎買野俾我同米雪同支持我咋!多謝哂呀!

經過今次既排隧經驗我諗我下次再要隧經既時候會有多D準備,永勝第時仔仔女女要排隧搵幼稚園呀小學呀就靠晒你喇!


而下就係我係IFC 零晨影既相,岩岩排既時候都未有人.到左十點既時候所有見到既地方已經排滿晒...有成兩千人架...